Boy Ma Ayra Ma JAŊ Ɓiirimma 5:19 - Boy Lonana

¹⁹ Yesu hoŋosi dira ana, «An dagi ni gasira, Goona ndak ka a li va kay tambi. Nam li ni tlesuu nam wi Bum ay lasina. Tlesuu Buna lasina, Goona lasi ni asi may.

Boy Ma Ayra Ma JAŊ Ɓiirimma 5:19 ပူးပေါင်းရင်းမြစ်များ

URA TIN AYRA 1:1

Lona gijaŋŋa ay jewni li huulona, li ndaŋgara.

URA TIN AYRA 1:26

Lona di olo ana, «Laygi sana tli tam ko aygi na. Kay nam a ti mulla kay kulufna duk lum ŋgolna, kay layagi suu pii kolona, kay tlesuu tuɗ u sesina halaŋ, u ndaŋgara lay, kay tlesuu ɦaram kaŋga kay ndaŋgara na halaŋ!»

SOOLLA 138:3

Buu ma an yaŋu, aŋ humunna, aŋ dliɗin saɓak manna koloo.

SOOLLA 27:14

Juɓ Yawe, kak saɓagi, li ndaaɗi. Juɓ Yawe.

SOOLLA 50:6

Huulona tak ɗegee mamba kiyo, sa ma kaɓakŋa ni Lona.

KALKIRA 4:11

Yawe hoŋom dira ana, «Sa ma li vun sa warnana ni gege? Sa ma mbuɗ sana ki ndumu lay ŋgeli layna ni gege? Sa ma dug ii sana ki lay malaɗ ki layna ni gege? Ni ka an, Yaweɗi su?

VUN ŊGOLNA 2:6

Kay Yawe ɦal yalna ay ni namu, yal ma wira u gasira cuk ay ki ni funumu.

EZAYI 44:24

Yawe ma suɗuŋ ay kina di ana, Sa ma miniŋ ay huu suŋŋa dayna ni gege? Ni an Yawe, ma li tlena halaŋŋa. Huulona halaŋ lammi an dew. Ndaŋgara halaŋ laɗ ni an dew daŋ.

EZAYI 45:24

Asi hin di ki u vunusi ana, suɗta u saɓakŋa ni vi Yawe dew daŋ. Suu ŋgulunna halaŋ hin mba ki fokonu, asi hin mbuɗ ki zolona.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

MATIYE 26:39

Nam ɦuɗ fok na nde ni, kuluɓ irim kaŋga, joɓ Lona ana, «Bunu, lini vaa ni, hinin hahaw ndaɗta kanɗi. Ҥawaa. Ka ko an minda naɗi. Li ko aŋ minda na.»

Boy Ma Ayra Ma LUK Ɓiirimma 21:15

An tanda hin ɦagi nera u boy ma agi damma, babali magisina ka a ci way funugiɗi.

Boy Ma Ayra Ma JAŊ Ɓiirimma 10:18

Sa ma tlan iiri manda ki kaɗi, an haɗ ni u min manda, an ndak a haɗ kiyo, hin ndak a faɗ olo. Ni dlara Bun dan ana an laɗura.»

Boy Ma Ayra Ma JAŊ Ɓiirimma 12:49

An ɓak na ni, ka kay saɓak tanɗi. Bun ma sunun ayna ɦan voɗta u tamba kay va ma an dam hu haɗtana.

Boy Ma Ayra Ma JAŊ Ɓiirimma 12:50

An wi ana dira nam di ana li nara ni, iirira ka daɓ kiɗira ni huwa. Va ma an damma, di ni va ma Bun ɦanna voɗom ki na.»

Boy Ma Ayra Ma JAŊ Ɓiirimma 14:10

Aŋ ka saa ana an eg Bunu, Bun egen may naɗi su? Boy ma an dagina magina halaŋŋi col ha ka kon anɗi. Bun ma hurunna li sun mamba ni namu.

Boy Ma Ayra Ma JAŊ Ɓiirimma 2:19

Yesu dasi ana, «Toogi Ziŋ Lonara wanni ki gaa, buuna hindi an hin miniɗ ki koloo.»

Boy Ma Ayra Ma JAŊ Ɓiirimma 3:3

Yesu dam ana, «An daŋ ha ni gasira, sana vuɗ ka vuɗta wiliraɗi ni, nam ndak a kal hu Mul Lonaraɗi.»

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

Boy Ma Ayra Ma JAŊ Ɓiirimma 6:38

An mbay tani ni a li minda vi sa sunun ayna, ka min mandaɗi.

Boy Ma Ayra Ma JAŊ Ɓiirimma 8:28

Yesu dasi ana, «Hu li ma agi tli Goŋ Sanna kolo wa ni, agi hin wi ana an kaa. Agi hin wi ana an ndak a li va kay tanɗi. An di ni tlesuu Bun haɗansina doy hol.

Boy Ma Ayra Ma JAŊ Ɓiirimma 9:4

Hu li ma faɗta kolo tu ni, an li sunda vi sa ma sunun ayna, njeŋge ni sa ndak ka a li sun oloɗi.

SUNDA 2:24

Lona colom ki kolo iiri hu ti tara vi miɗna, kay saɓakŋa vi miɗna ndak ka a vambi.

ROMMA 6:4

Hu batemma ay pi u namu kay a miɗ ko taygi dew, ko ndal Yesu Kristu paɗ ki kolo iiri u saɓak ma ŋgolna vi Bumma na. Aygi may ni hin mba lakaygi hu iirira wilira.

ROMMA 8:11

Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

1 KORINTNA 15:12

Va ma ami damma ana Kristu paɗ ki kolo hu miɗna iiriya, suu daŋŋa dukugi hin di ana suu miɗina ka paɗ ki kolo iiriɗi ni nanage?

2 KORINTNA 4:14

Ami wi ana Lona paɗ Bu Suuna Yesu ki kolo iiriya, nam hin paɗami ki kolo iiri ko tami u Yesu may, aygi hin taɓi ko taygi dew fokom namu.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

FILIPINA 3:21

Nam hin mbuɗuygi mbalataygira maŋira hu ndaŋgara ki zeɗ, mbuɗuygi ko mbalatamba bibiŋilla na a li u saɓak ma ɦamma ana tlena halaŋ hum umuna.

FILIPINA 4:13

An ndak a li tlena halaŋ kay Kristu ma ɦan saɓak nammana.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

KOLOSNA 1:16

Lona min tlesuu kolo huulona, kaŋga kay ndaŋgara lay halaŋŋi u namu, tlesuu suuna wasina u suu sa ka wasiɗina, dlamba mulla, u eŋga, u ŋgolla, garaŋga. Lona lasi halaŋŋi u namu ni mam nam lay.

1 TESALONIKŊA 4:14

Lini ay vi ana Yesu miɗa hin paɗ ki kolo iiri lay ni, ay vi ana Lona hin paɗ suu may suu tin hurusi kay Yesuna ki kolo iiri may.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.