Boy Ma Ayra Ma JAŊ Ɓiirimma 17:11 - Boy Lonana

¹¹ An ka hu duliyara oloɗi, asi ka duk suu hu duliyarana tuwa. An tuɗ ha ni egeŋu. Bun ma teteɗna, golosi u saɓak seŋu, seŋ ma aŋ ɦannana, a asi li dew ko aŋ u an ay dewra ni na.

Boy Ma Ayra Ma JAŊ Ɓiirimma 17:11 ပူးပေါင်းရင်းမြစ်များ

SOOLLA 79:9

Njun umiya Lona, sa ma suɗumina. Kay a suuna ŋgaaŋ seŋu. Buɗumi kiyo, bulumumi coomira kiyo a ami ŋgaaŋŋi seŋu.

VUN ŊGOLNA 18:10

Sem Yawe ni zi mayra mini eŋ coco ta ŋgayra. Suu ɗegeena ŋgay tasi huwa ni suɗ kiyo.

EZAYI 27:3

An, Yawe, ni sa ma juɓum umma, an lam mbona um tew tew lay, ka hinim a suuna ɓalakam kiɗi. Njeŋge lay, faali lay, an golomu.

EZAYI 64:2

Lini aŋ a li dlara mbuɗ mbuɗta ka juɓbira ni na daŋ may, aŋ cuk seŋ ay kaŋga ni ɦinira halaŋ geŋeɗa.

JEREMI 14:21

U seŋ ma saɓakŋa ɦayna, aŋ noyomi kiɗi. Mbuɗ saɓak mul maŋga ki maŋiɗi. Hin galamba li dukuygiya. Aŋ ɓeŋeɗ kiɗi.

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

EZEKIYEL 20:22

Na may an hin li ka naɗi ni kay sen anu, kay ana asi ka mbuɗ ki lalas duk njaf suu ɦawanaɗi, ii suu may suu an cukusi ay ki dukusinaɗi lay.

EZEKIYEL 20:44

Agi hin wi ki ana anni Yawe. An lagi dlara egegi na ni kay senu, ni ka kay dlaagira cora ɦawaɗi lay agi suu Israelna. Di ni Bu Suuna, Yawe.»

EZEKIYEL 20:9

Na may an hin li ka naɗi ni kay sen anu. Kay ana asi ka mbuɗ ki lalas ii njaf suu ɦawana suu asi cuki dukusi wannaɗi. An tak tan ki irisiya, ki duk njaf suu daŋŋa halaŋ. An cukusi ay ki hu mbassa Egiptera.

MATIYE 10:16

«Humugi jiviya. An sunugi ha ni ko timigiina duk bosokona na. Lagi neeyra ko guygina na, ɗili ko gugukka na may.

MATIYE 5:48

Lagi pasiyak ko Bugi ma kolo huulona pasiyakka na may.»

MATIYE 6:9

Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

Boy Ma Ayra Ma JAŊ Ɓiirimma 13:1

Hu buu namma ni jew luu ma Pakŋa. Yesu wi ana fat mayra nam hin suu hu duliyarana ka ta, tuɗ kolo eg Bum Lonara, ndakiya. Nam min suu mam suu hu duliyara cocoo. Nam minisi na gak gak tew ki u ndaɗta.

Boy Ma Ayra Ma JAŊ Ɓiirimma 13:3

Yesu wi ki kam ana nam u tamba ay ni vi Lona, nam hin hoŋ ki egemu a Lona ɦam tlena halaŋ komu.

Boy Ma Ayra Ma JAŊ Ɓiirimma 14:20

Buu namma ndak wa ni, agi hin wi ana an ka hu Bunu, agi ka hurun may, an ka hurugi may.

Boy Ma Ayra Ma JAŊ Ɓiirimma 16:28

An col ay ni vi Lona, mba kaŋga hu duliyara, cecem wanda ni, an hin duliyara hoŋ kolo eg Bunu.»

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

Boy Ma Ayra Ma JAŊ Ɓiirimma 17:23

An u asiya, aŋ u an may, a asi li gasi dlaɓi dew a suuna wi ana aŋ sunun ay ni aŋu, aŋ minisi ko aŋ mininda na.

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

Boy Ma Ayra Ma JAŊ Ɓiirimma 17:6

«Suu aŋ manasi ay ki duk suu hu duliyarana, ɦansina, an takaŋ ki masi wa. Asi li ay ni maŋsina, aŋ ɦansina, asi hum u boy maŋŋa.

Boy Ma Ayra Ma JAŊ Ɓiirimma 7:33

Yesu dasi ana, «An kak u agi ew, ŋgoo dagan ni, an hin hoŋ eg sa sunun ayna.

SUNDA 3:21

Cecemi wanni Yesu Kristu kak ha kolo huulona a juɓ buu ma tlena halaŋ hin mbuɗ ki wilina tuwa. Ko Lona di kam jew u vun suu jokom vunumma na.

ROMMA 12:5

Na may aygi bolow lay ni taɓi dew hu Kristu, aygi halaŋ taɓi ni eg taygiya gege gegelay hu tara dewra.

ROMMA 9:17

Lona di maŋ Faraw, mul ma Egiptena, hu Boy ma Ɓiirina ana «An kakaŋ a mulna a takaŋ saɓak manna, a suuna kay ndaŋgara halaŋ mba wan sen kiyo.»

1 KORINTNA 1:10

Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay.

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

EFESNA 4:4

Mbalatara dew, Musukka dew may juɓpa dew may, ta Lona yaygi ay u ndaɗta.

FILIPINA 2:9

Ni kay ndaɗta Lona tlam hu li ma kolo dayna, ɦam semma ŋgolna su semma halaŋŋa.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 9:24

Kay Kristu kal ka ni hu zi ma sa warna minim u komma a tak ki kay dlara gasiraɗi, nam kalni huulona tamba gaw a tak tam ki fok Lona ni kaygiya.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

1 JAŊ 3:12

Aygi ka a li ko Kain naɗi, nammi vi sa cona ci wayamma kiyo, nam cam ki ni kay mege? Ni kay me sunda Kain laɗta tew tew ni coo. Sunda vi wayammara li ɗegee may.

1 JAŊ 5:19

Aygi wi ana aygi ni vi Lona, duliyara hin halaŋŋi hu duk ko Sa Cona may.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

WIRA ŊGAYRA 15:4

Sa ma laŋ ndaaraŋgina ni gege Bu Suuna? Sa ma min geleɗeŋgina ni gege? Aŋ dew ni sa ma teteɗna, njaf suuna halaŋ hin mba goɓ kaŋga fokoŋ a ceneŋga, kay sun maŋga ɗegeera tak ki wa.»

WIRA ŊGAYRA 19:12

Irim weleɗ ay ko kura na, jumba mulla iriɗ kam bolowo, semma ɓiiri kamma sa ka wambi, wammi nam dew.

WIRA ŊGAYRA 4:8

Tlesuu iiri asina ma dewna garaŋam karkiya, karkiya. Asi u iira hurusi bari kurufu lay, egesi lay. Asi gi soolla ni na tew tew faali lay njeŋge lay, «Teteɗna, teteɗna, teteɗna Bu Suuna, Lona, ma Saɓakŋa Kom Belna. Ma ay jewna. Ma ka cecemina. Ma hin mbana.»