Boy Ma Ayra Ma JAŊ Ɓiirimma 20:19 - Boy Lonana

¹⁹ Fiɗigira Damas ndaɗta may ni, suu haɗina tok tasi hu zira, gi vun goŋga kasiya kayme asi li ndaana ko suu Juifna. Yesu mba col dukusi dasi ana, «Heɓpa ka u agiya.»

Boy Ma Ayra Ma JAŊ Ɓiirimma 20:19 ပူးပေါင်းရင်းမြစ်များ

SOOLLA 122:8

Kay gorsenna u ndarayan suu poy ko tamina, an ndak di ana, «Ko heɓpa li ha vo varaŋu.»

MATIYE 10:13

Suu hu zi ndaɗtana vagi jivi wa ni, heɓ magira hin kak u asiya. Asi vagi kaɗi ni, ndaɗ hin hoŋ ay kiyo.

MATIYE 18:20

Lini suu mba' kala, hindi kala, tok tasi u sen wani, an ka dukusi may.»

MARK 16:14

Ŋgoo daganda suu haɗi suu doogo yam dewna ti funa wa ni, Yesu tak tam ki irisiya. Nam yalasi kay hurusi ma ka tini kambina. Asi min ka vi vun suu wam ay u irisinaɗira lay.

Boy Ma Ayra Ma JAŊ Ɓiirimma 14:27

«Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

Boy Ma Ayra Ma JAŊ Ɓiirimma 16:22

Cecemmi agi hu yoora ni na may. Agi wan wa ni, hurugi hin furiya, furi magi ndaɗta sa ndak ka a ɓaɗagira ki kogiɗi.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

Boy Ma Ayra Ma JAŊ Ɓiirimma 20:21

Yesu hoŋosi dira olo ana, «Heɓpa kak u agiya, ko Bun sunun ay na ni, an sunugi ni na may.»

Boy Ma Ayra Ma JAŊ Ɓiirimma 20:26

Li buuna dagan kiɗisiya ni, suu haɗi suu vi Yesuna tok hu zira olo, buu namma Tomas ay dukusiya. Vun goŋga dugi kasiya. Yesu kal ay mba col dukusiya, dasi ana, «Heɓpa li u agiya.»

Boy Ma Ayra Ma JAŊ Ɓiirimma 21:1

Kak na njokŋi, Yesu tak tam ki ii suu haɗi mamsina olo fun lumma Tiberiyadna. Gola ni dlara nam tak tam irisi u ndaɗta.

Boy Ma Ayra Ma JAŊ Ɓiirimma 21:14

Paɗta nam paɗ ki kolora, tak tam irisi ni a yamba hindira.

Boy Ma Ayra Ma JAŊ Ɓiirimma 7:13

Asi li ndaana ko suu Juifna, ka ɓak ki kam eŋgi.

SUNDA 1:3

Ŋgoo dagan miɗ mamma ni nam tak tam ki irisiya, u dlara zeɗ zeɗ, li buuna dok fiɗi ni nam tak tam ki ɓakasi kay mul Lonara.

ROMMA 15:33

Lona ma ɦal heɓpa mba li u agi halaŋ. Amin.

1 KORINTNA 15:5

Nam tak tam ii Piyer ŋgoo dagan ii suu doogo yam mbana.

EFESNA 2:14

Kristu u tamba mbaaraygi heɓpa ni namu, mbuɗ suu Juifna u suu ka njaf suu Juifnaɗina ki hu njaf ma dewna, nam ɦal tam kiyo, gulumun ma ɓorow duk ɦoŋga u suu gonokkana nam toom ki wa.

EFESNA 6:23

Ko Lona Buna u Bu Suuna Yesu Kristu ɦal heɓpa, minda u vira maŋ gorseygina halaŋ.

FILIPINA 1:2

Ko Lona Buya u Bu Suuna Yesu Kristu ɦagi oora u heɓpa.

2 TESALONIKŊA 3:16

Ko Bu Suuna ma ɦal heɓpa ɦagira u tamba tew tew, hu lina halaŋ. Ko Bu Suuna li u agi halaŋ.

HEBRENA 7:2

Abraham ɦam yam tlesuu nam fasi ayna halaŋ. Sem Melkisedek ni di ana mul ma ɗegeena, nam lay ni mul ŋgol ma Salemma, ni di ana mul ma heɓpa.

3 JAŊ 1:14

An wi kan ana an hin a tuɗ ha goloŋ cem cemi ay hin ɓak kay dla ndaɗta duk tay gaw.

WIRA ŊGAYRA 1:4

Ni an Jaŋ maŋ suu vi Kristuna hu mbassa Azira kiɗisiya. Ko Lona ɦagi oora u heɓpa, namma ka cecemma ma li ay jewna ma hin ha fok a hin mbay tuna lay. Ko lini u minda vi Musuk Lonara kiɗisiyara fok dlam mamba mulla lay.