Boy Ma Ayra Ma JAŊ Ɓiirimma 4:36 - Boy Lonana

³⁶ Sa feɗ wana hu senena, nam fi ki ni warak mamba da, nam tok ii wana ni kay iirira bay daɓpa. Ni kay ndaɗta, sa feɗ wana may, sa zaa wana may, asi furi ni ko tasi dew.

Boy Ma Ayra Ma JAŊ Ɓiirimma 4:36 ပူးပေါင်းရင်းမြစ်များ

VUN ŊGOLNA 11:18

Sa ma dlam cona fi ni warak ma um kaɗina, sa ma di dlara ɗegeera wi ki kam gasi ana warak mamma kaa.

VUN ŊGOLNA 11:30

Sa ma ɗegeena vuɗ mamba ni gu ma vi iirirana. Suu wi dlara hin vi suu daŋŋa.

DANYEL 12:3

Suu may suu neeyna tasi hin weleɗ ko huulona na, asi suu mbuɗ suuna ki jivi bolow coco ko ndal ciciwra na a fafaɗtana.

MATIYE 19:29

Suu ana asi hin ziisi kiyo, ɗowba gorsesina, busiya, susiya, goryosiya, sene masina kan anu ni, asi fi ŋgol suwa sem kis olo, hin fi iirira ka daɓ kiɗira hu jona lay.

Boy Ma Ayra Ma JAŊ Ɓiirimma 3:36

Sa tin hurum kay Goonana, fi iirira ka daɓ kiɗira. Sa ka tin hurum kay Goonaɗina, ka fi iiri ndaɗtaɗi. Yara vi Lonara hin tok kamu.

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

ROMMA 1:13

Gorsenna an min ana agi wi anaba an tew tew min a tuɗ varagiya, na may gak gak cecemi an bay fi voɗta tuwa, an min ana sun manda mba li va ma jivi dukugiya, ko li duk njaf suu hiŋŋa na may.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

ROMMA 6:22

Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

1 KORINTNA 9:17

An ŋgaɓ sun ndaɗta ni kay tanu ni an ndak a juɓ gin warak tuwa. Ni dlaanda daŋ may an vi nek manda tininda kanda wa.

1 KORINTNA 9:18

Warak manna ni mege? Ni furira kay di Boy ma Ayra, dam ki maŋ suuna, ka joɓ va ana an sa di boyna ni warakan kayamiraɗi.

1 TESALONIKŊA 2:19

Suu ami ka u juɓpa kasina ni suurage, furi mamira u ŋgaamira u bibiŋil mamira ni agiɗi su, fok Bu Suuna mayna Yesu hu mbaamba layɗi su?

1 TIMOTE 4:16

Gol taŋ u haɗ maŋga jiviya, kak ɗili hu dla ndaɗta halaŋ, lini aŋ li ko ndaɗta na ni aŋ hin suɗ taŋga kiyo u suu humuŋŋa lay halaŋ.