Boy Ma Ayra Ma JAŊ Ɓiirimma 7:37 - Boy Lonana

³⁷ Buu ma daɓ dagan a luuna ni ma ŋgolna. Buu namma Yesu col kolo fok suuna sawalla ana, «Sa laara camma mbay egen, ciya.

Boy Ma Ayra Ma JAŊ Ɓiirimma 7:37 ပူးပေါင်းရင်းမြစ်များ

NEHEMI 8:18

Asi ndum hu magaara gaɗta vi Lonara buuna tew tew, col ha kay buu ma jewna ta ta daɓ ki kay buu ma daganna. Luuna li buuna kiɗisiya, hu buu ma kalavandina ko u gaɗtara na ni, asi li tok mayra daɓ daganda.

SOOLLA 143:6

An baa kon ha ni maŋu, gola, an fokoŋŋi ko ndaŋgara ki sooyra na laara laɗu.

SOOLLA 42:2

Ko ndal dukka na an mbuɗ irin hal li ma yona ka huna, ni na may, iiri manda hoŋ iriɗ egeŋu, Loonna.

SOOLLA 63:1

Soolla vi David hu li ma nam pii ki ŋgoo bagi hu fulla Yudara.

VUN ŊGOLNA 1:20

Yalna ka yi kolo hu voɗ bulna, nam ka oo um kolo eŋga yiya.

VUN ŊGOLNA 8:1

Yalna ka yi ay koloo, nera ka sawalla kolo u deleɗta eŋga, agi ka humbi su?

VUN ŊGOLNA 8:17

Suu mininna an minisi may. Suu halanna wi ki gasi ana asi hin fan may.

VUN ŊGOLNA 8:3

Hu voɗta tuɗ hu ɦoŋzi ma ŋgolnara may, keŋ vun grek ma ɦoŋzinana may, yalna ka di ana,

VUN ŊGOLNA 9:3

Nam sun suu maɗ suu li sunda, nam yi kolo eŋga hu ɦoŋzi ma ŋgolna di ana,

SOOLLA VI SALOMON 5:1

Galanda, an kal ay ki hu sene manna wa, an ka feɗ gi mir u ndondoy mansina. An ka ti se yum manna u mbulumu, an ka ci sum veŋ manna u mbiira. «Banayanna, mbaagi ay tagiya, agi cagiya, guruɗugi may, galayanna.»

EZAYI 12:3

Agiya, googi yona u furira hu goloŋga suɗta.

EZAYI 40:2

Di suu Yerusalemma, dasi ana buu masi ma wihawra hin daɓa, dla coosira warak ki wa, an hin ɦasi warak masina u tanda, asi fi warakŋa sesi mba' mba' ko Yawe kay dla coosira.

EZAYI 40:6

Della di ay ana, «Dagi ha kiyo,» ta hiŋga hin joɓ ana, «An di ni ana mege?» Suuna halaŋŋi ko uusuna na, ŋgol masira ni ko ɓo uusuna na.

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

EZAYI 55:1

Agi suu may suu laara cagina mbaagi ay eg mbona, sa ma gursu ka kombina lay mbaya, joɓogi tlesuu tira tagiya, mbay cagi sum veŋŋa u mbiira bay gussa.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

EZEKIYEL 47:9

Na ni tlesuu iiri suu poy kay ndaŋgara hin lak iiri duk mbo namma hu li ma nam ɓaɗ ha huna halaŋ. Kulufna hin zul duk mbo namma cocoo kay hu li ma mbo namma mba wa ni, lumma Galakŋa hin mbuɗ ki jiviya. Tlesuu iirina hin mbuɗ ki duk mbona halaŋ halaŋ.

DLAŊ LEVIRA 23:36

Buu ma kiɗisiya namma ni hu buuna dew dew halaŋŋi agi mbaa ɓivun ma ŋgalam ki ŋgalina maŋ Yawe. Ni hu buu ma kalavandina ni agi li tokka teteɗta maŋ Yawe. Ni luu ma daɓ daganna agi ka li sunda loɓ coco hu buu nammaɗi.

DLAŊ LEVIRA 23:39

«Hu buu ma doogo yam vadlna hu til ma kiɗisiyana hu li ma agi daɓ sun wana kina ni agi tin luuna ta ta buuna kiɗisiya. Buu ma jewna ni buu ma koɗ tara u buu ma kalavandina ni buu ma koɗ tara may.

MISE 6:9

Del Yawe ka yi ay ɦoŋzina, nam hin suɗ ki ni suu li ndaana u semma. Humugi haa, njaf suuna u suu ka hu ɦoŋzinana.

ZAKARI 9:15

Yawe, ma Saɓakŋa Kom Belna, hin njun kasiya. Gogoyra hu kawsura ci suuna, to tlena kiyo. Asi hin ci busuna hurusi ko sum veŋŋa na. Asi hin hoɓ kiyo nam suu kasi ko busuna sulul ki kaŋga hu tas ma voom ɦu a yamam eg suunana na, ko ndal mek tlena moli hu givin ma togolla na.

NDUMBA 29:35

«Hu buu ma kalavandina ni buu ma luu magina daɓ huna, agi ka li sunda nek coco hu buu nammaɗi.

MATIYE 11:28

«Mbaagi ay egenu agi suu nekka cagina, an koɗogi tagiya.

MATIYE 3:3

Jaŋŋi sa ma Ezayi ma jok vun Lona di ki kam ana, «Del sana sawalla ki ŋgoo bagiya, Ɗoɓogi voɗta vi Bu Suunara kiyo, Mbuuɗ huruɗ kiyo.»

MATIYE 5:6

Furira ka kay suu hal a li u minda vi Lona u hurusi halaŋŋa, nam hin hoɓosi u boy mamma.

Boy Ma Ayra Ma JAŊ Ɓiirimma 1:23

Jaŋ dasi ana, «An ni del sa ma sawalla ki ŋgoo bagi ana, Ɗoɓogi voɗta vi Bu Suunara kiyo,» ko sa jok vun Lona Ezayi di fok jewra na.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:11

Cara dam ana, «Bu Suuna, zew gan ka koŋgi may ni, goloŋga uɗ day may ni, aŋ hin fi yo iiri ma ɦannana ni arage?

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 5:40

U ndaɗta na lay ni, agi ka mba egen a fi iirira gasiraɗi.

Boy Ma Ayra Ma JAŊ Ɓiirimma 6:35

Yesu dasi ana, «Anni fu ma iirina, sa mba egenna mayra ka cam oloɗi, sa tin hurum kanna laara hin ka cam oloɗi lay.

Boy Ma Ayra Ma JAŊ Ɓiirimma 6:37

Suu Bun ɦansinana halaŋ mbay egenu. Sa mbay egenna, an ka noyom kiɗi.

Boy Ma Ayra Ma JAŊ Ɓiirimma 6:55

Tliw tan ni fu ma ti ma gasina, busuun ni va ci ma gasina may.

Boy Ma Ayra Ma JAŊ Ɓiirimma 7:28

Yesu haɗ suuna hu Ziŋ Lonara, sawalla kolo ana, «Agi wan su? Agi wi li ma an col ay huna su? Hu li namma an col ay ka kay tanɗi, sa ma sunun ayna, ni gasi, agi ka wambi.

1 KORINTNA 10:21

Agi ka ndak a ci va cira vi Bu Suuna u ma vi fulina jakgi, agi ka ndak a ti funa vi Bu Suuna u ma vi fulina jakgi lay.

1 KORINTNA 10:4

Asi halaŋ ci ci ma ŋgussa ko tasi dew. Asi ci hu ɦini ma ŋgussa ma tuɗ usina ɦini namma ni Kristu.

1 KORINTNA 11:25

Na lay nam tli va cira ŋgoo funa hin diya, «Va ci namma ni banara wilira vi Lona, u busuunu. Tew tew hu li ma agi camma humugi mba gagi kanu.»

1 KORINTNA 12:13

Aygi halaŋ suu Juifna u njaf suu daŋŋa, mborɓiina u suu vuɗina, aygi halaŋ mbusuygi batemma a taɓmi tara dewra u Musuk ndaɗta, ɦaygi ni kay aygi halaŋ taɓ ci u Musuk ndaɗta dew.

EFESNA 5:18

Guruɗugi tagi u summaɗi, kay dla ndaɗta ndak a tuɗugi hu poyra cora, hoɓogi ni u Musuk Lonara na ɗow.

WIRA ŊGAYRA 21:6

Nam hin di hu ana, an lasi wa, an ni Alfa u Omega, gijaŋŋa u daɓpa. Sa ma laara camma an ɦam yo ma law iirira ɦawaa.

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.