Boy Ma Ayra Ma JAŊ Ɓiirimma 20:17 - Boy Lonana

¹⁷ Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»

Boy Ma Ayra Ma JAŊ Ɓiirimma 20:17 ပူးပေါင်းရင်းမြစ်များ

2 MULINA 4:29

Elize di Gehazi ana, «Njun gandi maŋŋa huruŋu. Tlan tokolo manda koŋ, tuɗa, lini aŋ ŋgaf sa voɗwa ni gam deɓbi. Lini sa gaŋ deɓe ni, aŋ humbi. Aŋ tuɗ gaŋ tokolo manda kay vok goona.»

2 MULINA 7:9

Suu tumina njaɗ duk tasi ana, «Ҥawaa, aygi li na ni ka jiviɗi. Buu ma karamma ni buu ma di boy ma ayra huna, lini aygi di ka kiɗi, hin lina fo kiwa ni, aygi ka ndak a puruɗ ki ko gaɗtaɗi. Tuɗuygi seleygi hu ɦoŋzina daygi suu vi mulnana kiyo.»

SOOLLA 22:22

Holoton ay ki fun dlona, suɗun ki ko mek vunda. Aŋ hoŋon dira.

SOOLLA 43:4

An tew ki hu givin ma togolla vi Lona, vi Lona an luu luu ma furira. Ҥi, Lona, an geleɗ Lona u diŋŋa, Loonna.

SOOLLA 48:14

Gologi gulumunna gige, ndumugi zigini suu huna, agi hin di dla ndaɗta ka ki maŋ njaf suu hin ka ŋgorogi daganna.

SOOLLA 68:18

Lona u pus pus ma kulumi suu duuna bolow ka ndumbi, nam ka mbay hu Sinay, hu Ziiŋ ma Teteɗna.

SOOLLA 89:26

An hin ɦam lum ŋgolna ni mamu, ay hu lum ŋgol ma dukŋa ta ta mbo lum ma Efratana ni varamu.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

JEREMI 32:38

Asi mbuɗ ki ni suu mansina, an hin li ni a Loosina may.

EZEKIYEL 36:28

Agi hin cuk ki hu mbassa an ɦaɗ ay maŋ somoyogira. Agi hin mbuɗ ni suu mansina. An hin mbuɗ ni a Loogina may.

EZEKIYEL 37:27

Liin ma kakŋa hin li ni dukusiya. An hin li ni a Loosina. Asi hin li ni a suu mansina may.

MATIYE 12:50

Sa ma li u minda vi Bun ma kolo huulona, sa namma ni wayanna, wayanda u sunu.»

MATIYE 25:40

Mulna hoŋosi dira ana, «An dagi ni u voɗoɗu, jivira agi laɗ eg sa maa dew duk gorsen suu hahawra, ni agi landa ay ni man anu.»

MATIYE 28:7

Tuɗ di maŋ suu haɗi mamsina zak ana, Nam paɗ ay ki kolo iiri duk suu miɗina. Nam tuɗ ha fokogi hu mbassa Galilera. Agi hin tuɗ wam huwa. Ni boy ma an dagina na.»

MARK 12:26

Agi gol ka hu magaara vi Moiz kay paɗta kolora vi suu miɗina u boy ma Lona dam maŋ Moiz duk gu ma siinaɗi su? Lona di ana, Anni Loŋ Abrahamma, Loŋ Isaakŋa, Loŋ Yakobma.

MARK 16:19

Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna.

Boy Ma Ayra Ma LUK Ɓiirimma 10:4

Yow mbumbura cuk gursu kogiɗi lay, yow mbumbu ma ŋgol kogiɗi lay, yow tuɓuru kogiɗi lay. Cologi ha voɗ a gi deɓ saɗi lay.

Boy Ma Ayra Ma JAŊ Ɓiirimma 13:1

Hu buu namma ni jew luu ma Pakŋa. Yesu wi ana fat mayra nam hin suu hu duliyarana ka ta, tuɗ kolo eg Bum Lonara, ndakiya. Nam min suu mam suu hu duliyara cocoo. Nam minisi na gak gak tew ki u ndaɗta.

Boy Ma Ayra Ma JAŊ Ɓiirimma 13:3

Yesu wi ki kam ana nam u tamba ay ni vi Lona, nam hin hoŋ ki egemu a Lona ɦam tlena halaŋ komu.

Boy Ma Ayra Ma JAŊ Ɓiirimma 14:2

Hu ziŋ bunna lii kakka ka hu ŋgolo. An nda minigi lina ha ki foko. Boy namma li ni gasagiɗi ni an hin ka daginaɗi.

Boy Ma Ayra Ma JAŊ Ɓiirimma 14:28

Agi humugi ana an dagi ana an tuɗa, hin hoŋ ay egegiya. Agi li mininu ni, agi hin li furira kay wan ki ana an tuɗ eg Bunu, nammi ŋgol suunu.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 16:28

An col ay ni vi Lona, mba kaŋga hu duliyara, cecem wanda ni, an hin duliyara hoŋ kolo eg Bunu.»

Boy Ma Ayra Ma JAŊ Ɓiirimma 17:11

An ka hu duliyara oloɗi, asi ka duk suu hu duliyarana tuwa. An tuɗ ha ni egeŋu. Bun ma teteɗna, golosi u saɓak seŋu, seŋ ma aŋ ɦannana, a asi li dew ko aŋ u an ay dewra ni na.

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

Boy Ma Ayra Ma JAŊ Ɓiirimma 17:5

Cecemmi Bunu, ɦan ŋgolla fokoŋu ta aŋ ɦanda ay jew bay duliyara min tura.

Boy Ma Ayra Ma JAŊ Ɓiirimma 20:27

Nam di Tomas ana, «Ҥuɗ koŋ aya, golon huɗuk konu, ɦuɗ koŋ ay tin koŋ payanu. Hin huruŋ ma mbambana kiyo, tin huruŋ kanu.»

Boy Ma Ayra Ma JAŊ Ɓiirimma 7:33

Yesu dasi ana, «An kak u agi ew, ŋgoo dagan ni, an hin hoŋ eg sa sunun ayna.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

2 KORINTNA 6:18

An hin li ni a bugiya, agi hin lini a goryon u gorɓii mansina, Bu Suuna ma Saɓakŋa Kom Belna di boy namma ni namu.»

GALATENA 3:26

Agi mbuɗ a goryoŋ Lonana ni u vira kay taɓ maygira u Yesu Kristura.

HEBRENA 11:16

A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

HEBRENA 8:10

Gola ni galamba an hin vaɗ u suu man suu Israelna, Bu Suuna di ana ŋgoo buu namma wanni an hin ɦasi gaɗ manda hu ŋgus masira, an hin ɓiirisira hurusiya. An hin li a Loosina, asi hin li a suu manna.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

WIRA ŊGAYRA 21:7

Sa tina, an hin ɦam tle asina, an hin li a Loomma, nam hin li a goonna may.