Boy Ma Ayra Ma JAŊ Ɓiirimma 6:37 - Boy Lonana

³⁷ Suu Bun ɦansinana halaŋ mbay egenu. Sa mbay egenna, an ka noyom kiɗi.

Boy Ma Ayra Ma JAŊ Ɓiirimma 6:37 ပူးပေါင်းရင်းမြစ်များ

SOOLLA 102:17

Hu li ma Yawe hoŋ min Siyon kolo wa, asi hin wam ki hu bibiŋil mamba.

SOOLLA 110:3

Hu li ma aŋ tuɗ duuna suu maŋsina tuɗ uŋ u furira. Suu maŋsina mbay egeŋ kay ɦinira teteɗta, ko ndal mbaɗagira gi maɗira na.

EZAYI 41:9

An vaŋ ay ki ni hu vun ndaŋgara daɓpa day. Ay hu ii haga ndaɗta day an yaŋu, aŋŋi sa ma an di kaŋ ana, «Aŋŋi saan ma sunda an manaŋŋi aŋu, hiniŋ ka kiɗi.»

EZAYI 42:3

Cerew ma gunina nam ka kusum kiɗi, Vun kura ka vi cocoɗira nam ka teweɗ kiɗi lay. Nam hin tak kaɓakŋa ki ni u gasira.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

MATIYE 11:28

«Mbaagi ay egenu agi suu nekka cagina, an koɗogi tagiya.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

Boy Ma Ayra Ma JAŊ Ɓiirimma 17:11

An ka hu duliyara oloɗi, asi ka duk suu hu duliyarana tuwa. An tuɗ ha ni egeŋu. Bun ma teteɗna, golosi u saɓak seŋu, seŋ ma aŋ ɦannana, a asi li dew ko aŋ u an ay dewra ni na.

Boy Ma Ayra Ma JAŊ Ɓiirimma 17:2

Kay aŋ ɦam saɓakŋa kay suuna halaŋ, a nam ɦal iirira ka daɓ kiɗira maŋ suu aŋ ɦamsina na.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

Boy Ma Ayra Ma JAŊ Ɓiirimma 17:6

«Suu aŋ manasi ay ki duk suu hu duliyarana, ɦansina, an takaŋ ki masi wa. Asi li ay ni maŋsina, aŋ ɦansina, asi hum u boy maŋŋa.

Boy Ma Ayra Ma JAŊ Ɓiirimma 6:39

Sa sunun ayna min ana suu nam ɦansina wanna, an viɗ maa ki dewɗi. Nam min ana an paɗasi ki kolo ŋgoo dagan hu buu ma kaɓakŋa halaŋ.

Boy Ma Ayra Ma JAŊ Ɓiirimma 6:65

Nam di olo ana, «Gola, an dagiya, Lona tin ii sana ay ka egenɗi ni, nam ndak ka a mba egenɗi.»

Boy Ma Ayra Ma JAŊ Ɓiirimma 9:34

Asi hoŋom dira ana, «Aŋ sa vuɗ ay u cora egeŋŋa paŋa, hin haɗami ni aŋŋa ɗow su?» Asi dikim ay ki hu Zira Tokka.

ROMMA 5:20

Gaɗta mbay ni a zul cora, lini cora zul wa ni, oora vi Lonara hin mbuɗ ŋgol suwa.

FILIPINA 1:29

Lona ɦagi oora ana agi suu sunda vi Kristuna ka kay vira vi umba holɗi ni kay agi mba fi lassa um lay.

1 TIMOTE 1:16

Ni kay ndaɗta Lona wan hahawan ni na, kay Yesu Kristu mba tak lalam mamba ki egenu kay suu hin a vi ha um daganna mba fi iirira ka daɓ kiɗira.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

1 JAŊ 2:19

Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.