Asi daɓ tokka ki daɓ, cuk ay ki bunsu ca ni, suu Juifna u suu vi u vira vi suu Juifnara ŋgolo taɓ u Pol u Barnabas. Asi njun usi gaɗasi jivi cocoo, a asi kak saɓak hu oora vi Lona.
Lona njun ay un gak gak karam tani ni namu. An ka di boy manna ki maŋ suuna halaŋ, maŋ suu gorina u suu ŋgolona lay. Boy ma suu jok vun Lonna u Moiz dam ana hin mbana an ka jok va ma daŋ zeɗ u masinaɗi.
Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may.
Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.
Galamba ndaɗta hin ka a li ko mayra an vaɗ u somoyosira naɗi, hu li ma an taɗasi ay ki a hin ndaŋgara Egipte kina. Asi min vi ka u galamba an vaɗ u asiraɗi, Bu Suuna di ana an ka yoo tan kasiɗi.
Sa ma saa kay gaɗta ɗegee ta buɗuygi kira vi boy namma hurum gasi, ka humum u furira kay a hin maaram ki ɦawaɗi. Li umu, sa namma Lona hin paɗ vunum ki kay sun mamba.
Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.
Ni kay ndaɗta vagi boy ma agi humum ay fok jew dayna hurugi eŋe, lini dlara agi humuɗ ay fok jew dayra hurugiya ni agi hin li taɓira dew u Goona may u Buna may.
Lini agi li ndaa Yawe, lini agi sunumu, lini agi humum vunumu ka lagi yara kay gaɗta vi Yaweraɗi ni, agi tagira lay, mul ma hin kak kagina lay hin kakagi jiviya, tuɗugi u Yawe jivi lay.