Boy Ma Ayra Ma JAŊ Ɓiirimma 16:21 - Boy Lonana

²¹ Hu li ma cara tiliɗ ndak wa a vuɗta ni, ndaɗ yoo taɗ coco kay ndaɗ wi ana buuruɗ ma wihawra hin tok. Ndaɗ vuɗwa ni, humuɗ maa ki kay wihaw maɗta gaw. Ndaɗ li ayra kay gooɗ ma ndaɗ vuɗum wilina.

Boy Ma Ayra Ma JAŊ Ɓiirimma 16:21 ပူးပေါင်းရင်းမြစ်များ

URA TIN AYRA 3:16

Yawe Lona di cara ana, «Ndak hin vi wiina wani wi hawra cocoo, ndak hin vuɗ goryokŋi u lassa. Saa makka halaŋ tokŋi kay njufuku, nam hin lini a ŋgol makka.»

JOB 11:16

Li wa na ni humuŋ hin maa ki kay las maŋga, aŋ hin goloɗ ni ko ndal mbona jak ɓaɗnara ɦawa na.

SOOLLA 113:9

Cara ka vuɗɗira nam mbuɗuɗ ki a cara zina, ndaɗ mbuɗ ki a su kemba hu ziiɗu. Halleluya.

EZAYI 13:8

Asi halaŋ ndaana vasi ki cocoo. Asi huruf gaa las coco ko ndaana, asi mbuɗ goɓira ga ko boyogina a li sundara na. Asi gol ii tasi na welek welek ko ndaana. Vogosi mbuɗ ko asi tii tiiri na.

EZAYI 21:3

Dlara an waɗta ura an humuɗta lan tan ndaa cocoo. Dla ndaɗta tan tan ko ndal cara ndak ki a vuɗtara na. An cemi vun digin ɓigin cocoo kay an hum boy nammara, ndaana lan coco lay.

EZAYI 66:7

Jew a gijaŋ tii tara vuɗta ni ndaɗ vuɗ goona, jew hu li ma ti tara a mba kaɗna ni ndaɗ vuɗ go njufna.

MISE 4:10

Mbusuk ko ti tara hin gurniya, goora vi Siyon, ko ndal cara a vuɗta na kay cecem wanda ndak hin kal ki hu zina, ndak hin kak ki hu senena, ndak hin tuɗ ta ta tew Babilon, ndak hin fi buɗta ni hu li namma, hu li namma Yawe hin buɗuk ay ki ko suu babali maksina.

MISE 4:9

Cecem wan daŋga ndak yi kolo u delek eŋga ni kay me tuge? Mul ha ka vo varakgi su? Sa ma gaɗakŋa viɗ ki wa su, ti tara fak cecem wanda ko ndal cara a vuɗta na ɗaŋgi su?

GALATENA 4:27

Kay magaara di anaba, «Furiya ndak ca mayra vuɗ goo kaɗira, sawalla furira, ndak ca mayra fi wihawra vi vuɗta kaɗira, kay goryoŋ cara hiniɗ kira ka ŋgol su cara u njufuɗta.»

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.