Boy Ma Ayra Ma JAŊ Ɓiirimma 7:28 - Boy Lonana

²⁸ Yesu haɗ suuna hu Ziŋ Lonara, sawalla kolo ana, «Agi wan su? Agi wi li ma an col ay huna su? Hu li namma an col ay ka kay tanɗi, sa ma sunun ayna, ni gasi, agi ka wambi.

Boy Ma Ayra Ma JAŊ Ɓiirimma 7:28 ပူးပေါင်းရင်းမြစ်များ

SOOLLA 9:10

Yawe ni ɦoŋzi ma saɓakŋa kay suu ka lasna, hu li ma lassa ka lasina, nam suɗusiya.

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

JEREMI 9:6

Na ɗaŋŋi Yawe, ma Saɓakŋa Kom Belna, ɓak anaba. An hin yoorosi kiyo, hin saa kasiya. Aa, an a kaɓakŋa ni kay dla cora vi suu mansinara.

Magaara Vi Sa Jok Vun Lona OZE 4:1

Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

Magaara Vi Sa Jok Vun Lona OZE 5:4

Dlara asi laɗta mbuɗusi hoŋ masira eg Loosinara ki loɓma kay ana saara li gawlaŋŋa oy ki varasi wa, asi ka wi Yaweɗi.

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

MATIYE 2:23

kak hu zina yam ana Nazaret. Li ki ni va ma suu jok vun Lona damma, «Suuna hin yam ana sa Nazaretna.»

MATIYE 26:55

Yesu jok vunum u suu vamma ana, «Agi mbay u ŋgewegina bikigi may, tokolora kogi may, a van ni, an ni sa kul su? An haɗagi ay hu Ziŋ Lonara hu buuna tew tew ni, agi vanɗi kay mege?

Boy Ma Ayra Ma LUK Ɓiirimma 10:22

«Tlena halaŋ Bun ɦansina ni konu. Sa ka wi Goŋ Lonnaɗi, wammi Bun doy hol. Sa ka wi Lonaɗi, wammi Gorom u suu nam hin takasina kina.»

Boy Ma Ayra Ma LUK Ɓiirimma 2:11

Sa Suɗta vuɗ ha karam njeŋge ni hu zina fi David. Ni sa Lona Fuurumma, Bu Suuna.

Boy Ma Ayra Ma LUK Ɓiirimma 2:39

Somoyoŋ Yesuna daɓ dlara Lona joɓosi kaɗta daɓmi, asi hoŋ ay Galile, lak hu zina yam ana Nazaret.

Boy Ma Ayra Ma LUK Ɓiirimma 2:4

Yosef col ay Nazaret hu mbassa Galilera, a tuɗ hu mbassa Yudera, hu zi ma David vuɗ huna yam ana Betlehem, kay nam vuɗ ni hu njafna vi David may.

Boy Ma Ayra Ma LUK Ɓiirimma 2:51

Yesu hoŋ ay u asi Nazaret, vasi vunusiya. Sum saa boy namma huruɗ kurufu na tew tew.

Boy Ma Ayra Ma JAŊ Ɓiirimma 1:46

Natanael dam ana, «Va ma jivina col ay ki Nazaret na ɗow su?» Filip dam ana, «Mbay gola.»

Boy Ma Ayra Ma JAŊ Ɓiirimma 10:36

Anu, Lona mananu, sunun ay hu duliyara. Agi hin di ana an ŋgul Lona ni nanage? Kay an di ana an ni Goŋ Lonna su?

Boy Ma Ayra Ma JAŊ Ɓiirimma 12:49

An ɓak na ni, ka kay saɓak tanɗi. Bun ma sunun ayna ɦan voɗta u tamba kay va ma an dam hu haɗtana.

Boy Ma Ayra Ma JAŊ Ɓiirimma 14:10

Aŋ ka saa ana an eg Bunu, Bun egen may naɗi su? Boy ma an dagina magina halaŋŋi col ha ka kon anɗi. Bun ma hurunna li sun mamba ni namu.

Boy Ma Ayra Ma JAŊ Ɓiirimma 14:31

Na may ni, suuna halaŋ hin wi ki ana an min Bunu, an li ni ko nam dan ayra na may. Yowoygi koloo. Tuɗuygiya.»

Boy Ma Ayra Ma JAŊ Ɓiirimma 16:3

Asi hin li dla ndaɗta na ni kayra asi ka wi bunɗi lay ka wan anɗi layra.

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma JAŊ Ɓiirimma 3:2

Nam mbay eg Yesu njeŋge, dam ana, «Mala Haɗta, ami wi ana Lona sunuŋ ay a haɗami ni namu, sa Lona ka u nambina ka ndak a li dlara mbuɗta ko aŋ laɗta naɗi.»

Boy Ma Ayra Ma JAŊ Ɓiirimma 3:33

Sa ma vam boy mammana wi ana Lona di ni gasira.

Boy Ma Ayra Ma JAŊ Ɓiirimma 5:32

Sa ma daŋŋa a vovoɗ manda ni namu, an wi ana boy ma nam dam kanna ni gasi.

Boy Ma Ayra Ma JAŊ Ɓiirimma 5:43

An mba varagi u sem Bunu, agi van ka varagiɗi, sa mbay u min mamba na, agi hin vam varagi ni namu.

Boy Ma Ayra Ma JAŊ Ɓiirimma 6:42

Asi di ana, «Ni ka Yesu ma goŋ Yosefnaɗi su? Ami wi bum u sumu. Nam hin di ana nam col ay ni kolo huulona ni nanage?»

Boy Ma Ayra Ma JAŊ Ɓiirimma 7:14

Luuna ŋgolom jaki jakŋi, Yesu gijaŋ haɗ suuna hu Ziŋ Lonara.

Boy Ma Ayra Ma JAŊ Ɓiirimma 8:14

Yesu hoŋosi dira ana, «Lini an di kay tan ni an tok lay ni, diinda ni u voɗoɗu, kayme an wi lii an col ay huna, an wi lii an hin tuɗ huna lay. Agi may ni ka wi li ma an col ay huna u li ma an tuɗ hunaɗi lay.

Boy Ma Ayra Ma JAŊ Ɓiirimma 8:16

Lini an kaɓakŋa lay ni, ɓak manna u voɗomu kay an ka kay tanɗi. Bun ma sunun ayna ka u anu.

Boy Ma Ayra Ma JAŊ Ɓiirimma 8:19

Asi joɓom ana, «Buŋŋi arage?» Nam dasi ana, «Agi ka wan anɗi lay, ka wi Bunɗi lay. Lini agi wanu ni, agi hin wi Bun may.»

Boy Ma Ayra Ma JAŊ Ɓiirimma 8:26

Tlen ka kon ŋgol coco a di kay dlaagira. Sa ma sunun ayna di ni gasira, an di suuna ni dlara nam haɗanda ayra.»

Boy Ma Ayra Ma JAŊ Ɓiirimma 8:42

Yesu dasi ana, «Lona lini Bugi gasagi ni, agi hin mininu, kay an col ay ni eg Lona, mba ni kay dlaamba. An mba ka kay tanɗi nam sunun ay ni namu.

Boy Ma Ayra Ma JAŊ Ɓiirimma 9:29

Ami wi ana Lona ɓak maŋ Moiz, namu ami ka wi li ma nam col ay hunaɗi.»

SUNDA 17:23

An poy hu ɦoŋzina tani wi li ma agi tok a li cenda huna, an wi givin ma togolla ma cenda dew ɓiiri kam kolo ana, lo ma sa ka wambina. Ni jiviya ma agi cen sa ka wambi namma an dagi ni kamu.

ROMMA 1:28

Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

ROMMA 3:4

Ni ka naɗi, ni kay Lona tak gasi mamba, lini suuna halaŋŋi suu kaboyna lay ko ɓiira dira naa, «Dlaaŋga tak ki kaŋ ɗegee ko aŋ dira na may, lini tuɗuŋ fun ɓakŋa wa ni boy maŋŋa hin li jivi may.»

2 KORINTNA 1:18

Lona nam ɗegee dlara an dagira hin ki ɦawa ɗowba kaɗira oloɗi.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

1 JAŊ 5:10

Sa tin hurum kay Goŋ Lonna diki ndaɗta ni joki kam gaw may, sa ma tin hurum ka kay Lonaɗina mbuɗ Lon ni sa kaboyna kay me nam tin hurum ka kay dikira Lona daɗ kay dlaŋ Gorommaraɗi.

1 SAMUEL 2:12

Goryoŋ Helina sunusi kaɗi. Asi ka wi Yaweɗi.