Boy Ma Ayra Ma JAŊ Ɓiirimma 16:11 - Boy Lonana

¹¹ Asi viɗ tasi kay ɓakŋa vi Lona ni kay mulna vi duliyara ɓakŋa ki kaay kam da.

Boy Ma Ayra Ma JAŊ Ɓiirimma 16:11 ပူးပေါင်းရင်းမြစ်များ

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

SOOLLA 68:18

Lona u pus pus ma kulumi suu duuna bolow ka ndumbi, nam ka mbay hu Sinay, hu Ziiŋ ma Teteɗna.

MATIYE 12:18

«Lona di ana, Gola ni sa an manam kay sun mandana. An minim cocoo, hurun furi kam may. An hin sirim Musuk manda ay kamu. Nam hin di dla kaɓak manna ki maŋ suuna halaŋ.

MATIYE 12:36

An dagi anaba, Hu buu ma kaɓakŋa Lona hin joɓ suuna kay dlara dawira asi njaɗaɗta halaŋ.

Boy Ma Ayra Ma LUK Ɓiirimma 10:18

Yesu dasi ana, «An wi Satan ay kolo huulona ndi ay kaŋga weleɗ ko kura na.

Boy Ma Ayra Ma JAŊ Ɓiirimma 12:31

Cecemmi, suu hu duliyara wanda ii ɓak masina hin ka kiyo. Cecemmi mul ma hu duliyara hin a dik ki lay.

Boy Ma Ayra Ma JAŊ Ɓiirimma 14:30

Cecemmi, an hin ka ɓak u agi ŋgol oloɗi. Mul ma hu duliyarana mba wa. Saɓak mamma ka tew egenɗi.

Boy Ma Ayra Ma JAŊ Ɓiirimma 16:12

«Tlen kon coco a dagiya, cecemmi agi ndak ka a ziirisi bel tuɗi.

SUNDA 10:42

Nam cukumi ana ami di ki maŋ suuna halaŋ, dasi ana nammi sa ma Lona colom a kaɓakŋa kay suu iirina u suu miɗina.

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

ROMMA 16:20

Lona malaŋ heɓpa hin tay Satanna ki kaŋga fokogiya. Ko oora vi Bu Suuna mayna Yesu kak u agiya.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

KOLOSNA 2:15

Hu gu garakŋa vi Kristu, Lona tli saɓakŋa u ŋgolla vi fuli suu cona kiyo, mbuɗusi ki zolona fok suuna ko suu daŋgayna na, kay goromma ti wa.

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

HEBRENA 6:2

Haɗ kay batemma zeɗ zeɗna, tinda tin kona kay suuna, di boy ma kay paɗta kolora vi suu miɗina, u ɓak ma ka daɓ kiɗina.

HEBRENA 9:27

Suuna halaŋ ki ŋgaɓi a miɗ sesi dew, ŋgoo dagan ni kaɓakŋa vi Lona may.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.