Boy Ma Ayra Ma JAŊ Ɓiirimma 18:37 - Boy Lonana

³⁷ Pilat hin dam ana, «Na ɗaŋŋi, aŋŋi mulna su?» Yesu hoŋom dira ana «Aŋ di ana anni mulna. An vuɗ hu duliyara ni a ɓakŋi dlara gasira. Sa min gasira hum dlara an daɗta.»

Boy Ma Ayra Ma JAŊ Ɓiirimma 18:37 ပူးပေါင်းရင်းမြစ်များ

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

MATIYE 27:11

Yesu fok Pilat wanni, Pilat joɓom ana, «Aŋŋi mulna vi suu Juifna su?» Yesu ana, «Aŋ di ni aŋu.»

MARK 14:62

Yesu dam ana, «Ni an ɗaŋ may. Agi hin wi Goŋ Sanna kagi kay bik Lona ma njufna ma saɓakŋa kom belna. Agi hin wam nam hoŋ ay duk ɗugulla.»

MARK 15:2

Nam joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di na.»

Boy Ma Ayra Ma LUK Ɓiirimma 22:70

Suuna halaŋ tum vunna um ana, «Ni aŋ Goŋ Lonna ɗaŋ su?» Nam dasi ana, «Di ni agi na diɗi, ni an ɗaŋ may.»

Boy Ma Ayra Ma LUK Ɓiirimma 23:3

Pilat joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di ni aŋŋa diɗi.»

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 3:32

Nam ɓakŋi dla tlege suu nam wasina may, humusina may. Sa ma vam boy mamma kaɗi.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

Boy Ma Ayra Ma JAŊ Ɓiirimma 8:14

Yesu hoŋosi dira ana, «Lini an di kay tan ni an tok lay ni, diinda ni u voɗoɗu, kayme an wi lii an col ay huna, an wi lii an hin tuɗ huna lay. Agi may ni ka wi li ma an col ay huna u li ma an tuɗ hunaɗi lay.

Boy Ma Ayra Ma JAŊ Ɓiirimma 8:45

Agi ka min tin hurugi kanɗi ni kay an di ni gasira.

Boy Ma Ayra Ma JAŊ Ɓiirimma 8:46

Sa dukugi ndak a di ana an li cora ni gege? An li di ni dlara gasira ni, agi ka tin hurugi kanɗi ni kay mege?

Boy Ma Ayra Ma JAŊ Ɓiirimma 8:47

Sa vi Lonna nam hummi boy ma vi Lonna, agi ka suu vi Lonnaɗi ni agi ndak humum boy mammaɗi.»

1 TIMOTE 6:13

Fok Lona ma ɦal iirira maŋ tlena halaŋŋa fok Yesu Kristu ma diki kay dlara jivira vi vira fok Pons Pilat, an gaɗaŋu,

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 JAŊ 2:21

Ni an ɓiirigi ha ni ka ana agi ka wi gasiraɗira naɗi, ni kay wira agi waɗu, agi wi lay ana kaboyna ka col ay hu gasiraɗi.

1 JAŊ 3:14

Aygi wi ana aygi hin maɗna ha ki tani kal ni hu iirira, aygi wi na ni kay me aygi min gorseyginara. Sa ma ana nam ka min wayammaɗina nammi fun maɗna tuwa.

1 JAŊ 3:19

Gola ni dlara ay wi taygi ana aygi ni goryoŋ gasirana, gola ni dlara aygi wi ana huruygi tini fok Lona kaɗta.

1 JAŊ 4:6

Aygi may ni vi Lona, sa ana nam wi Lona humuygi vunuygi may. Sa ma ka humuygi vunuygiɗina ay ka vi Lonaɗi. Ni u dla ndaɗta aygi ndak a ɓorow ii Musukka gasira ki ura kaboyna ni na.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

WIRA ŊGAYRA 1:4

Ni an Jaŋ maŋ suu vi Kristuna hu mbassa Azira kiɗisiya. Ko Lona ɦagi oora u heɓpa, namma ka cecemma ma li ay jewna ma hin ha fok a hin mbay tuna lay. Ko lini u minda vi Musuk Lonara kiɗisiyara fok dlam mamba mulla lay.

WIRA ŊGAYRA 3:14

Ɓii magaara maŋ sa sunda huulona vi suu vi Kristuna hu Laodise. Gola ni boyna vi sa ma diki ma ɗegeena, ma gasina sem ana, Amin. Sa ma u tlesuu Lona lasi halaŋŋa ay komma.