Boy Ma Ayra Ma JAŊ Ɓiirimma 19:30 - Boy Lonana

³⁰ Yesu soɓ mbo namma ha na ni, di ana, «Tlen halaŋ daɓwa!» Nam cok yam kaŋga na ni, ɦal ŋgus mamba kiyo.

Boy Ma Ayra Ma JAŊ Ɓiirimma 19:30 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 17:4

An takaŋ ŋgol maŋga ki hu duliyara, an faɗ vun dlara aŋ dan ana an laɗura ki lay.

FILIPINA 2:8

Nam vi kam a kak iiri u lalamba tak ana nam hum vunna gak gak hu miɗna, miɗna hu gu garakŋa.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

Boy Ma Ayra Ma JAŊ Ɓiirimma 10:11

«Anni sa ma taa yoona jivina, sa ma taa yoona jivina ba iiri mamba ki kay timigii mamsina.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

Boy Ma Ayra Ma LUK Ɓiirimma 23:46

Yesu bay eŋga na haŋgak ana, «Bunu, an cuk ŋgusun hu duk koŋu.» Nam di na di ni, seeɗ gaw.

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

ROMMA 10:4

Kristu mba tin kini gaɗta vi Moizza hu liiɗu, kay a suu vina halaŋ mbuɗ ki ɗegee fok Lona.

Boy Ma Ayra Ma JAŊ Ɓiirimma 19:28

Ŋgoo dagan Yesu wi ana dlara daɓ wa ni, nam a faɗ vun dlara ɓiiri hu magaara kira ni, di ana, «Laara canu.»

MARK 15:37

Yesu bay eŋga na haŋgakŋi, seeɗ gaw.

Boy Ma Ayra Ma JAŊ Ɓiirimma 10:18

Sa ma tlan iiri manda ki kaɗi, an haɗ ni u min manda, an ndak a haɗ kiyo, hin ndak a faɗ olo. Ni dlara Bun dan ana an laɗura.»

Boy Ma Ayra Ma JAŊ Ɓiirimma 4:34

Yesu dasi ana, «Ti ma an tamma ni a li minda vi sa sunun ayna, a faɗ vun sunda nam ɦanda ana an laɗura may.

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

MATIYE 27:50

Yesu bay eŋga na haŋgak olo ni, nam seeɗ gaw.

EZAYI 53:12

Kay ndaɗta an kakam ki ni duk suu ŋgolona. Nam hin ɓorow tlesuu yowosi ay fun duunana ni ko tam u suu saɓak cocona. Kay nam hoŋ yam ki kaŋga ta ta miɗna. Nam gi tam ki duk suu li dla cora. Nam yow cora vi suu daŋŋa ki kam halaŋ. Nam ka njun kay suu ɓakŋa vasina.

SOOLLA 22:15

Saɓak manna ni ko yona na daɓ ki wa, sokon paɗ ki hin liim ki lay. Mukulun mbuɗ ko do dabaŋga na, nam yoo ki hurunu.

HEBRENA 9:22

U gaɗta ni tlena halaŋ mbuɗ ki pasiyak ni u busuna, cora ka bulum ki bay busuna yam kiɗi.

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

MATIYE 3:15

Yesu hoŋom dira ana, «Hin na ta! Mbusun ɗow. Ay li wa na ni, dlara Lona miniɗta.» Jaŋ hurum viya, mbusum batemma gaw.

1 KORINTNA 5:7

Hinigi kuffa basira vi cora kiyo, kay agi mba mbuɗ ki teteɗ. Agi mbuɗ ni fu ma wili ma bay kuffa dukumma, a gasira ni agi kii mbuɗi gaw. Luu maygi ma Pakŋa gijaŋŋa, kay mege Kristu ni ko goo timii ma ɓivunna ŋgaɗ ki wa.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

DANYEL 9:26

Ŋgoo dagan cokira dok karkiya yam mbara, sa ma fuurina hin cam kiyo, may ka ni kay tambaɗi. Kay ɦoŋzina u li ma teteɗ ma ɓivunna, suu vi mul ma ka mbayna hin ɓeŋem kiyo, daɓ mamba hin mbay ni ko babaana na, ta ta daɓpa vi duuna ni hin di boyna kay ɓeŋ mamba.

Boy Ma Ayra Ma LUK Ɓiirimma 22:37

An dagi anaba. Boy ma ki ɓiirina vunum faɗ ki ni u anu. Asi ndumum ki ni duk suu li dla cora, ni dla mayra ay ɓiiri kanda hin li ki ni na.»