Boy Ma Ayra Ma JAŊ Ɓiirimma 3:2 - Boy Lonana

² Nam mbay eg Yesu njeŋge, dam ana, «Mala Haɗta, ami wi ana Lona sunuŋ ay a haɗami ni namu, sa Lona ka u nambina ka ndak a li dlara mbuɗta ko aŋ laɗta naɗi.»

Boy Ma Ayra Ma JAŊ Ɓiirimma 3:2 ပူးပေါင်းရင်းမြစ်များ

1 MULINA 17:24

Cara di Eli ana, «Na daŋ may cemi ni an wi ki wa ana aŋŋi sa ma vi Lonna. Boy ma vi Yawena ka funuŋŋi nam daŋ may.»

EZAYI 51:7

Agi suu wi ɗegeera humungi vunun haa, agi suu kolo huulona suu gaɗ manda ka hurugina, lagi ndaa ko mbeleŋ ma vi suu warnanaɗi, lagi ndaa ko ganyam masiraɗi.

JEREMI 38:16

Na daŋŋi mulna Sedesiyas vi vunum ki ŋgay gumun ko tam u Jeremi ana, «Yawe ma ɦaygi iiri ndaɗtana ka iiriya. An hin ka caŋ kiɗi, ka ɦaŋ ki maŋ suu asi suu min a caŋ kinaɗi lay.»

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

MATIYE 23:7

Suuna mol wa ni, asi min ana gasi deɓpa ko mulina na, yasi ana, Malayaŋ haɗta na lay.

MATIYE 23:8

Agi may ni, sa yagi ana malayaŋ haɗtana na koɗi. Mala Haɗta ni dew daŋ. Agi halaŋŋi gorse tagiya.

MARK 12:14

Asi mbay eg Yesu dam ana, «Malaŋ Haɗta, ami wi ana aŋŋi sa gasina. Aŋ ka tin yaŋ kay saara vi saɗi lay. Aŋ takŋi voɗta vi Lona ta gasira. U gaɗ maygira ni, ɦal taara maŋ Sesar, ɗowba ɦalɗi su?»

Boy Ma Ayra Ma JAŊ Ɓiirimma 1:38

Yesu pereɗ irim, wasi asi tuɗ um na ni, dasi ana, «Agi hal mege?» Asi dam ana, «Rabbi (ni ana, Mala Haɗta), aŋ kaki ni arage?»

Boy Ma Ayra Ma JAŊ Ɓiirimma 10:38

Lini an laɗu ni, agi ka mininɗi lay ni, vagi u sunda an laɗta a agi wi ki anaba an ka ni hu Buna, Bun ka ni hurun may.»

Boy Ma Ayra Ma JAŊ Ɓiirimma 12:37

Nam li dlara mbuɗta fokosi coco lay ni, asi ka tin hurusi kambi.

Boy Ma Ayra Ma JAŊ Ɓiirimma 14:10

Aŋ ka saa ana an eg Bunu, Bun egen may naɗi su? Boy ma an dagina magina halaŋŋi col ha ka kon anɗi. Bun ma hurunna li sun mamba ni namu.

Boy Ma Ayra Ma JAŊ Ɓiirimma 15:24

Lini an ka li dlara bay sana laɗta dukusiɗi ni, asi ka wi coosiraɗi. Cecemmi, asi wi dlara an laɗta, asi lami gonokka ni an may, Bun may.

Boy Ma Ayra Ma JAŊ Ɓiirimma 2:11

Ni dlara mbuɗta Yesu laɗ fok jewra, laɗ ni hu zina Kana hu mbassa Galilera. Nam tak ŋgol mamba hu buu namma. Suu haɗi mamsina tin hurusi kamu.

Boy Ma Ayra Ma JAŊ Ɓiirimma 20:16

Yesu daɗ ana, «Mari!» Ndaɗ pereɗ iriɗ, dam u vun masina ana, «Rabbuni» (ni ana Mala Haɗta).

Boy Ma Ayra Ma JAŊ Ɓiirimma 3:26

Asi tuɗ eg Jaŋ dam ana, «Aŋ gol sa ma li ay egeŋ ŋgoo lumma Yurdanna, ma aŋ ɓakami kamma, nam ka mbus suuna batemma. Suuna halaŋ tok ha ki egemu.»

Boy Ma Ayra Ma JAŊ Ɓiirimma 4:31

Hu li namma suu haɗina di Yesu ana, «Bu Suuna, mbay ti va nde.»

Boy Ma Ayra Ma JAŊ Ɓiirimma 5:36

An, sa vovoɗ manda kaa, ŋgol su ma vi Jaŋŋa, ni tlesuu Bun ɦansina ana an lasiya na. An lasiya, tle asina takagi ana Bun Lona sunun ay ni namu.

Boy Ma Ayra Ma JAŊ Ɓiirimma 6:2

Suuna tuɗ kay cerem bolow cocoo, kayra asi wi dlara mbuɗta nam laɗta bolow coco garaɗ suu tuguɗira kira.

Boy Ma Ayra Ma JAŊ Ɓiirimma 7:31

Duk suu molina, suuna bolow cocoo tin hurusi kamu. Asi di ana, «Sa Lona Fuurumma hin mba wa ni, li dlara mbuɗta su sa wanna na su?»

Boy Ma Ayra Ma JAŊ Ɓiirimma 9:16

Suu Farisenna suu ɦiw di ana, «Sa namma col ay ka vi Lonaɗi kay nam ka hum u gaɗta kay buu ma vi Lonnaɗi.» Suu ɦiw di ana, «Sa cona ndak a li dlara mbuɗta na su?» Vunusi ɓorow zeɗ zeɗ.

SUNDA 10:38

Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

SUNDA 2:22

«Agi suu Israelna humugi va ma an min daginana, Yesu ma Nazaretna nammi sa ma Lona takagi ŋgol mamba kina. Lona li dlara mbuɗ mbuɗta, u dlara ndandalla, u takka daŋga daŋga ko agi kay tagira wi u irigira na lay.

FILIPINA 1:14

Gorseygi suu daŋŋa wan hu daŋgayna na ni vi hurusi coco kay Bu Suuna mbuɗ tuɗ fok a di Boy Lonana bay ndaana suwa.

SUU KAƁAKŊA 6:27

Gedeon yow suuna doogo duk suu sun mamsina. Nam li ko ndal Yawe damba na. May ni nam ŋgay ndaa suu vi bumma u suu hu zinana, nam hin dlara li dla ndaɗta faalira tani hin laɗ ni njeŋgee.