Boy Ma Ayra Ma JAŊ Ɓiirimma 8:51 - Boy Lonana

⁵¹ An dagi ni gasira, sa humun boy manna na hin ka miɗɗi.»

Boy Ma Ayra Ma JAŊ Ɓiirimma 8:51 ပူးပေါင်းရင်းမြစ်များ

SOOLLA 89:48

Saa ay kay buurun ma hu daŋgarana, aŋ min sa warna ni kay buu ew ɦawaa.

MATIYE 16:28

An dagi ha ni gasira, suu dukugi ɦiw ka daɓ ki miɗna bay wi Goŋ Sanna mbay u mul mambaraɗi.»

Boy Ma Ayra Ma LUK Ɓiirimma 2:26

dam ana, Nam ka hin miɗ bay wi Sa Lona Fuurumma u irimbi.

Boy Ma Ayra Ma JAŊ Ɓiirimma 14:23

Yesu hoŋom dira ana, «Sa ma mininna, hum u boy ma an damma, Bun hin minimu, Bun may an may, ami mba lak hurumu.

Boy Ma Ayra Ma JAŊ Ɓiirimma 15:20

Gagi humugi kay va ma an dagina na, sa ma li sun ma su malamma kaɗi. Asi lasan wa ni, hin lasagi may. Asi vi u haɗ manda wa ni, hin vi u magira na may.

Boy Ma Ayra Ma JAŊ Ɓiirimma 17:6

«Suu aŋ manasi ay ki duk suu hu duliyarana, ɦansina, an takaŋ ki masi wa. Asi li ay ni maŋsina, aŋ ɦansina, asi hum u boy maŋŋa.

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

Boy Ma Ayra Ma JAŊ Ɓiirimma 6:50

Fu ma col ay kolo huulona, sa tamma hin ka miɗɗi.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

Boy Ma Ayra Ma JAŊ Ɓiirimma 8:52

Suu Juifna dam ana, «Cecemmi ami wi ki gasi ana aŋ fulina ka kaŋu. Bumi Abraham miɗa, suu jok vun Lona miɗ lay. Aŋ di ana sa humuŋ vunuŋŋa ka miɗɗi ni nanage?

Boy Ma Ayra Ma JAŊ Ɓiirimma 8:55

Na may, agi ka wambi, anu, an wamu. An di wa ana an ka wambi ni, an mbuɗ ni sa kaboyna ko agi na may. An wamu, an hum u boy mamma lay.

HEBRENA 11:5

U vira Henok miɗ kaɗi, Lona tlam ha kolo egemu, sa fam ka oloɗi. Bay tlam ha kolo tura wanni magaara diki ana Henok ii Lona jiviya.

HEBRENA 2:9

Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.