Boy Ma Ayra Ma JAŊ Ɓiirimma 7:35 - Boy Lonana

³⁵ Suu Juifna joɓ tasi ana, «Nam hin tuɗ ni ara a aygi fambi nige? Nam hin tuɗ ni u suu Juif suu mbee ki hu mbassa Grekka, a haɗ suu asina may su?

Boy Ma Ayra Ma JAŊ Ɓiirimma 7:35 ပူးပေါင်းရင်းမြစ်များ

SOOLLA 147:2

Yawe hoŋ min zi ma Yerusalemma, hin tok yam suu Israelna halaŋ.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 11:12

Nam hin tak dla mayra ana nam hin tok yam suu mamsinara kiyo. Nam hin tok yam suu Yuda suu njay kina kiyo, suu ay ki keŋ ndaŋgara fiɗira halaŋ.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 56:8

Bu Suuna Yawe ma taɓ yam suu Israelna kel tasina di ana, «Cemi an tok suuna ay ki kel tasi wa, suu hinna an hin taarasi ay ki hu olo.»

SOFONI 3:10

Ha ki ŋgoo lumma Kusna ii hiŋŋa lay suu ŋgaanna, suu an njayasi kina, hin mbaaran tlegeyesi ay man halaŋ.

MATIYE 12:21

Suuna halaŋ hin tin saa masira kamu.»

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

Boy Ma Ayra Ma JAŊ Ɓiirimma 12:20

Suu Grek suu ɦiw ka duk suu mbay Yerusalem a goɓ Lona falira luuna.

Boy Ma Ayra Ma JAŊ Ɓiirimma 7:1

Ŋgoo daganda Yesu poy hu mbassa Galilera, nam min ka a tuɗ hu mbassa Yuderaɗi, kayme asi hal a cam kiyo.

Boy Ma Ayra Ma JAŊ Ɓiirimma 8:22

Suu Juifna di ana, «Nam di ana lii nam tuɗ huna ay ndak ka a tuɗ huɗi ni, nam a ci tam ki su?»

SUNDA 11:18

Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

SUNDA 11:20

Hu li namma na ni suu vina suu ɦiw ay Sipre u Siren asi tuɗ Antiok di Boy ma Ayra maŋ njaf suu ka suu Juifnaɗina kay Bu Suuna Yesu.

SUNDA 14:1

Hu Ikonium wanni gi Pol u Barnabas cuk hu Zira Tokka vi suu Juifna, asi ɓak Boy Lonana ko ndaɗta na ni suu Juifna u suu Grekŋa vi Boy Lonana ŋgolo.

SUNDA 17:4

Suu daŋŋa dukusi ɦiw ni boy namma mbuɗusi hurusiya asi taɓ u gi Pol u Silas. Suu Grek suu vi boy ma vi Lonna mbuɗ ŋgolo, boyogi suu garaŋŋa ka hu ŋgol lay.

SUNDA 18:4

Hu buu ma vi Lonna tew tew ni Pol di boyna hu Zira Tokka, nam hal ana huu suu Juifna mbuɗ kiyo u suu Grekŋa lay.

SUNDA 21:21

Asi hum ana aŋ ka haɗ suu Juif suu duk njaf suu daŋŋa halaŋ ana asi hin gaɗta vi Moizza kiyo, caw ɗiw goryosi oloɗi, li u dlara vi suu Juifna oloɗi lay.

SUNDA 22:21

Bu Suuna dan ana, Tuɗa, an min sunuŋ hu li ma dayna eg suu ka njaf suu Juifnaɗina.»

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

1 TIMOTE 2:7

Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.

2 TIMOTE 1:11

Lona tinin a an di Boy ma Ayra namma kiyo an ni sa vovoɗta a haɗ suuna may.

Magaara JAK Ɓiiriɗta 1:1

Ni an, Jak, sa ma sun Lona u Bu Suuna Yesu Kristuna. An gi deɓpa maŋ njaf suu doogo yam mba suu vi Lona suu njay ki kay ndaŋgara bel belna.

1 PIYER 1:1

Ni an Piyer sa vovoɗta vi Yesu Kristu, ɓii maŋ suu ha ki njay ŋgayra hu mbassa daŋga, hu Pont, hu Galati, hu Kappados, hu Azi hu Bitini.