Boy Ma Ayra Ma JAŊ Ɓiirimma 17:22 - Boy Lonana

²² An ɦasi bibiŋilla aŋ ɦandara wa a asi li taɓi dew ko ay taɓi dewra na may.

Boy Ma Ayra Ma JAŊ Ɓiirimma 17:22 ပူးပေါင်းရင်းမြစ်များ

MARK 6:7

Nam yi suu doogo yam mbana ay egemu, gijaŋ cukusi ki u tasi mba' mba'. Nam ɦasi saɓakŋa a dik fuli suu cona ki lay.

Boy Ma Ayra Ma LUK Ɓiirimma 22:30

Agi hin ti tina u an hu ŋgotta dewra hu Mul manda may. Agi hin kak hu dlamba mulla a kaɓakŋa maŋ dee suu Israel suu doogo yam mbana.»

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 1:16

Aygi halaŋ fi tlesuu col ay komma ni u ɦiz mamba oora ha ŋgoo dagan na gak gak olo.

Boy Ma Ayra Ma JAŊ Ɓiirimma 14:20

Buu namma ndak wa ni, agi hin wi ana an ka hu Bunu, agi ka hurun may, an ka hurugi may.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

SUNDA 5:41

Suu vovoɗta cuk ki hin suu ŋgolo suu kaɓakŋana ka tani, tuɗ ni u furira kay Lona wasi asi ndaki a li lassa u ŋgulla kay sem Yesu.

ROMMA 8:30

Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

EFESNA 2:20

Agi ni suu mini kolo kay u zira suu vovoɗta u suu jok vun Lona tiniɗta, ɦini mayra garaŋga col zira eŋga ni Yesu u tamba gaw.

FILIPINA 1:29

Lona ɦagi oora ana agi suu sunda vi Kristuna ka kay vira vi umba holɗi ni kay agi mba fi lassa um lay.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

1 JAŊ 3:24

Sa hum u gaɗta vi Lona nammi hu Lon may, Lona hurum may. Gola ni va ma aygi wi ana Lon ka huruygiyana aygi wi ni u Musuk Lonara nam ɦaygira ka huruygira.

1 JAŊ 4:17

Lini minda pasiyakka ka huruygiya ni aygi ka li ndaa hu buu ma kaɓakŋaɗi kay iiri maygira hu duliyara ni ko iirira vi Yesu Kristu na.

WIRA ŊGAYRA 21:14

U gulumunna gii ni kay ɦinira doogo yam mba'. Ҥini ndaɗta sem suu vovoɗta vi Goo Timiina ka ɓiiri kayam doogo yam mba'.