Boy Ma Ayra Ma JAŊ Ɓiirimma 4:14 - Boy Lonana

¹⁴ Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 4:14 ပူးပေါင်းရင်းမြစ်များ

EZAYI 49:10

Suu asina may ka casi oloɗi, laa ka lasiɗi lay. Sa ka poŋosi oloɗi. Faɗ ka ŋgalasi sesi oloɗi lay kay sa ma hurum haɗ kay suuna cocona ka taarasi ni namu, nam tuɗusi ni fun mbo ma jivina asi ci kay laa masira.

EZAYI 55:1

Agi suu may suu laara cagina mbaagi ay eg mbona, sa ma gursu ka kombina lay mbaya, joɓogi tlesuu tira tagiya, mbay cagi sum veŋŋa u mbiira bay gussa.

EZAYI 58:11

Lini ki ŋgoo bagi duk gura lay, Yawe ni sa ma goloŋŋa, nam hin hoɓoŋ hayaŋu, ɦaŋ saɓakŋa. Aŋ hin mbuɗ ni ko sene ma malamma yorokom mbona um tew tewna na. Ni ko goloŋga mbii coco ta ka soɗira na.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 31:25

An laɓ vun suu laara mbuɗusi ki maŋiina, an hin mbuɗ suu maŋiina ki saɓak lay.

EZEKIYEL 47:9

Na ni tlesuu iiri suu poy kay ndaŋgara hin lak iiri duk mbo namma hu li ma nam ɓaɗ ha huna halaŋ. Kulufna hin zul duk mbo namma cocoo kay hu li ma mbo namma mba wa ni, lumma Galakŋa hin mbuɗ ki jiviya. Tlesuu iirina hin mbuɗ ki duk mbona halaŋ halaŋ.

DLAŊ LEVIRA 11:36

Na may lini nam ndi ni duk mbona hu goloŋga ɗowba hu goloŋ ma mbussa ni mbo namma tew tew ni teteɗ, na may sa ma tli ɦaa va namma ay ki duk mbonana mbuɗ ki njenjee.

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

MATIYE 5:6

Furira ka kay suu hal a li u minda vi Lona u hurusi halaŋŋa, nam hin hoɓosi u boy mamma.

Boy Ma Ayra Ma JAŊ Ɓiirimma 10:10

Sa kulna mba ni kay kulla, kay ci maɗna lay, ɓeŋ tlena ki lay. Anu, an mba ni kay suuna a fi iirira jivi ŋgolla.

Boy Ma Ayra Ma JAŊ Ɓiirimma 11:26

Sa ma kak iirina tin hurum kanna hin ka miɗɗi. Ndak vi na su?»

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:11

Cara dam ana, «Bu Suuna, zew gan ka koŋgi may ni, goloŋga uɗ day may ni, aŋ hin fi yo iiri ma ɦannana ni arage?

Boy Ma Ayra Ma JAŊ Ɓiirimma 4:13

Yesu hoŋoɗ dira ana, «Sa ma ci yo namma na laara hin cam olo.

Boy Ma Ayra Ma JAŊ Ɓiirimma 4:36

Sa feɗ wana hu senena, nam fi ki ni warak mamba da, nam tok ii wana ni kay iirira bay daɓpa. Ni kay ndaɗta, sa feɗ wana may, sa zaa wana may, asi furi ni ko tasi dew.

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

Boy Ma Ayra Ma JAŊ Ɓiirimma 6:35

Yesu dasi ana, «Anni fu ma iirina, sa mba egenna mayra ka cam oloɗi, sa tin hurum kanna laara hin ka cam oloɗi lay.

Boy Ma Ayra Ma JAŊ Ɓiirimma 6:58

Gola, ni fu ma col ay kolo huulona. Nam ka ko fu ma vi somoyogi suu fok jewna naɗi. Asi tamu, hin miɗ ki lay. Fu wanna, sa tamma kak iiri a fafatɗa.»

Boy Ma Ayra Ma JAŊ Ɓiirimma 7:37

Buu ma daɓ dagan a luuna ni ma ŋgolna. Buu namma Yesu col kolo fok suuna sawalla ana, «Sa laara camma mbay egen, ciya.

ROMMA 5:21

Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

2 KORINTNA 1:22

Nammi sa ma ɓiiriygi u semma, vo Musuk mamba huruygiya kay tak ki jivira nam ka ŋgomoɗ kaygira.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

WIRA ŊGAYRA 7:16

Mayra ka casi oloɗi, laara ka lasi oloɗi lay, fatɗa ka ŋgalasi oloɗi, zamalla ka lasi oloɗi may.

WIRA ŊGAYRA 7:17

Kay Goo Timii ma ka kaki duk dlamba mulla ka golosi ni namu, nam tuɗusi hu lii yo ma law iirira, Lona hin vaasi simi ma irisina ki halaŋ.»