Boy Ma Ayra Ma JAŊ Ɓiirimma 8:55 - Boy Lonana

⁵⁵ Na may, agi ka wambi, anu, an wamu. An di wa ana an ka wambi ni, an mbuɗ ni sa kaboyna ko agi na may. An wamu, an hum u boy mamma lay.

Boy Ma Ayra Ma JAŊ Ɓiirimma 8:55 ပူးပေါင်းရင်းမြစ်များ

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 9:3

Kakagi jejegee, gegelay ko tam u ndaram ma poy u namma. Ganagi yam tagi u sa wayagi ma dewɗi lay. Kay ana wayagi managelay juɓ mi a li dla cora. Sa poy u tagi managelay min hummi dla cora.

Magaara Vi Sa Jok Vun Lona OZE 5:4

Dlara asi laɗta mbuɗusi hoŋ masira eg Loosinara ki loɓma kay ana saara li gawlaŋŋa oy ki varasi wa, asi ka wi Yaweɗi.

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

Boy Ma Ayra Ma LUK Ɓiirimma 10:22

«Tlena halaŋ Bun ɦansina ni konu. Sa ka wi Goŋ Lonnaɗi, wammi Bun doy hol. Sa ka wi Lonaɗi, wammi Gorom u suu nam hin takasina kina.»

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

Boy Ma Ayra Ma JAŊ Ɓiirimma 15:10

Agi li vi u gaɗ manda ni, agi hin lakŋi hu min manda ko an may ni vi u gaɗta vi Bunda an kaki hu min mamba may.

Boy Ma Ayra Ma JAŊ Ɓiirimma 15:21

Asi hin lagi dla ndaɗta halaŋ egegiya kay senu, ni kayme asi ka wi sa ma sunun aynaɗi.

Boy Ma Ayra Ma JAŊ Ɓiirimma 16:3

Asi hin li dla ndaɗta na ni kayra asi ka wi bunɗi lay ka wan anɗi layra.

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

Boy Ma Ayra Ma JAŊ Ɓiirimma 6:46

Ni ka ana sa ma wan Bunna naɗi. Sa col ay kolo huulona wi Bun ni nam dew.»

Boy Ma Ayra Ma JAŊ Ɓiirimma 8:19

Asi joɓom ana, «Buŋŋi arage?» Nam dasi ana, «Agi ka wan anɗi lay, ka wi Bunɗi lay. Lini agi wanu ni, agi hin wi Bun may.»

Boy Ma Ayra Ma JAŊ Ɓiirimma 8:29

Sa ma sunun ayna ka u anu, nam hinin ka kay tanɗi. Tew tew ni, an li ni dlara irim jivira.»

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

Boy Ma Ayra Ma JAŊ Ɓiirimma 8:51

An dagi ni gasira, sa humun boy manna na hin ka miɗɗi.»

Boy Ma Ayra Ma JAŊ Ɓiirimma 8:52

Suu Juifna dam ana, «Cecemmi ami wi ki gasi ana aŋ fulina ka kaŋu. Bumi Abraham miɗa, suu jok vun Lona miɗ lay. Aŋ di ana sa humuŋ vunuŋŋa ka miɗɗi ni nanage?

SUNDA 17:23

An poy hu ɦoŋzina tani wi li ma agi tok a li cenda huna, an wi givin ma togolla ma cenda dew ɓiiri kam kolo ana, lo ma sa ka wambina. Ni jiviya ma agi cen sa ka wambi namma an dagi ni kamu.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

1 JAŊ 1:6

Lini aygi daygi ana aygi taɓi u namu li hin laygi dlaaygira duk ndufunda may ni aygi mbuɗ taygi ni kaboyna u njaɗ maygira u dlara aygi laɗ u bik koygira lay.

1 JAŊ 2:22

Sa kaboyna ni gege? Ni sa di ki u vunum ana Yesu ka Sa Suɗtaɗina, sa namma ni babali ma vi Sa Suɗtana, ni nam hinim bum Lona ki lay tamba Goromma ki lay.

1 JAŊ 2:4

Lini sana vi kam wa ana nam wamu, li ka vam vun gaɗ mambaɗi ni, nammi sa kaboyna, ni gasira ka hurumbi lay.

1 JAŊ 5:10

Sa tin hurum kay Goŋ Lonna diki ndaɗta ni joki kam gaw may, sa ma tin hurum ka kay Lonaɗina mbuɗ Lon ni sa kaboyna kay me nam tin hurum ka kay dikira Lona daɗ kay dlaŋ Gorommaraɗi.

WIRA ŊGAYRA 3:9

Gola ni va ma an hin a lam eg suu toki u Satanna, asi ni suu kaboyna ana asi ni suu Juifna ni ka naɗi lay. An hin ɦeɓesi asi mba goɓ kaŋga fokoŋ geleɗeŋu. Asi hin wi ana an miniŋu.