Boy Ma Ayra Ma JAŊ Ɓiirimma 17:3 - Boy Lonana

³ Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma JAŊ Ɓiirimma 17:3 ပူးပေါင်းရင်းမြစ်များ

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 15:3

Basara ŋgol coco suu Israelna ka wi Lo ma gasinaɗi, ka min a haɗambi lay, gaɗ kaɗi lay.

SOOLLA 9:10

Yawe ni ɦoŋzi ma saɓakŋa kay suu ka lasna, hu li ma lassa ka lasina, nam suɗusiya.

VUN ŊGOLNA 8:35

Sa ma fanna fi ni iirira, Yawe hin li oo mamba kamu.

EZAYI 48:16

Ҥuɗugi tagi ay egenu, humugi haa, ay hu gijaŋŋa day an di dla taa ka ki ŋgay gumunɗi. Hu cokira dla ndaɗta lira ni an kaa. Cemi ni Bu Suuna Yawe, sunun ay u Musuk mamba.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

MARK 9:37

«Sa vi gogoona varam ko wanna na u senna, nam van varammi anu. Sa ma van varamma, van ni ka an holɗi, vi ni sa ma sunun ayna lay.»

Boy Ma Ayra Ma LUK Ɓiirimma 9:48

dasi ana, «Sa ma vi gogona varam u sen ko ma wan na na, nam van ni anu. Sa van varamma, vi ni sa sunun ayna may. Sa dukugi ko gogona na na, ni ma ŋgolna.»

Boy Ma Ayra Ma JAŊ Ɓiirimma 10:36

Anu, Lona mananu, sunun ay hu duliyara. Agi hin di ana an ŋgul Lona ni nanage? Kay an di ana an ni Goŋ Lonna su?

Boy Ma Ayra Ma JAŊ Ɓiirimma 11:42

An wi ana aŋ humun tew tew. An di va namma ha na ni kay suu ŋguy egen wanna ni a asi tin hurusi ana aŋ sunun ay ni aŋu.»

Boy Ma Ayra Ma JAŊ Ɓiirimma 14:26

Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

Boy Ma Ayra Ma JAŊ Ɓiirimma 17:18

Ko aŋ sunun ay hu duliyara, an sunusi ni na may.

Boy Ma Ayra Ma JAŊ Ɓiirimma 17:21

An ceneŋ kay ana asi taɓ dew, a asi taɓi u ay dew ko aŋ ka hurun may, an ka huruŋ mayra na. A asi taɓ dew a suuna wi ana aŋ sunun ay ni aŋu.

Boy Ma Ayra Ma JAŊ Ɓiirimma 17:23

An u asiya, aŋ u an may, a asi li gasi dlaɓi dew a suuna wi ana aŋ sunun ay ni aŋu, aŋ minisi ko aŋ mininda na.

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

Boy Ma Ayra Ma JAŊ Ɓiirimma 17:8

Ni kayra an haɗasi boy ma aŋ danna ayna. Asi vamu. Asi wi gasi ana an col ay ni egeŋu, asi vi ana aŋ sunun ay ni aŋu.

Boy Ma Ayra Ma JAŊ Ɓiirimma 3:17

Lon sun goromma ay hu duliyara ka a ba suuna kiɗi. Nam sunum ay ni a suuna fi suɗta u namu.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

Boy Ma Ayra Ma JAŊ Ɓiirimma 5:44

Agiya, agi hal ni geleɗ magira duk tagira, geleɗta col ay kolo ko Lo ma dewna, agi ka halaɗɗi. Agi hin tin hurugi gin kay Lona ni ana mege?

Boy Ma Ayra Ma JAŊ Ɓiirimma 6:57

Bun ma sunun ayna ka iiriya, an kaki iiri ni umu, sa ma tan tliwinna kak iiri ni un may.

Boy Ma Ayra Ma JAŊ Ɓiirimma 7:29

Anu, an wamu kayme an col ay ni egemu, nam ni sa sunun ayna.»

Boy Ma Ayra Ma JAŊ Ɓiirimma 8:19

Asi joɓom ana, «Buŋŋi arage?» Nam dasi ana, «Agi ka wan anɗi lay, ka wi Bunɗi lay. Lini agi wanu ni, agi hin wi Bun may.»

1 KORINTNA 15:34

Hoŋogi ay hu gasira ko ay lira na, lagi coraɗi, suu dukugi ɦiw ni ka wi Lonaɗi an di na ni kay zolo magina.

1 KORINTNA 8:4

Boy ma namma, ni anaba, Tliw ma ɓivunna maŋ fulina na ndak a komom su? Agi wi ana hu duliyara tani ful kaɗi, Lona ka dew daŋŋi namu.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

FILIPINA 3:10

Va ma an saaramma ni kay a wi Kristu, u saɓakŋa vi paɗ mamba kolora, a taɓ hu wihaw mamba, mbuɗ ki ko nam na may hu miɗ mamma.

FILIPINA 3:8

Cecemi an gol tle asina halaŋ ko tlesuu ba kina na, kay wira wi Yesu Kristu Bu Suuna manna, ndaɗta ni mayra ŋgolla, kam nammi an vi dla mayra ba tle asina kira kanu, an gol tle asina halaŋŋ ko tlesuu tokosi kina ɦawa na kay an a fi Kristu.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

2 PIYER 1:2

Ko agi fi oora u heɓpa coco kay wira agi wi Lona u Bu Suuna mayna Yesura.

2 PIYER 1:3

Saɓak ma kolona vi Bu Suuna ɦaygi tlesuu ŋgomoygi hu iiri maygira halaŋ egem nam Lona, kay nam takaygi sa ma yaygi aygi mba taɓ u nam hu ŋgol mamba u jivi mambana.

2 PIYER 1:8

Ni agi ndak li u tlesuu asina hurugiya, lini tlesuu asina ka hurugi ŋgolo ni asi hin mbuɗugi saɓaki, zulugi u wira eg Lona Bu Suuna Yesu Kristu.

1 JAŊ 1:2

Iiri ndaɗta gi u taɗ ki sini ami waɗu, ni kay ndaɗta ami mbuɗ a suu vovoɗta kay boy namma ami ɓakagi kay iirira ka daɓ kiɗira, ndaɗ ay ni eg Buna hin gi uɗ ki irimiya.

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

1 JAŊ 2:23

Gasi sa noy Goona kina noyom ki ni Bum may, sa wi Goonana wammi Bum may.

1 JAŊ 4:6

Aygi may ni vi Lona, sa ana nam wi Lona humuygi vunuygi may. Sa ma ka humuygi vunuygiɗina ay ka vi Lonaɗi. Ni u dla ndaɗta aygi ndak a ɓorow ii Musukka gasira ki ura kaboyna ni na.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.