Boy Ma Ayra Ma JAŊ Ɓiirimma 5:24 - Boy Lonana

²⁴ «An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

Boy Ma Ayra Ma JAŊ Ɓiirimma 5:24 ပူးပေါင်းရင်းမြစ်များ

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

MARK 16:16

Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu.

Boy Ma Ayra Ma JAŊ Ɓiirimma 11:26

Sa ma kak iirina tin hurum kanna hin ka miɗɗi. Ndak vi na su?»

Boy Ma Ayra Ma JAŊ Ɓiirimma 12:44

Yesu ɓak eŋga ana, «Sa ma tin hurum kanna tin hurum ka kan an doy holɗi, ni kay sa ma sunun ayna may.

Boy Ma Ayra Ma JAŊ Ɓiirimma 20:31

Tlesuu ɓiiri hu magaa ndaɗtana ni ana agi tin hurugi kay Yesu a nammi Sa Lona Fuurumma, Goŋ Lonna. Lini agi tin hurugi kam wa ni, agi hin fi iirira umu.

Boy Ma Ayra Ma JAŊ Ɓiirimma 3:16

Lona min suuna cocoo, nam ɦasi Gorom ma dewna, a gegelay ma tin hurum kamma ba kiɗi, fi iirira bay daɓa.

Boy Ma Ayra Ma JAŊ Ɓiirimma 3:18

«Sa ma tin hurum kay Goona ka ba kiɗi. Sa ma tin hurum ka kambi na, ki ni baaya kay nam tin hurum ka kay Goŋ Lona ma dewnaɗira.

Boy Ma Ayra Ma JAŊ Ɓiirimma 3:36

Sa tin hurum kay Goonana, fi iirira ka daɓ kiɗira. Sa ka tin hurum kay Goonaɗina, ka fi iiri ndaɗtaɗi. Yara vi Lonara hin tok kamu.

Boy Ma Ayra Ma JAŊ Ɓiirimma 4:36

Sa feɗ wana hu senena, nam fi ki ni warak mamba da, nam tok ii wana ni kay iirira bay daɓpa. Ni kay ndaɗta, sa feɗ wana may, sa zaa wana may, asi furi ni ko tasi dew.

Boy Ma Ayra Ma JAŊ Ɓiirimma 6:40

Dlara Bun hurum miniɗta, ni ana suu wi Goŋ Sanana, tin hurusi kamma, fi iirira ka daɓ kiɗira. An hin paɗasi ki kolo iiri, ŋgoo dagan hu buu ma kaɓakŋa.»

Boy Ma Ayra Ma JAŊ Ɓiirimma 6:47

«An dagi ni gasira, sa ma tin hurum kanna, iirira daɓ kiɗira ka hurumu.

Boy Ma Ayra Ma JAŊ Ɓiirimma 6:50

Fu ma col ay kolo huulona, sa tamma hin ka miɗɗi.

Boy Ma Ayra Ma JAŊ Ɓiirimma 6:51

An ni fu ma iiri ma col ay kolo huulona, sa ma ti fu nammana, kak iiri ni a fafatɗa. Fu ma an hin ɦammana ni tliw tanu, tliw tan ma an ɦagina a tirana ni ana suuna kak iiriya.»

Boy Ma Ayra Ma JAŊ Ɓiirimma 6:58

Gola, ni fu ma col ay kolo huulona. Nam ka ko fu ma vi somoyogi suu fok jewna naɗi. Asi tamu, hin miɗ ki lay. Fu wanna, sa tamma kak iiri a fafatɗa.»

Boy Ma Ayra Ma JAŊ Ɓiirimma 8:51

An dagi ni gasira, sa humun boy manna na hin ka miɗɗi.»

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

1 TESALONIKŊA 5:9

Lona laygi ka a baaygi ki u yaambaɗi, a faygi ni suɗta u Bu Suuna mayna Yesu Kristu.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

1 JAŊ 3:14

Aygi wi ana aygi hin maɗna ha ki tani kal ni hu iirira, aygi wi na ni kay me aygi min gorseyginara. Sa ma ana nam ka min wayammaɗina nammi fun maɗna tuwa.

1 JAŊ 5:1

Lini gegelay tin hurum wa ana Yesu ni Kristu nammi goŋ Lonna ni, sa min buna hin minim gorom may.