Boy Ma Ayra Ma JAŊ Ɓiirimma 17:23 - Boy Lonana

²³ An u asiya, aŋ u an may, a asi li gasi dlaɓi dew a suuna wi ana aŋ sunun ay ni aŋu, aŋ minisi ko aŋ mininda na.

Boy Ma Ayra Ma JAŊ Ɓiirimma 17:23 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 17:21

An ceneŋ kay ana asi taɓ dew, a asi taɓi u ay dew ko aŋ ka hurun may, an ka huruŋ mayra na. A asi taɓ dew a suuna wi ana aŋ sunun ay ni aŋu.

Boy Ma Ayra Ma JAŊ Ɓiirimma 16:27

kayme Bun u tamba minigiya, kay agi mininu, vi ana an col ay ni vi Lona.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

Boy Ma Ayra Ma JAŊ Ɓiirimma 13:35

Agi li minigi tagi duk tagiya ni, suuna halaŋ hin wi ana agi ni suu man suu haɗina.»

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

KOLOSNA 3:14

A su saɓak bella ni minda, ni dlara a taɓagi dukugi a mbuɗugi ɗegeera ni ndaɗ dew.

Boy Ma Ayra Ma JAŊ Ɓiirimma 17:26

An takaŋ ki masiya, an hin takaŋ ki olo kay a minda aŋ mininda li hurusiya, an u tanda li hurusi may.»

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

Boy Ma Ayra Ma JAŊ Ɓiirimma 14:23

Yesu hoŋom dira ana, «Sa ma mininna, hum u boy ma an damma, Bun hin minimu, Bun may an may, ami mba lak hurumu.

Boy Ma Ayra Ma JAŊ Ɓiirimma 14:10

Aŋ ka saa ana an eg Bunu, Bun egen may naɗi su? Boy ma an dagina magina halaŋŋi col ha ka kon anɗi. Bun ma hurunna li sun mamba ni namu.

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

FILIPINA 3:15

Aygi suu ki ŋgolo hu vira saa maygira mba li taɓi na dew, lini suu ɦiw dukugi saa masira ka zeɗ zeɗ ni Lona hin takagi ii boy namma kiyo.

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

Boy Ma Ayra Ma JAŊ Ɓiirimma 6:56

Sa ma tan tliwin may, can busuun may na, sa namma ka hurun may, an ka hurum may.

Boy Ma Ayra Ma JAŊ Ɓiirimma 3:17

Lon sun goromma ay hu duliyara ka a ba suuna kiɗi. Nam sunum ay ni a suuna fi suɗta u namu.

1 JAŊ 4:19

Aygi li minda kay Lona miniygi jewe.

KOLOSNA 1:28

Ni kay ndaɗta ami di ki kay Kristu maŋ suuna halaŋ. Ami neesi yasi kiyo haɗasi lay u neemba halaŋ kay colosi fok Lona ko suu ŋgolona na hu taɓpa u Kristu.

Boy Ma Ayra Ma JAŊ Ɓiirimma 10:38

Lini an laɗu ni, agi ka mininɗi lay ni, vagi u sunda an laɗta a agi wi ki anaba an ka ni hu Buna, Bun ka ni hurun may.»

Boy Ma Ayra Ma JAŊ Ɓiirimma 15:9

An minigi ko Bun mininda na, kakagi hu min manda.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma JAŊ Ɓiirimma 17:8

Ni kayra an haɗasi boy ma aŋ danna ayna. Asi vamu. Asi wi gasi ana an col ay ni egeŋu, asi vi ana aŋ sunun ay ni aŋu.

Boy Ma Ayra Ma JAŊ Ɓiirimma 17:11

An ka hu duliyara oloɗi, asi ka duk suu hu duliyarana tuwa. An tuɗ ha ni egeŋu. Bun ma teteɗna, golosi u saɓak seŋu, seŋ ma aŋ ɦannana, a asi li dew ko aŋ u an ay dewra ni na.

WIRA ŊGAYRA 3:9

Gola ni va ma an hin a lam eg suu toki u Satanna, asi ni suu kaboyna ana asi ni suu Juifna ni ka naɗi lay. An hin ɦeɓesi asi mba goɓ kaŋga fokoŋ geleɗeŋu. Asi hin wi ana an miniŋu.