Boy Ma Ayra Ma JAŊ Ɓiirimma 8:11 - Boy Lonana

¹¹ Ndaɗ hoŋom dira ana, «Malla Haɗta, sa kaɗi.» Yesu daɗ ana, «An may ni ka kaak ɓak makŋaɗi lay. Ndak tuɗa, li co oloɗi.»]

Boy Ma Ayra Ma JAŊ Ɓiirimma 8:11 ပူးပေါင်းရင်းမြစ်များ

JOB 34:31

Lini sana di Lona wa ana, «An cuk coonda ki wa an ka li co oloɗi,

VUN ŊGOLNA 28:13

Sa ma baa coomba kaŋgana ka fi vadi. Sa ma di coomba, hiniɗ ki gasi mayna, hin fi oora vi Lonara may.

EZAYI 55:6

Halagi Yawe kay nam tak tam irigi wa. Yagina kay nam ka ni na tok daŋ.

Boy Ma Ayra Ma LUK Ɓiirimma 13:3

Ҥawaa, an dagi ha na, lini agi ka jok hurugi ki zeɗɗi ni, agi hin miɗ ni ko asi na may.

Boy Ma Ayra Ma LUK Ɓiirimma 13:5

Ҥawaa, an dagi ha na, lini agi ka jok hurugi ki zeɗɗi ni, agi hin miɗ ni ko asi na may.»

Boy Ma Ayra Ma LUK Ɓiirimma 15:10

An dagiya, suu sunda huulona hin furi kay sa co ma hin coomba kina ni na may.»

Boy Ma Ayra Ma LUK Ɓiirimma 15:32

Ay ndak a luu luu ma furira kayme wayaŋŋa gin ay ki ni ko miɗira na, cecemi nam mbuɗ ki ni iiriya. Nam ay ki ni baaya, cecemi an fam wa.»

Boy Ma Ayra Ma LUK Ɓiirimma 15:7

An dagi ha ni na may sa dew ma li corana hin coomba ki wa ni, suu kolo huulonna hin furi kammi su suu dok dleeŋe yam dleeŋe suu hurusi jivina.»

Boy Ma Ayra Ma LUK Ɓiirimma 5:32

An mbay ka yi suu hurusi ɗegeenaɗi. An mbay ni kay suu cona, a hurusi mbuɗ ki jiviya.»

Boy Ma Ayra Ma LUK Ɓiirimma 9:56

Asi tuɗ hu zi ma daŋŋa gaw.

Boy Ma Ayra Ma JAŊ Ɓiirimma 18:36

Yesu hoŋ dira ana, «Mul manda ka kaŋga hu duliyara tanɗi. Lini mul manda ni kaŋga tani ni, suu manna hin li duuna doo kan a suu Juifna vanɗira mayɗi su? Ҥawaa, mul manda ka hu duliyara tanɗi.»

Boy Ma Ayra Ma JAŊ Ɓiirimma 3:17

Lon sun goromma ay hu duliyara ka a ba suuna kiɗi. Nam sunum ay ni a suuna fi suɗta u namu.

Boy Ma Ayra Ma JAŊ Ɓiirimma 5:14

Buu dagan ca ni, Yesu ŋgaf u nam hu Ziŋ Lonara, dam ana, «Huma, wandara ni aŋ garaɗ ki wa, li co a dlara daŋ faŋ su ndaɗta oloɗi.»

Boy Ma Ayra Ma JAŊ Ɓiirimma 8:15

Agi kaɓakŋa ni u mbeleŋŋa vi suuna, an ka kaɓak kay saɗi.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

1 KORINTNA 5:12

Suu bay vina an ka kaasi ɓakŋa kasi ni anɗi, Lona hin kaasina kasi ni namu. Na ɗaŋi agi ka kaɓakŋa kay suu dukuginaɗi su? Ko magaara di ana, «Dik suu cona ki dukugiya.»

GA 8ATAMBARA 16:18

Hu ɦoŋzi ma Yawe ɦagina a agi lak huna halaŋŋi aŋ man suu ŋgolo suu kaɓakŋa u suu gi ii dlara ki hu halaŋ halaŋ. Asi kaɓakŋa ni u ɗegeera ka ɓorow ii saɗi.

GA 8ATAMBARA 17:9

Agi tuɗugi fok muli suu li ɓivun suu vi Levina u sa ma ka ii ɓakŋa ma agi fam li sunda hu buu nammana, agi dasiya asi hin kaagi ii ɓak namma ay kiyo.

2 PIYER 3:15

Lalamba vi Bu Suunara ni ko voɗta suɗuygira na, ni kay ndaɗta wayaygi ma banaygina, Pol, ɓiirigi boy namma u yal ma Lona ɦammana.