Boy Ma Ayra Ma JAŊ Ɓiirimma 5:39 - Boy Lonana

³⁹ Agi haɗagi ɓiira hu magaarara, kayme agi saa ana agi hin fi iirira ka daɓ kiɗira huwa. Tle asina ɓakŋi kan daŋ may.

Boy Ma Ayra Ma JAŊ Ɓiirimma 5:39 ပူးပေါင်းရင်းမြစ်များ

Boy Ma Ayra Ma LUK Ɓiirimma 24:27

Ŋgoo daganda nam hin gasi u dlara ay ɓiiri kamba ki halaŋ, gijaŋŋa ay kay boy ma vi Moizna, hin jak ha kay dlara vi suu jok vun Lona halaŋ.

Boy Ma Ayra Ma LUK Ɓiirimma 24:44

Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.»

SUNDA 17:11

Suu asina saa masira jivi su suu Juif suu ay Tesalonikŋa. Asi vi Boy Lonana jivi coco ɦay. Hu buuna tew tew ni asi haɗ Boy ma Ɓiirina kay a wi ana boy ma Pol damma u voɗom su?

MATIYE 22:29

Yesu hoŋosi dira ana, «Agi viɗ ii tagi ni kay agi wi boy ma hu magaara u saɓak ma vi Lonna kaɗira.

EZAYI 34:16

Halagi huu magaara vi Yawera, ndumugira. Va ma dukusi na dew ma hin bay li ki kaɗi. Sa ma hin a yoo tam kay ndaram kaɗi lay. Kay Bu Suuna ɦal voɗ dla ndaɗta ni u vun tamba. Musuk mamma tok tle asina halaŋŋi namu.

SUNDA 13:27

Suu Yerusalemma u muli masina wi Yesu kaɗi. Asi hum boy ma vi suu jok vun Lonna ma asi ndumum hu buu ma vi Lonna tew tewna kaɗi lay. Asi a daɓ boy namma kira wanni ci ki ni Yesu.

Boy Ma Ayra Ma JAŊ Ɓiirimma 5:46

Lini gasagi, agi tin hurugi kay boy ma vi Moizna ni, agi ndak tin hurugi kay boy manna may. Nam ɓii ni kay boy manna.

JEREMI 8:9

Suu wi dlara viɗ ki lay. Asi bulum ki lay. Asi ki yowi daŋgayna lay. Asi noy boy ma vi Yawena kiyo. Na ɗaŋŋi va asi hin di ana asi yal cocoo u namma ni mege?

ROMMA 3:2

U ŋgara ŋgolla ay ni eg suu Juifna kay nam ɦasi boy mamma ay fok jewe.

MARK 12:10

Agi hum boy ma ɓiiri hu magaarana kaɗi su? Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.

ROMMA 1:2

Lona vi vunum ki jew hu Boy ma Ɓiirina, ma teteɗna, u suu jokom vunumma, ana nam hin ɦal Boy ma Ayra aya.

SUNDA 26:27

Mul ŋgolna Agripa aŋ vi boy ma suu jok vun Lona damma su? An wi ana aŋ vi boy namma.»

Boy Ma Ayra Ma JAŊ Ɓiirimma 7:52

Asi hoŋom dira ana, «Aŋŋi sa Galilena may su? Haɗ hu magara aŋ hin wi ana sa jok vun Lona ma col ay Galile dew kaɗi.» [

Boy Ma Ayra Ma JAŊ Ɓiirimma 5:32

Sa ma daŋŋa a vovoɗ manda ni namu, an wi ana boy ma nam dam kanna ni gasi.

SOOLLA 36:9

Asi hoɓ u ti ma jivi ma ha hu ziiŋŋa, aŋ ɦasi mbo maŋ ma jivina.

GA 8ATAMBARA 18:18

An hin ɦasi sa ma jok fun Lona ko aŋ nana aya, ni duk gorsesina tok. An hin kalam boy manna ay funumu, nam hin dasi ki ni dlara an damba ana nam dasira kiyora.

GA 8ATAMBARA 18:15

Yawe Loogina hin sunugi sa ma jok vun Lona ko an nana ay dukugiya, ni duk gorsegina tok, sa namma agi hin humummi vunumu.

Boy Ma Ayra Ma JAŊ Ɓiirimma 5:36

An, sa vovoɗ manda kaa, ŋgol su ma vi Jaŋŋa, ni tlesuu Bun ɦansina ana an lasiya na. An lasiya, tle asina takagi ana Bun Lona sunun ay ni namu.

SOOLLA 119:11

An ŋgayaŋ gaɗ maŋga hurun kurufuwa kay an ka li dla co egeŋgi.

SOOLLA 16:11

Aŋ takan voɗta vi iirira, furira ŋgolla ha ni fokoŋu. Ha hu bik koŋ ma njufna, aŋ ɦan furira uɗ ka doɗira.

Boy Ma Ayra Ma LUK Ɓiirimma 16:31

Abraham hoŋom dira ana, Lini asi ka min a hum vun Moiz u suu jok vun Lonaɗi ni, lini sa miɗi hoŋ ha ki dukusi iiri lay ni, asi ka hin a jok hurusi kiɗi lay.»

VUN ŊGOLNA 6:23

Kay gaɗta, ndaɗ ni ko ndal pindilla na. Haɗta ni kiɗikka ni voɗta vi iirira, ni haɗta kay wi yal ma jivina.

JOSUWE 1:8

Ka magaara gaɗta tuɗ ki funuŋ dayɗi. Aŋ hin hosokoɗ ni faali lay, njeŋge lay. Ni kay a li u tlesuu ɓiiri huruɗna halaŋ. Aŋ li wa na ni aŋ hin fi tlena hu iiri maŋga coco lay, dlara aŋ laɗta halaŋ aŋ ka puk hu taaɗi lay.

GA 8ATAMBARA 32:47

Kay boy namma ni ka boy ma luu ɦawaɗi, boy namma ni iiri magira gaw. U boy namma ni agi hin ɦuɗ iiri magira fok hu ndaŋgara agi calaɗ mbo lum ma Yurdanna a hin nda lak hura.»

HEBRENA 11:16

A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

Boy Ma Ayra Ma LUK Ɓiirimma 16:29

Abraham hoŋom dira ana, Gorseŋŋa Moiz u suu jok vun Lona ha egesi a neesira, asi humusi vunusiya.

DANYEL 12:2

Bolow suu miɗi kaŋga duk ndaŋgarana hin dliɗ ki koloo, suu ɦiw hin fi iirira bay daɓpa may, suu ɦiw hin fi zolona a warak masi ma didinna may.

Boy Ma Ayra Ma JAŊ Ɓiirimma 1:45

Ŋgoo daganda Filip ŋgaf u Natanael dam ana, «Sa Moiz u suu jok vun Lona di kamma ami fam wa. Ni Yesu goŋ Yosef ma Nazaretna.»

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

SOOLLA 21:4

Aŋ ɦam heɓpa, paɗ vunuŋ ki kamu, aŋ kuluɓum jum lorra kamu.

SOOLLA 1:2

Na may nam minni gaɗta vi Yawera, saa kaɗ faali lay, njeŋge lay.

SOOLLA 133:3

Ni ko mbaɗagira kay ɦinira Hermonda na, ɓaɗ ay ga kay ɦinira Siyonda. Yawe min a paɗ vunum ki kaɗ ni namu, ni iirira ka daɓ kiɗira.

HEBRENA 11:35

U vira boyogina fi suu masi suu miɗina hoŋ ay ki kolo iiriya. Suu daŋŋa fi lassa ta ta miɗna, asi noy buɗta kira, ka min a col ay ki kolo hu miɗna a kal hu iirira jiviraɗi.

Boy Ma Ayra Ma LUK Ɓiirimma 24:25

Yesu dasi ɗaŋ ana, «Suu laɓa agina tagi nekka a tin hurugi kay dlara suu jok vun Lona dagira.

Boy Ma Ayra Ma JAŊ Ɓiirimma 5:40

U ndaɗta na lay ni, agi ka mba egen a fi iirira gasiraɗi.

MARK 10:3

Yesu hoŋosi u joɓpa ana, «Moiz gaɗagi ana mege?»