Boy Ma Ayra Ma JAŊ Ɓiirimma 3:5 - Boy Lonana

⁵ Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

Boy Ma Ayra Ma JAŊ Ɓiirimma 3:5 ပူးပေါင်းရင်းမြစ်များ

MATIYE 18:3

dasi ana, «An dagi ni gasira, lini agi ka mbuɗ tagi ki ko gorkemba naɗi ni, agi ka kal hu Mulla huulonaraɗi.

MATIYE 19:24

An dagi ha hu olo, Jamballa a kal hu zul libirina ni loɓ ɦay, sa ɦizina a kal hu Mul Lonara loɓ su jamballa a kal hu zul libirinara olo.»

MATIYE 21:31

Gor suu mba' asina, sa hum vun bumma ni gege?» Asi hoŋom dira ana, «Ma jewna.» Yesu dasi ana, «An dagi ni gasira, suu vi taara u gawlaŋina hin cuk hu Mulla vi Lonara jewegiya.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

MATIYE 3:11

An mbusugi batemma duk yona a tak ana hurugi mbuɗ ki zeɗ. Sa ma mbay ŋgoron daganna, hin mbusugi batemma u Musuk Lonara, u kura may, kay dlam ŋgol suunu. An ndak ka a ziirim tuɓuru mammaɗi lay.

MATIYE 5:20

An dagi ana, Agi li ka hum vun Lona su suu wi magaara gaɗta u suu Farisennaɗi ni, agi ka kal hu Mulla huulonaraɗi.»

MARK 10:14

Yesu wasi li na ni, hurum ɓeŋ egesiya, dasi ana, «Hinigi kemba mbay egenu, doorosiɗi. Mul Lonara ni maŋ suu ko asina na.

MARK 16:16

Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu.

MARK 9:47

Iriŋ li tiniŋ hu cora ni ndaɗu ni, holoɗoɗ kiyo. Mariyaɗ ni aŋ kal hu Mul Lonara u iriŋ dew, su mayra aŋ kal duk kura u ndaɗ jakka.

Boy Ma Ayra Ma LUK Ɓiirimma 13:24

«So tagi ki a kalagi hu vun zira goora. An neegi ki kagiya, suuna hin tuk tasi a kal hu vun zi ndaɗta cocoo, suu ɦiw hin ka a ndakgi.

Boy Ma Ayra Ma LUK Ɓiirimma 13:3

Ҥawaa, an dagi ha na, lini agi ka jok hurugi ki zeɗɗi ni, agi hin miɗ ni ko asi na may.

Boy Ma Ayra Ma LUK Ɓiirimma 13:5

Ҥawaa, an dagi ha na, lini agi ka jok hurugi ki zeɗɗi ni, agi hin miɗ ni ko asi na may.»

Boy Ma Ayra Ma JAŊ Ɓiirimma 1:13

Asi vuɗ ka ko suu warna vuɗ gorra naɗi, col ay ka eg saɗi lay ka u minda fi sa njufnaɗi lay, Lona vuɗusi ni namu.

Boy Ma Ayra Ma JAŊ Ɓiirimma 3:3

Yesu dam ana, «An daŋ ha ni gasira, sana vuɗ ka vuɗta wiliraɗi ni, nam ndak a kal hu Mul Lonaraɗi.»

Boy Ma Ayra Ma JAŊ Ɓiirimma 3:4

Nikodem dam ana, «Sana mbuɗ ki ŋgolla wa ni, nam hin vuɗ yam mba' ni nanage? Nam hoŋ hu sum yam mba' su, sum ndak a vuɗum yam mba' su?»

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

ROMMA 14:17

Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara.

ROMMA 8:2

Na may gaɗta vi Musuk Lonara ɦal iirira taɓaygi eg Yesu Kristu buɗun ay ki hu gaɗta vi cora hu miɗna lay.

1 KORINTNA 15:50

Gola gorsenna an min dagiya, va ma lam u tliwna u busuna ka ndak fi Mul Lonaraɗi, va ma ki miɗina ka ndak fi miɗɗira ɗi.

1 KORINTNA 2:12

Aygi faygi ka ŋgussa kay ndaŋgara tanɗi, aygi faygi ni Musuk Lonara, kay a aygi waygi u tlesuu Lona ɦaygisina halaŋ.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

GALATENA 6:15

Caw ɗiwra u caw ɗiw kaɗira lay ni li vaɗi, va ma ŋgolna ni vuɗta wilira dew daŋ.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 JAŊ 2:29

Agi wi kagi ana Kristu ni sa ɗegeena, agi wi kagi ana sa ma li dlara ɗegeera ni goŋ Lonna.

1 JAŊ 5:1

Lini gegelay tin hurum wa ana Yesu ni Kristu nammi goŋ Lonna ni, sa min buna hin minim gorom may.