Boy Ma Ayra Ma JAŊ Ɓiirimma 5:26 - Boy Lonana

²⁶ Buna ka u saɓakŋa a ɦal iirira maŋ suuna, na may ni, Goona ka u saɓakŋa a ɦal iirira may.

Boy Ma Ayra Ma JAŊ Ɓiirimma 5:26 ပူးပေါင်းရင်းမြစ်များ

SOOLLA 36:9

Asi hoɓ u ti ma jivi ma ha hu ziiŋŋa, aŋ ɦasi mbo maŋ ma jivina.

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

KALKIRA 3:14

Lona di Moiz ana, «Anni ma Kana, aŋ dasi ana MA KANA sunun ay egegi ni namu.»

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

Boy Ma Ayra Ma JAŊ Ɓiirimma 1:4

Iirira col ay ni hu Boy namma, iirira ɦal kiɗikka maŋ suuna.

Boy Ma Ayra Ma JAŊ Ɓiirimma 10:18

Sa ma tlan iiri manda ki kaɗi, an haɗ ni u min manda, an ndak a haɗ kiyo, hin ndak a faɗ olo. Ni dlara Bun dan ana an laɗura.»

Boy Ma Ayra Ma JAŊ Ɓiirimma 11:25

Yesu daɗ ana, «An ni sa paɗ suuna ki kolo na lay, an ni iirira may. Sa ma tin hurum kanna, hin ka miɗɗi lay, hin kak iiriya.

Boy Ma Ayra Ma JAŊ Ɓiirimma 11:26

Sa ma kak iirina tin hurum kanna hin ka miɗɗi. Ndak vi na su?»

Boy Ma Ayra Ma JAŊ Ɓiirimma 14:19

Hin a kak hu njokŋi, suu hu duliyara ka wan oloɗi. Lini agiya ni, agi hin wanu, kayme an ka iiriya, agi hin li iiri may.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 6:57

Bun ma sunun ayna ka iiriya, an kaki iiri ni umu, sa ma tan tliwinna kak iiri ni un may.

Boy Ma Ayra Ma JAŊ Ɓiirimma 8:51

An dagi ni gasira, sa humun boy manna na hin ka miɗɗi.»

SUNDA 17:25

Nam ka min ana sa ɦam va naɗi, nam ɦal tlena maŋ suuna halaŋŋi namu, ɦasi iirira, musukŋa u tlesuu daŋŋa halaŋ.

1 KORINTNA 15:45

Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

WIRA ŊGAYRA 21:6

Nam hin di hu ana, an lasi wa, an ni Alfa u Omega, gijaŋŋa u daɓpa. Sa ma laara camma an ɦam yo ma law iirira ɦawaa.

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.

WIRA ŊGAYRA 7:17

Kay Goo Timii ma ka kaki duk dlamba mulla ka golosi ni namu, nam tuɗusi hu lii yo ma law iirira, Lona hin vaasi simi ma irisina ki halaŋ.»