Boy Ma Ayra Ma JAŊ Ɓiirimma 6:63 - Boy Lonana

⁶³ Musukka ɦal iirira ni ndaɗu, ta sa warna ni ɦawaa. Boy ma an dagina ni musukka u iirira.

Boy Ma Ayra Ma JAŊ Ɓiirimma 6:63 ပူးပေါင်းရင်းမြစ်များ

HEBRENA 4:12

Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.

GALATENA 5:25

Musuk Lonara ɦaygi iirira ni aygi hiniygi taygi koɗ ndaɗ goloygiya.

SOOLLA 119:93

Lini nanagelay humun ka maa ki kay gaɗ maŋgaɗi, kay an ka iirira ni uɗu.

Boy Ma Ayra Ma JAŊ Ɓiirimma 6:68

Simon Piyer hoŋom dira ana, «Bu Suuna, ami tuɗ ni eg gege? Boy ma ɦal iirira ka daɓ kiɗira ni koŋgi su?

SOOLLA 119:50

Nam ka ɗilin irin hu hahaw manda kay gaɗ maŋga mbuɗun iiriya.

1 PIYER 1:23

Kay ndaɗta agi vuɗ ni wiliya, ni ka u njaf ma miɗ kinaɗi, na may ni u njaf ma ka miɗɗina u Boy Lonana ma ka iiri didinna.

SOOLLA 119:130

Humba hum u boy maŋŋa lira tak kiɗikka cocoo, ndaɗ ɓorow ii dlara ki ko suu hoŋ yasi gaana.

GA 8ATAMBARA 32:47

Kay boy namma ni ka boy ma luu ɦawaɗi, boy namma ni iiri magira gaw. U boy namma ni agi hin ɦuɗ iiri magira fok hu ndaŋgara agi calaɗ mbo lum ma Yurdanna a hin nda lak hura.»

1 KORINTNA 15:45

Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira.

ROMMA 10:17

Vira mbay ni u humba hum boyna, boy ma dam namma ni boyna vi Kristu.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 TESALONIKŊA 2:13

Kay ndaɗta ami gi deɓ Lona tew tew, kay agi vi boyna vi Lona ma ami daginana, ka ko boyna vi suuna naɗi, ni gasi ko nammi boyna vi Lona ma ka li sunda hurugi agi suu vina na.

ROMMA 8:2

Na may gaɗta vi Musuk Lonara ɦal iirira taɓaygi eg Yesu Kristu buɗun ay ki hu gaɗta vi cora hu miɗna lay.

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

URA TIN AYRA 2:7

Yawe Lona yow ndaŋgara kom yowni min sana u ndaɗu. Nam hin foom musukka iirira cinimu. Sana hin mbuɗ ki iiriya.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 TIMOTE 4:8

Haɗta vi mbalatara jivi maɗta ka ŋgolɗi, vira vi tara eg Lonara ni ŋgol su na ɗow. Nam ɦaygi iirira cecemba ni lay, ta ha fokka lay.

HEBRENA 13:9

Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.

GALATENA 6:15

Caw ɗiwra u caw ɗiw kaɗira lay ni li vaɗi, va ma ŋgolna ni vuɗta wilira dew daŋ.

ROMMA 2:25

Lini aŋ hum u gaɗta ni caw ɗiwra li kaŋ jivi may, lini aŋ ka hum u gaɗtaɗi ni, ko aŋ caw ɗiw kaɗira na.

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

VUN ŊGOLNA 4:13

Col seŋ eŋ kay haɗ maŋga, noyoɗ kiɗi, ŋgomoɗ jiviya, ndaɗ ni iiri maŋga.

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

SUNDA 5:20

«Tuɗugi hu Ziŋ Lonara dagi boyna maŋ suuna kay iirira wilira.»