Boy Ma Ayra Ma JAŊ Ɓiirimma 7:7 - Boy Lonana

⁷ Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

Boy Ma Ayra Ma JAŊ Ɓiirimma 7:7 ပူးပေါင်းရင်းမြစ်များ

1 MULINA 21:20

Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

SOOLLA 109:5

Asi hoŋoŋ jivira ni u cora, min manda asi hoŋoɗ ni u honira.

VUN ŊGOLNA 15:12

Suu ŋga tasina ka min hum u gaɗta vi saɗi. Asi ka tuɗ a joɓ dla eg suu wi dlaraɗi lay.

VUN ŊGOLNA 8:36

Sa ma li cora egenna, li hawra ni maŋ tamba na ɗow. Sa ma ka mininɗina ŋgaɓmi miɗna.

EZAYI 29:21

Suu may suu kaɓakŋa kay suuna u boy masi ma njaɗtana, suu gun dawna fok ndaryasina u njaɗ masira a vasi u ɓakŋana, cuk suu li va kaɗina ga hu zullusiyana, asi ka oloɗi.

EZAYI 49:7

Yawe di ana, sa ma buɗ suuna kina, ma Teteɗ ma vi suu Israelna, nammi sa ma suuna noyom kina, suuna halaŋ golom ko sa ma puluɗiina na, lasam cocoo. Mulina hin wam wa ni hin yow kolo fokomu. Ni kay Yawe ma ɗegeena. Ni kay ma teteɗ ma vi suu Israelna ma manaŋŋa.

JEREMI 20:8

Tew tew hu li ma an min a ɓak boyna wanni, an yi kolo u delen eŋga ana, mbay njununu. «Yara egen lay, lassa kan lay,» Kay boy ma vi Yawena an mbuɗ ki va lassa hu buuna tew tew lay, ŋgulun lay, panan lay.

DLAŊ LEVIRA 13:10

Mul ma li ɓivunna golom tamu, fam tam ki ndalira haɓpa mbilna ha paari ga zuzulla may, ni tuguɗira cora.

ZAKARI 11:8

Na ɗaŋŋi an ci suu taa yoori suu hindina ki hu til ma dewna. An viɗ siɓpa ki u asi may, asi may ni hinin ki gaw.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

Boy Ma Ayra Ma LUK Ɓiirimma 6:26

«Hahawra ka kagi agi suu suuna dagi dlaagi jivina, somoyosi li ay jew u suu jok vun Lona ki cona ni na daŋ may.»

Boy Ma Ayra Ma JAŊ Ɓiirimma 17:14

An ɦasi boy maŋŋa wa. Suu hu duliyarana noyosi kiyo, kay asi ka varasiɗi, ko an ka varasiɗira na may.

Boy Ma Ayra Ma JAŊ Ɓiirimma 3:19

Agi gola, kaɓakŋa col ay ni ana, kiɗikka mbay hu duliyara, suuna min ndufunda su kiɗikka, kaymege, dlaasira ki coo.

ROMMA 8:7

Suu hum u mbalatara ni suu gonokka u Lona, asi ka a hoŋ yasi kaŋga u gaɗta vi Lonaraɗi ka ndak kaɗɗi lay.

GALATENA 4:16

An mbuɗ cecemi a saagi ma gonokka kay an dagi gasira su?

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

1 JAŊ 4:5

Asi ni suu vi duliyarana, asi ɓakŋi u mbeleŋ dlara hu duliyara lay. Suu hu duliyara humusiya kay asi ni masisina.