Boy Ma Ayra Ma JAŊ Ɓiirimma 15:4 - Boy Lonana

⁴ Lagi taɓi dew u anu ko an taɓi dew u agira na may. Ko gorgor gugutlura vaydaɗni ka vuɗ bay sokoɗ uɗɗi, ni na. Lini agi ka taɓi u anɗi ni, agi ka vuɗɗi.

Boy Ma Ayra Ma JAŊ Ɓiirimma 15:4 ပူးပေါင်းရင်းမြစ်များ

SOOLLA VI SALOMON 8:5

«Sa ma tuɗ ay ŋgoo bagi hu fulla kom gii kel banamba cowna ni gege?» U ŋgus moŋgora an dliɗiŋ ki koloo, hu li ma suŋ vaŋ wiiriŋ huna, hu li ma vi wii cara vuɗuŋga huna.

Magaara Vi Sa Jok Vun Lona OZE 14:8

Asi hin hoŋ aya, suu li ay kaki u ŋgusuɗna, asi hin holoŋ wana zumma, asi hin hoŋ ɦussa ko ndal gu gugutlura na. Asi hin ɓak kaɗ ko ɓak kay sum veŋ ma Libanna na.

MATIYE 12:33

«Pi gu ma jivina wani, nam vuɗ ni jivi may. Ma cona vuɗ co may. Ay wasi ni u vuɗusiya.

Boy Ma Ayra Ma LUK Ɓiirimma 8:15

Ii njaf ma waɗ kay ndaŋgara jivira ni suu hurusi ndaki, jiviya hum Boy ma vi Lona, li umu, vam hurusi lay, tuɗ fok u nam gak gak. Boy namma zul hurusi coco may.»

Boy Ma Ayra Ma JAŊ Ɓiirimma 14:20

Buu namma ndak wa ni, agi hin wi ana an ka hu Bunu, agi ka hurun may, an ka hurugi may.

Boy Ma Ayra Ma JAŊ Ɓiirimma 17:23

An u asiya, aŋ u an may, a asi li gasi dlaɓi dew a suuna wi ana aŋ sunun ay ni aŋu, aŋ minisi ko aŋ mininda na.

Boy Ma Ayra Ma JAŊ Ɓiirimma 6:56

Sa ma tan tliwin may, can busuun may na, sa namma ka hurun may, an ka hurum may.

Boy Ma Ayra Ma JAŊ Ɓiirimma 8:31

Yesu di suu Juif suu tin hurusi kamma ana, «Lini agi tin hurugi kay haɗ manda ni, agi hin mbuɗ a suu haɗi mansina.

SUNDA 11:23

Nam tew egesi tewni, wi ana Lona paɗ vunum ki kay suu vina ni nam furi ɦay, soosi hurusiya, a asi kak ɗegee u hurusi toki dew kay Bu Suuna.

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

2 KORINTNA 13:5

Gologi tagi u tagira kay wi anaba agi ka kaki ni hu vira su? Agi wi tagi ana Yesu Kristu ka hurugiya naɗi su? Agi gol tagi a tukka mba hoŋ kagiɗi.

GALATENA 2:20

An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.

EFESNA 3:17

A Kristu mba kak hurugi u vira a sariyagi ŋgaa ki kaŋga eŋ coli hu minda.

FILIPINA 1:11

Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

KOLOSNA 2:6

Agi vagi hurugi ana Yesu ni Bu Suuna kakagi hu taɓpa u namu.

1 TESALONIKŊA 3:5

Kay ndaɗta an sun Timote ha egegi ni a hum dla viigira. An li ndaana ana Satanna ndemegi ki a baami sun mamira ki ɦawaɗi.

HEBRENA 10:39

Aygi ka duk suu hoŋ ki dagan hin ba kinaɗi. Aygi ni duk suu vina ka hu voɗta suɗta.

1 JAŊ 2:6

Sa di ki u vunum ana nammi hu Lona li ko Yesu li hara na may.

2 JAŊ 1:9

Lini gegelay ka tuɗ kay cee haɗta vi Kristuraɗi, li zaŋ irim ki na ɗow ni Lona ka hurumbi. Sa tuɗ kay cee haɗ ndaɗtana Goona u Buna ka hurum jak.