Boy Ma Ayra Ma JAŊ Ɓiirimma 15:18 - Boy Lonana

¹⁸ «Suuna noyogi ki wa ni, agi wi kagi ana asi noyon ay ki jewe.

Boy Ma Ayra Ma JAŊ Ɓiirimma 15:18 ပူးပေါင်းရင်းမြစ်များ

1 JAŊ 3:13

Gorsenna lini suuna noyogi ki lay ni haɗagi hurugi kay boy nammaɗi.

Boy Ma Ayra Ma JAŊ Ɓiirimma 7:7

Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

Boy Ma Ayra Ma JAŊ Ɓiirimma 3:20

Suu li dla cora ka min a mbay ki hu kiɗikkaɗi. Asi li ndaana ana suuna hin wasi dlaasira cora.

MARK 13:13

Suuna halaŋ hin tinigi ira ki kanu. Sa ma tin hurum kan na din din, faɗ ha ki na faɗ na, nam hin suɗ kiyo.»

Boy Ma Ayra Ma LUK Ɓiirimma 6:22

«Furira ka kagiya, agi suu suuna noyogi kina, ŋgulugi lay, gologi ko suu puluɗina na kay sem Goŋ Sana.

MATIYE 10:22

Suuna halaŋ hin tinigi ira ki kanu. Sa ma tin hurum kanna din din na, faɗ ha ki na faɗ na, nam hin suɗ kiyo.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

MATIYE 5:11

«Furira ka kagiya lini suuna ŋgulugiya, lasagiya, lagi ŋgeŋŋa u ka boyna kagiya, kayra agi ni suu mansinara.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

1 JAŊ 3:3

Lini gegelay ma tin hurum kay Kristuna, nam hin mbuɗ ki teteɗ ni ko nam na may.

EZAYI 53:3

Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

MATIYE 24:9

«Suuna hin vagi lasagiya, cagi maɗna may. Suuna halaŋ hin noyogi ki kay senu.

EZAYI 49:7

Yawe di ana, sa ma buɗ suuna kina, ma Teteɗ ma vi suu Israelna, nammi sa ma suuna noyom kina, suuna halaŋ golom ko sa ma puluɗiina na, lasam cocoo. Mulina hin wam wa ni hin yow kolo fokomu. Ni kay Yawe ma ɗegeena. Ni kay ma teteɗ ma vi suu Israelna ma manaŋŋa.

ZAKARI 11:8

Na ɗaŋŋi an ci suu taa yoori suu hindina ki hu til ma dewna. An viɗ siɓpa ki u asi may, asi may ni hinin ki gaw.

VUN ŊGOLNA 29:27

Suu ɗegeena pan suu li dla cora. Suu li dla cora pan suu ɗegeena may.

EZAYI 66:5

Humugi boy ma vi Yawena haa, agi suu lam ndaa boy mammana, gorsegi suu li gonokka u agina, suu dikigi ki kay senna, asi di ana, Yawe tak bibiŋil mamba ay ɗaŋgi su, ami wagi ki agi su ki kami ɗaŋ. Na may asi suu asina hin hom yasi gaa.

Boy Ma Ayra Ma JAŊ Ɓiirimma 16:1

«An dagi boy namma ha ni a agi viɗ hurugi ma tini kanna kiɗi.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»