Boy Ma Ayra Ma JAŊ Ɓiirimma 16:28 - Boy Lonana

²⁸ An col ay ni vi Lona, mba kaŋga hu duliyara, cecem wanda ni, an hin duliyara hoŋ kolo eg Bunu.»

Boy Ma Ayra Ma JAŊ Ɓiirimma 16:28 ပူးပေါင်းရင်းမြစ်များ

Boy Ma Ayra Ma LUK Ɓiirimma 24:51

Nam paɗ vunum kasi na ni dukum ɓorow u asi gaw gaw tuɗ kolo huulona.

Boy Ma Ayra Ma LUK Ɓiirimma 9:51

Buu ma Yesu a tuɗ kolo huulona ndak ndakŋi, nam min a tuɗ Yerusalem.

Boy Ma Ayra Ma JAŊ Ɓiirimma 13:1

Hu buu namma ni jew luu ma Pakŋa. Yesu wi ana fat mayra nam hin suu hu duliyarana ka ta, tuɗ kolo eg Bum Lonara, ndakiya. Nam min suu mam suu hu duliyara cocoo. Nam minisi na gak gak tew ki u ndaɗta.

Boy Ma Ayra Ma JAŊ Ɓiirimma 13:3

Yesu wi ki kam ana nam u tamba ay ni vi Lona, nam hin hoŋ ki egemu a Lona ɦam tlena halaŋ komu.

Boy Ma Ayra Ma JAŊ Ɓiirimma 14:28

Agi humugi ana an dagi ana an tuɗa, hin hoŋ ay egegiya. Agi li mininu ni, agi hin li furira kay wan ki ana an tuɗ eg Bunu, nammi ŋgol suunu.

Boy Ma Ayra Ma JAŊ Ɓiirimma 16:10

Asi viɗ tasi kay tlesuu ɗegeena ni kay an tuɗ eg Bunu, agi hin ka wan oloɗi.

Boy Ma Ayra Ma JAŊ Ɓiirimma 16:16

«Kakŋa ew ni, agi ka wan oloɗi, ŋgoo dagan ew ni, agi hin wanu.»

Boy Ma Ayra Ma JAŊ Ɓiirimma 16:30

Cecemmi ami wi ana aŋ wi tlena halaŋ. Ami ndak ka a joɓoŋ kay va joɓi oloɗi. Kay ndaɗta, ami vi ana aŋ col ay ni vi Lona.»

Boy Ma Ayra Ma JAŊ Ɓiirimma 16:5

Cecem wanda an tuɗ ni eg sa sunun ayna, sa dukugi ma joɓon ana, Aŋ tuɗ ni arage kaɗi.

Boy Ma Ayra Ma JAŊ Ɓiirimma 17:11

An ka hu duliyara oloɗi, asi ka duk suu hu duliyarana tuwa. An tuɗ ha ni egeŋu. Bun ma teteɗna, golosi u saɓak seŋu, seŋ ma aŋ ɦannana, a asi li dew ko aŋ u an ay dewra ni na.

Boy Ma Ayra Ma JAŊ Ɓiirimma 17:13

Cecem wanda, an tuɗ ha ni egeŋu. An ɓak na ni kay an ka hu duliyara tura, a furi manda hin ka hurusi ŋgolo.

Boy Ma Ayra Ma JAŊ Ɓiirimma 17:5

Cecemmi Bunu, ɦan ŋgolla fokoŋu ta aŋ ɦanda ay jew bay duliyara min tura.

Boy Ma Ayra Ma JAŊ Ɓiirimma 8:14

Yesu hoŋosi dira ana, «Lini an di kay tan ni an tok lay ni, diinda ni u voɗoɗu, kayme an wi lii an col ay huna, an wi lii an hin tuɗ huna lay. Agi may ni ka wi li ma an col ay huna u li ma an tuɗ hunaɗi lay.

Boy Ma Ayra Ma JAŊ Ɓiirimma 8:42

Yesu dasi ana, «Lona lini Bugi gasagi ni, agi hin mininu, kay an col ay ni eg Lona, mba ni kay dlaamba. An mba ka kay tanɗi nam sunun ay ni namu.