Boy Ma Ayra Ma JAŊ Ɓiirimma 3:11 - Boy Lonana

¹¹ An daŋ ni gasira, ami ɓakŋi dla tlege suu ami wasina, ami di ni dlara ami waɗta. Agi ka min vi dlara ami dagi kaɗtaɗi.

Boy Ma Ayra Ma JAŊ Ɓiirimma 3:11 ပူးပေါင်းရင်းမြစ်များ

EZAYI 50:2

An mbay tani fi sa kaɗi ni nanage? An yi lay sa ka humunɗi ni nanage? An ka ndaki a buɗugi kiraɗi su? Saɓakan ka ndaki a suɗugiɗi su? Gola u saɓak manna an so mbo lumma kiyo, li ma mbona huna an mbuɗum ki mbassa. Kay mbo kaɗira kuluf ma goloŋŋa halaŋ miɗ kiyo.

EZAYI 53:1

Suuna ɓak tasi ana, sa ma tin hurum kay dlara asi daɗta ni gege? Sa ma wi ana Yawe li dla ndaɗta ni u ɓik komu na ni gege?

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

EZAYI 65:2

Maɗii day ni an baa kon ki maliya, a yi suu may suu gonokka u anna, a yi suu may suu tuɗ hu voɗta cora. Suu ka zii saa masira corana.

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.

Boy Ma Ayra Ma LUK Ɓiirimma 10:22

«Tlena halaŋ Bun ɦansina ni konu. Sa ka wi Goŋ Lonnaɗi, wammi Bun doy hol. Sa ka wi Lonaɗi, wammi Gorom u suu nam hin takasina kina.»

Boy Ma Ayra Ma JAŊ Ɓiirimma 1:11

Nam mbay duk suu mamsina asi vam kaɗi.

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

Boy Ma Ayra Ma JAŊ Ɓiirimma 12:49

An ɓak na ni, ka kay saɓak tanɗi. Bun ma sunun ayna ɦan voɗta u tamba kay va ma an dam hu haɗtana.

Boy Ma Ayra Ma JAŊ Ɓiirimma 14:24

Sa ma ka mininɗina, ka hum u boy mannaɗi, boy ma an dagina ha wanna, ni ka boy manna vaydegembi, col ay ni ko sa ma sunun ayna.

Boy Ma Ayra Ma JAŊ Ɓiirimma 3:12

Agi ka tin hurugi kay tlesuu an dagisina kay ndaŋgaraɗi may ni, an li dagi tlesuu mbay kolo huulona ni, agi hin humusi su?

Boy Ma Ayra Ma JAŊ Ɓiirimma 3:13

Sa tuɗ ay kolo huulona dew kaɗi, Goŋ Sanna ay kolo huulona mbay kaŋga ni nam dew.

Boy Ma Ayra Ma JAŊ Ɓiirimma 3:3

Yesu dam ana, «An daŋ ha ni gasira, sana vuɗ ka vuɗta wiliraɗi ni, nam ndak a kal hu Mul Lonaraɗi.»

Boy Ma Ayra Ma JAŊ Ɓiirimma 3:5

Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

Boy Ma Ayra Ma JAŊ Ɓiirimma 5:43

An mba varagi u sem Bunu, agi van ka varagiɗi, sa mbay u min mamba na, agi hin vam varagi ni namu.

Boy Ma Ayra Ma JAŊ Ɓiirimma 7:16

Yesu hoŋosi dira ana, «Haɗta an haɗara ni ka haɗ mandaɗi, col ay ni vi Lon ma sunun ayna.

Boy Ma Ayra Ma JAŊ Ɓiirimma 8:14

Yesu hoŋosi dira ana, «Lini an di kay tan ni an tok lay ni, diinda ni u voɗoɗu, kayme an wi lii an col ay huna, an wi lii an hin tuɗ huna lay. Agi may ni ka wi li ma an col ay huna u li ma an tuɗ hunaɗi lay.

Boy Ma Ayra Ma JAŊ Ɓiirimma 8:26

Tlen ka kon ŋgol coco a di kay dlaagira. Sa ma sunun ayna di ni gasira, an di suuna ni dlara nam haɗanda ayra.»

Boy Ma Ayra Ma JAŊ Ɓiirimma 8:38

An ɓakagi ni dlara Bun takandara. Agi li ni dlara Bugi dagira may.»

SUNDA 22:18

An wi Bu Suuna nam dan ana, Hin Yerusalem ɓaɗ zak kay suu ɦoŋzi nammana ka vi boy ma aŋ dasina kannaɗi.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 3:14

Ɓii magaara maŋ sa sunda huulona vi suu vi Kristuna hu Laodise. Gola ni boyna vi sa ma diki ma ɗegeena, ma gasina sem ana, Amin. Sa ma u tlesuu Lona lasi halaŋŋa ay komma.