Boy Ma Ayra Ma JAŊ Ɓiirimma 5:14 - Boy Lonana

¹⁴ Buu dagan ca ni, Yesu ŋgaf u nam hu Ziŋ Lonara, dam ana, «Huma, wandara ni aŋ garaɗ ki wa, li co a dlara daŋ faŋ su ndaɗta oloɗi.»

Boy Ma Ayra Ma JAŊ Ɓiirimma 5:14 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 8:11

Ndaɗ hoŋom dira ana, «Malla Haɗta, sa kaɗi.» Yesu daɗ ana, «An may ni ka kaak ɓak makŋaɗi lay. Ndak tuɗa, li co oloɗi.»]

SOOLLA 118:18

Gasi daŋ may Yawe gaɗanu, na may nam can ka ki cii gawɗi.

NEHEMI 9:28

Na may hu li ma asi fi koɗ tara fi ni, asi gijaŋ li dla cora fokoŋ olo. Aŋ hinisi ki ko suu babali masisina, asi lasasiya. Asi hoŋ yaŋ ay kolo u delesi eŋga olo. Aŋ ay kolo huulona day ni aŋ humma. Aŋ buɗusi ki ko dlara nara bolow coco u oo maŋga.

MATIYE 12:45

Ful ma cona hoŋ hal gorsemma ay um kiɗisiya, suu asina dlasi co suumu. Hoŋ ay ko tasi, cuk hu zi ndaɗta. Kay ndaɗta sa namma mbuɗ ki co su jewra. Dla ndaɗta hin li kagi agi suu co wanna.»

DLAŊ LEVIRA 26:27

«Hu li namma lini agi humun vunun kaɗi, dukugi ki gonokka u an gaki ni,

MARK 2:5

Hu li ma Yesu wi ana hu suu asina vi kamu ni, nam di sa gugufura ana, «Goonna, cooŋga daɓ ki wa.»

EZAYI 38:20

Yawe ko aŋ suɗun ki na ni, ami min bu tlegeyemi hu buuna halaŋ hu li ma ami ka iirina fok ziŋ Yawena.

SOOLLA 27:6

Cemi ni yan ki tli koloo, kay suu babali man suu ŋguyunna halaŋ. An li ɓivunna hu ziimba ni u soolla furira, gi soolla maŋ Yawe.

Boy Ma Ayra Ma JAŊ Ɓiirimma 5:5

Hu li namma, sa tuguɗi ma dew li basara dok hindi yam kalavandi.

2 DLAŊ MULINARA 28:22

Duk dlara yoora cocora na lay ni Akaz ka hin cora laɗ eg Yaweraɗi.

SOOLLA 9:13

Kay nam sa sukul suu casi kina, humum ka gam kasi tew tew. Humum ka maa kay tii ma vi suu ka lasnaɗi.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

DLAŊ LEVIRA 7:12

Lini sana min a li ɓivun ma gi deɓpa maŋ Lona ni, nam vi ɦuna ay may, li komnjoɗii ma bay kuffa dukumma may, u komnjoɗii ma fetna, mbaa fuɗ mayra ki yarasi u mbulnara may.

EZAYI 38:22

Ezekiyas hin di ana, «Va ma hin tak ki ana an tuɗ kolo hu ziŋ Yawera ni mege?»

Boy Ma Ayra Ma JAŊ Ɓiirimma 5:13

Suuna moli hu li namma coco wanni, Yesu tuɗ ki gaw, kay ndaɗta sa tam garaɗ ki na, ka wi ana ni namuraɗi.

DLAŊ LEVIRA 13:20

Mul ma li ɓivunna golom olo, lini huɗukka ha ga zuzulla, tlimiɗta hura ki haɓ may ni, nam ndak di ki kam ana sa namma ki ni njenjee, kay tuguɗi busuna gi taɗ hu ni ndaɗu.

SOOLLA 18:22

An tuɗ hu voɗta vi Yawe, humun maa voɗta vi Loonna ka kiɗi.