Boy Ma Ayra Ma JAŊ Ɓiirimma 8:12 - Boy Lonana

¹² Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

Boy Ma Ayra Ma JAŊ Ɓiirimma 8:12 ပူးပေါင်းရင်းမြစ်များ

JOB 33:28

Nam suɗun ay ki ni gii fun zulla. Cemi iiri manda ka gol kiɗikka.

SOOLLA 18:28

Aŋ njun u suu hoŋ yasi gana, suu ŋga tasina aŋ hoŋosi ki kaŋgaa.

SOOLLA 49:19

Hu li ma nam iiriya ni nam li u tamu, suuna ko kosi umu kay dlaamba halaŋ tuɗ jiviya.

SOOLLA 97:11

Kay suu ɗegeena kiɗikka ka li kasiya, furira ka kay suu hurusi jivina.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

EZAYI 9:2

Aŋ wulusi furi masira kolo wa, aŋ zulusi u ay masira wa. Asi ka furi fokoŋu ko suuna furi hu buu ma feɗ tlena vona na, ko suuna furi a ɓorow joo ma asi fam ay fun duunana na.

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

MATIYE 5:14

«Agi ni kiɗikka duk suuna hu duliyara. Zi mini kolo kay ɦinira na, sa ndak a ŋgayam kiɗi.

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

Boy Ma Ayra Ma JAŊ Ɓiirimma 12:35

Yesu dasi ana, «Kiɗikka ka dukugi tuwa a kak ew ɗaŋ. Tuɗugi huruɗu a ndufunda fagiɗi. Li tagi jiviya, sana tuɗ hu ndufunna ni ka wi li ma nam tuɗ hunaɗi.

Boy Ma Ayra Ma JAŊ Ɓiirimma 12:36

Kiɗikka ka dukugi tu ni, tinigi hurugi kaɗu a agi mbuɗ ki goryoŋ kiɗikkana.» Yesu di boy namma na di ni, tuɗ ŋgay ha ki egesi na day.

Boy Ma Ayra Ma JAŊ Ɓiirimma 12:46

Anu, an mba hu duliyara ni ko kiɗikka na, a suu may suu tin hurusi kanna lak hu ndufundaɗi.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 3:19

Agi gola, kaɓakŋa col ay ni ana, kiɗikka mbay hu duliyara, suuna min ndufunda su kiɗikka, kaymege, dlaasira ki coo.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

Boy Ma Ayra Ma JAŊ Ɓiirimma 9:5

An duk suuna tu wanni, an ni kiɗikka irisira.»

SUNDA 13:47

Gola ni boy ma Bu Suuna damina anaba, An tiniŋ ko kiɗikka na fok njaf suuna halaŋ. Aŋ tuɗ ɦal suɗta maŋ suuna hu ndaŋgara suu ha dayna lay.»

SUNDA 26:23

Ana Sa Lona Fuurumma hin wihawra, nammi sa ma hin coli kolo hu miɗna iiri jewna. Nam hin di ki kay suɗta ɗal ɗal maŋ suu mamina u njaf suu daŋŋa lay.»

2 PIYER 2:17

Suu asina ni ko mbo goloŋ ma ki sooyna na asi ni ko ɗugulla semeɗna valawaɗ kira na. Lona min lina ha kasi hu zulla ŋgolla duk ndufunda.

2 PIYER 2:4

Lona hin suu sunda huulona suu li cora kaɗi cukusi duk kura njunusi kaŋga duk li ndufunna kay juɓ buu ma kaɓakŋa.

1 JAŊ 1:6

Lini aygi daygi ana aygi taɓi u namu li hin laygi dlaaygira duk ndufunda may ni aygi mbuɗ taygi ni kaboyna u njaɗ maygira u dlara aygi laɗ u bik koygira lay.

Magaara JUD Ɓiiriɗta 1:13

Asi tli tasi ni u bil yona ka hu lum ŋgolna na, asi li dlara zolona ko kuffa na, asi ni ko ciciwra li ma ndaɗ col huna kaɗira na, Lona cukusi hu li ma ndufun girmindiŋŋa a fafatɗa.

Magaara JUD Ɓiiriɗta 1:6

Saaragi kay suu sunda huulona suu hurusi li ayra ka kay ŋgol masira ɦasirara ɗina. Asi noy liisi ma asi ay huna kiyo. Nam ɓalasi kaŋga u kinjiŋŋa, hu li ma ndufun girmindiŋŋa gak gak asi juɓ buu ma ŋgol ma kaɓakŋa.

WIRA ŊGAYRA 21:24

Suuna hu ndaŋgara hin tuɗ ni u kiɗik mamba, muli suu hu ndaŋgarana hin mbaa bege masina huwa.