Boy Ma Ayra Ma JAŊ Ɓiirimma 4:10 - Boy Lonana

¹⁰ Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:10 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

WIRA ŊGAYRA 7:17

Kay Goo Timii ma ka kaki duk dlamba mulla ka golosi ni namu, nam tuɗusi hu lii yo ma law iirira, Lona hin vaasi simi ma irisina ki halaŋ.»

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

WIRA ŊGAYRA 21:6

Nam hin di hu ana, an lasi wa, an ni Alfa u Omega, gijaŋŋa u daɓpa. Sa ma laara camma an ɦam yo ma law iirira ɦawaa.

Boy Ma Ayra Ma JAŊ Ɓiirimma 3:16

Lona min suuna cocoo, nam ɦasi Gorom ma dewna, a gegelay ma tin hurum kamma ba kiɗi, fi iirira bay daɓa.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.

ZAKARI 14:8

Hu buu namma ni mbo ma heɓma hin baɗ hu Yerusalem, keŋ ɦiw tuɗ hu mbo lum ma ŋgolna maɗiina, keŋ ɦiw tuɗ hu mbo lum ma ŋgolna fiɗigina may. Hin li ko ndaɗta na hu til faɗta lay, hu ndolla lay.

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

1 KORINTNA 10:4

Asi halaŋ ci ci ma ŋgussa ko tasi dew. Asi ci hu ɦini ma ŋgussa ma tuɗ usina ɦini namma ni Kristu.

EZAYI 12:3

Agiya, googi yona u furira hu goloŋga suɗta.

Boy Ma Ayra Ma JAŊ Ɓiirimma 6:35

Yesu dasi ana, «Anni fu ma iirina, sa mba egenna mayra ka cam oloɗi, sa tin hurum kanna laara hin ka cam oloɗi lay.

EZAYI 49:10

Suu asina may ka casi oloɗi, laa ka lasiɗi lay. Sa ka poŋosi oloɗi. Faɗ ka ŋgalasi sesi oloɗi lay kay sa ma hurum haɗ kay suuna cocona ka taarasi ni namu, nam tuɗusi ni fun mbo ma jivina asi ci kay laa masira.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma JAŊ Ɓiirimma 6:51

An ni fu ma iiri ma col ay kolo huulona, sa ma ti fu nammana, kak iiri ni a fafatɗa. Fu ma an hin ɦammana ni tliw tanu, tliw tan ma an ɦagina a tirana ni ana suuna kak iiriya.»

EZAYI 43:20

Tlebagi suu ŋgoo bagina lay hin geleɗenu. Bayakka u ergetta kay an li mbona ki ŋgoo hu li ma yo ka huɗina, wak lumma ki ŋgoo hu fulla, kay a ɦal yona maŋ suu mansina, suu an manasina.

EZAYI 35:6

Suu dalira pii weɗta ko ndal dugina na. Suu vunusi ndumuna mbuɗ sawalla ha koloo. Li ma haw mbona, yona mbuɗ law huwa. Lumma wak ki ŋgoo bagi hu fulla lay.

SOOLLA 46:4

Mbona ɓaɗ u bilna coco lay, ndaŋgara mbuɗ geŋeɗ lay, ɦinira geŋeɗ coco lay.

KALKIRA 17:6

An hin col ha fokoŋ kay Ҥinira Horebba may. Aŋ tuɗ waɗ ɦinira, mbona hin sel ay kiyo, suu Israelna hin ciya.» Moiz li na fok suu ŋgolo suu Israelna halaŋ.

2 KORINTNA 9:15

Geleɗ Lona kay ɦal mamba ŋgolla bay ŋgara.

Boy Ma Ayra Ma LUK Ɓiirimma 11:13

Agi suu cona wi a ɦal tlesuu jivina maŋ goryogiya. Bugi ma kolo huulona ɦal Musuk mamba maŋ suu joɓomma ni nam ɗow.»

EZAYI 42:6

Ni an Yawe, an yaŋŋi u gasira, an vaŋ koŋ kolo wa, an ka goloŋu, a aŋ faɗan vun galam manda an vaɗ u njaf suu warnara kiyo, aŋŋi sa ma hin takasi kiɗikka kina.

EFESNA 2:8

Agi suɗ ay kini u oora vi Lona hu vira, suɗta ndaɗta col ay ka kogiɗi, ni ɦala vi Lona.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

Boy Ma Ayra Ma JAŊ Ɓiirimma 16:3

Asi hin li dla ndaɗta na ni kayra asi ka wi bunɗi lay ka wan anɗi layra.

SUNDA 9:11

Bu Suuna dam ana, «Tuɗ cecemi hu voɗta ɦoŋzina Ɗegee, tuɗ hu zina vi Yudas, joɓ kay sa ma Tarsna sem ana Sol. Cecemi nam ka cena.

SOOLLA 10:17

Yawe, suu hoŋ yasi gana, aŋ ka humusi cen masira, aŋ ka soosi usi lay.

SOOLLA VI SALOMON 4:15

Ndakŋi mbo ma ka yorok hu senena na, ni goloŋga ɓaɗ mbona ta col ay hu Libanda.

HEBRENA 6:4

Suu may suu hoŋ ndi kaŋga hu iiri mayra corana hin lini ana mege? Asi fi kiɗikka vi Lona ki lay asi juk ɦala kolora ki lay, ura vi Musuk Lonara ki lay.

EZEKIYEL 16:35

«Gawlaŋga, hum boy ma vi Yawena haa.