Boy Ma Ayra Ma JAŊ Ɓiirimma 15:16 - Boy Lonana

¹⁶ Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.

Boy Ma Ayra Ma JAŊ Ɓiirimma 15:16 ပူးပေါင်းရင်းမြစ်များ

URA TIN AYRA 18:18

Abraham hin mbuɗ ni njaf ma ŋgolna, saɓak coco lay. Njaf suu kay ndaŋgarana halaŋ hin fi paɗvunna ni umu.

SOOLLA 145:4

Njaf suu daŋ varaka ni ka ŋgaaŋ sun maŋga tew tew, asi ka takaŋ sun maŋga aŋ laɗ u bik koŋga kiyo.

SOOLLA 71:18

Lini an mbuɗ ki maa lay, yan mbuɗ ki haɓ lay ni, aŋ Lona noyon kiɗi. Ko an di dla sun maŋga aŋ laɗ u bik koŋga ki maŋ njaf suu dagan wanna may.

VUN ŊGOLNA 11:30

Sa ma ɗegeena vuɗ mamba ni gu ma vi iirirana. Suu wi dlara hin vi suu daŋŋa.

EZAYI 27:6

Hu basara ha fokka suu Yakobma sariyasi hin kal kaŋgaa, Israel mbuɗ ɓo na mbuguk mbuguk asi hin vuɗa, vuɗusi hin oy ki hu duliyara halaŋ halaŋ.

MISE 5:7

Kay ndaɗta suu vi Yakob suu usi hinna hin li ni duk mbassa bolowra, duk suu bolowna ko ndal dlona duk mbuuri suu duk gurana na, ko ndal goo dlona duk timigiina na, nam jak dukusiya, tayasi kaŋgaa, casi kiyo, sa ka hin ndak a buɗusi kiɗi.

MATIYE 21:22

Hurugi li vii kanu ni, tlesuu agi joɓosina u cenda ni, agi hin fasi halaŋ.»

MATIYE 7:7

«Joɓogiya, agi hin fiya, halagiya, agi hin fi lay. Cagi vun goŋga, asi hin malagi lay.

Boy Ma Ayra Ma LUK Ɓiirimma 6:13

Maɗiira fo foni, nam yi suu haɗi mamsina egemu, man suu doogo yam mba', yasi ana suu vovoɗta.

Boy Ma Ayra Ma JAŊ Ɓiirimma 13:18

«An ɓak ha na ni, ka kagi halaŋgi, an wi suu an ŋgaɓasina. A ndaɗta may ni, a faɗ ki ni vun ɓiira dira ana, Sa ma tan fuuna na mbuɗ um kan lan yara.

Boy Ma Ayra Ma JAŊ Ɓiirimma 15:19

Agi li ni maŋ suu hu duliyarana ni, asi hin minigiya, kayme agi ki ni masisina. An ŋgaɓagi ay ni anu, ɓaɗagi ay ki ko suu hu duliyara na ni agi ka masi oloɗi. Ni kay ndaɗta, suu hu duliyarana noyogi ki, ni na.

Boy Ma Ayra Ma JAŊ Ɓiirimma 15:5

«Anni gugutlura, agi ni gorgor kona. Sa ma taɓi egenna ni ma an taɓi u namma may. Nam hin vuɗ cocoo. Agi ndak ka a li va bay anɗi.

Boy Ma Ayra Ma JAŊ Ɓiirimma 6:70

Yesu hoŋosi dira ana, «An ŋgaɓagi doogo yam mba' ni ka anɗi su? Maa dukugi dew ni fulina.»

SUNDA 1:24

Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina,

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

SUNDA 10:41

Nam tak tammi ka ii suuna halaŋgi, ni irimi ami suu nam manami ana ami ni suu diki kamma. Hu li ma Lona colom ki kolo hu miɗna iirina, ami ti u nam lay, ci u nam lay.

SUNDA 22:14

Nam di ana, Lona vi somoyomi manaŋ ki fok jew a aŋ wam min mamba, a aŋ wi ma Ɗegeena, aŋ hum nam daŋ ay ni u vunum gaw.

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

ROMMA 1:13

Gorsenna an min ana agi wi anaba an tew tew min a tuɗ varagiya, na may gak gak cecemi an bay fi voɗta tuwa, an min ana sun manda mba li va ma jivi dukugiya, ko li duk njaf suu hiŋŋa na may.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

ROMMA 9:21

Sa ma min doyna ndak a li va ma nam min lam u luɓuna ni namu. U luɓu namma nam ndak a min doy ma saɓakŋa hin min ma ɦawana lay.

1 KORINTNA 10:11

Yoo mayra ndaɗta mbay kasi ni kay a takasi ki maŋ suu hiŋŋa, boy namma ɓiirim ay ni kay a neeygi aygiya, kay aygi cecemi fun daɓpa hin tok.

GALATENA 1:15

Lona u min mamba manan ay ki jew bay an vuɗa kay a sunumu.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

KOLOSNA 1:6

Boy ma Ayra njay kiyo, mbaa paɗvunna ki hu duliyara halaŋ, ko nam li ay dukugi jew day hu buu ma agi hum kay oora vi Lona, wagi gasi ndaɗta lay.

1 TIMOTE 2:7

Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.

2 TIMOTE 1:11

Lona tinin a an di Boy ma Ayra namma kiyo an ni sa vovoɗta a haɗ suuna may.

2 TIMOTE 2:2

Va ma aŋ humum funun an dam maŋ suu molina, dam ki maŋ suu tin hurusi kay boy namma, suu ki ndaki a hin haɗ ndarayasi suu daŋŋa mayna.

TITTA 1:5

An hiniŋ hu Kret a aŋ daɓ tlesuu hiŋŋa ki u voɗosiya, aŋ tin suu neeyna fok suu vina hu ɦoŋzi ŋgolona halaŋ. Humuŋ maa kay haɗta an haɗaŋgaɗi.

HEBRENA 11:4

U vira Abel li ɓivun ma jivina maŋ Lona su ma vi Kainna. Lona di kam ana nammi sa ma ɗegeena ni kay viimba. Lona u tamba di ki jivi kay ɦal mamba. Nam ki miɗi lay ni cecemi Abel ka ɓak tuwa.

Magaara JAK Ɓiiriɗta 3:18

Suu min heɓpa egesina zaa ni heɓpa may. Va ma asi hin a famma ni iiri mayra ɗegeera.

1 PIYER 3:15

Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma.

1 PIYER 3:2

Asi wagi poy magira jivira u lira agi lasi zoloosira.

1 JAŊ 4:10

Lon tak min mamba ki ni ko ndaɗta na, aygi min Lona ay jewni ka aygi na ɗowɗi. Lona miniygi ay jewni namu nam sun goromma ay ana nam bulumuygi cooygira ki u ɓivun mamma.

1 JAŊ 4:19

Aygi li minda kay Lona miniygi jewe.