Boy Ma Ayra Ma JAŊ Ɓiirimma 6:39 - Boy Lonana

³⁹ Sa sunun ayna min ana suu nam ɦansina wanna, an viɗ maa ki dewɗi. Nam min ana an paɗasi ki kolo ŋgoo dagan hu buu ma kaɓakŋa halaŋ.

Boy Ma Ayra Ma JAŊ Ɓiirimma 6:39 ပူးပေါင်းရင်းမြစ်များ

JEREMI 23:4

An hin tinisi suu taara kasiya. Asi hin taarasiya. Asi hin ka li ndaa oloɗi. Asi hin ka miɗ ki oloɗi. Sa dukusi dew lay hin ka hin bay hum sembi.» Di na ni Yawe.

MATIYE 10:15

An dagi ni gasagi ana, Hu buu ma kaɓakŋa, zi namma hin wi hawra su zi ma Sodom u Gomor may.»

MATIYE 18:14

Bugi ma kolo huulona min ana duk kemba ca ni ma dew viɗ kiɗi na may.»

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

Boy Ma Ayra Ma JAŊ Ɓiirimma 12:48

Sa ma noyon ki ka van boy mannaɗi na, hin fi tlege suu kaɓak mamma na ni huwa. Haɗ manda hin kaam ɓakŋa hu buu ma do ŋgoo daganna, ni ndaɗu.

Boy Ma Ayra Ma JAŊ Ɓiirimma 17:12

Hu li ma an li ay u asina ni, an golosi ni u saɓak seŋu. Ni u semma aŋ ɦannana. An golosiya, maa dew viɗ ka kiɗi, viɗ ki ni ma magara di kam ana nam a viɗ kiyona. Nam viɗ ki kay a faɗ kini vun dla mayra ay ɓiiri jewra.

Boy Ma Ayra Ma JAŊ Ɓiirimma 17:2

Kay aŋ ɦam saɓakŋa kay suuna halaŋ, a nam ɦal iirira ka daɓ kiɗira maŋ suu aŋ ɦamsina na.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

Boy Ma Ayra Ma JAŊ Ɓiirimma 17:6

«Suu aŋ manasi ay ki duk suu hu duliyarana, ɦansina, an takaŋ ki masi wa. Asi li ay ni maŋsina, aŋ ɦansina, asi hum u boy maŋŋa.

Boy Ma Ayra Ma JAŊ Ɓiirimma 17:9

«An ceneŋ kasiya ka kay suu halaŋŋaɗi, ni kay suu aŋ ɦansinana, kayme asi ni maŋsina.

Boy Ma Ayra Ma JAŊ Ɓiirimma 18:9

Boy ma nam dam ki fok jew ana, «Suu aŋ ɦansinana an viɗ maa ka ki dewɗi na,» cecemmi dla ndaɗta li wa.

Boy Ma Ayra Ma JAŊ Ɓiirimma 5:28

Lakagi jimbi, lin hin mbaa, suu miɗina halaŋ humum delemu, hin paɗ ay ki kolo fun zulusi iiriya.

Boy Ma Ayra Ma JAŊ Ɓiirimma 6:37

Suu Bun ɦansinana halaŋ mbay egenu. Sa mbay egenna, an ka noyom kiɗi.

Boy Ma Ayra Ma JAŊ Ɓiirimma 6:40

Dlara Bun hurum miniɗta, ni ana suu wi Goŋ Sanana, tin hurusi kamma, fi iirira ka daɓ kiɗira. An hin paɗasi ki kolo iiri, ŋgoo dagan hu buu ma kaɓakŋa.»

Boy Ma Ayra Ma JAŊ Ɓiirimma 6:44

Sa ka ndak a mba egen bay Bun ma sunun ayna gam irim ayɗi. An hin paɗam ki kolo iiri ŋgoo dagan hu buu ma kaɓakŋa.

Boy Ma Ayra Ma JAŊ Ɓiirimma 6:54

Sa tan tliwin may, can busuun may na, iirira ka hurumu. An hin paɗam ki kolo ŋgoo dagan hu buu ma kaɓakŋa.

ROMMA 8:11

Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

1 KORINTNA 6:14

Lona paɗ Bu Suuna ay ki kolo hu miɗna iiriya, ni nam hin paɗaygi ay ki kolo hu miɗna iiri u saɓak mamma may.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

Magaara JAK Ɓiiriɗta 5:15

Cen mayra vi huruŋ gasira suɗ sa ma tuguɗira kiyo, Bu Suuna hin garaɗam kiyo, cora nam laɗta lay ni hin daɓamba kiyo.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

1 SAMUEL 25:29

Suuna yow tasi kolo a dik u malanna a cam kira, may iirira vi malanna hin hin ŋgayra duk suu iirina eg Yawe Looŋŋa, hu li ma vi suu babali maŋsinana Yawe hin gikiɗ ha ki na day, hu ŋgil mbuuru mamba.