Boy Ma Ayra Ma JAŊ Ɓiirimma 15:1 - Boy Lonana

¹ «Anni gugutlura gasira. Bun ni sa may ma horokoɗna.

Boy Ma Ayra Ma JAŊ Ɓiirimma 15:1 ပူးပေါင်းရင်းမြစ်များ

SOOLLA VI SALOMON 7:12

Mbaya, galanna, tuɗuy ki poyra ɦoŋzina, tuɗ buuri ha ki hu ɦoŋzina.

EZAYI 4:2

Hu li namma ni Yawe hin day ii ŋgusna koloo, humum ɗuf lay. Ŋgus namma suuna hin ŋgaam cocoo, vuɗ dlara hu mbas ndaɗtara hin li ni furira u ayra maŋ u suu Israel suu hin ndena.

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

JEREMI 12:10

Bolow suu taa suuna ɓeŋen gugutlu manda kiyo, tayan sene manna ki kaŋga u sesiya. Sene man ma jivi namma asi mbuɗum ki fulla, va ka huɗira.

JEREMI 2:21

An pakŋi anu. Goo ŋgus gugutlura an manaɗta. Ko gu ma eg liimma na. Ndak hin mbuɗ ki ko gugutlura cora, vuɗuɗ ci suuna. Sa ka waɗɗira na ni nanage?

EZEKIYEL 19:10

«Suŋŋi ko ndal gugutlu ma pi fun mbonana na. Ndaɗ vuɗ coco lay, humuɗ ɗufi jivi coco ɦay lay. Kay ana mbona uɗ ŋgol cocoo.

Magaara Vi Sa Jok Vun Lona OZE 10:1

Israel gugutlu mayra mbiira ɦayra, vuɗ coco ɦay lay. Vuɗuɗ zul ha fok zuli na ɗow ɗow may, ndaɗ zul otel ma li ɓivunna zuli na ɗow ɗow may. Ndaŋga maɗta li tlena coco may, ndaɗ zul gogoyra ceɗta zuli na ɗow ɗow.

ZAKARI 3:8

Hum haa, Josuwe, mul ŋgol ma li ɓivunna, aŋ u ndaryaŋ suu ka moli fokoŋŋa, suu asina ni va ma takka, An ka hoŋ saan ma sunda aya ma yam ana, gogor guna na.

MATIYE 15:13

Nam dasi ana, «Guguni suu Bun ma kolo huulona pasi kaɗi na halaŋŋi, hin paɗ kiyo.

MATIYE 20:1

«Agi gola Mulla huulonara tli taɗ ni ko me na ge? Ndaɗ ni ko malaŋ senena kal ki maɗii feɗet a yow suuna a li sunda hu sene mammara na.

MATIYE 21:33

«Humugi ndal boy ma daŋŋa. Sana li senena li ni, dlaɓam yamu, vek zulla a em gugutlura, nam vi mbutluɓma duku. Nam cuk suuna ka hu sene mamma ca ni, tuɗ hu li daŋŋa.

MARK 12:1

Yesu gijaŋ ɓak suuna u ndal boyna ana, «Sana li senena li ni, dlaɓam yamu, vek zulla a em gugutlura, nam pi mbutluɓma duku. Nam a tuɗ hu li ma daŋŋa wanni, ɦam ka maŋ suuna ana asi lam kaa.

Boy Ma Ayra Ma LUK Ɓiirimma 13:6

Yesu tinisi ndal boy hiŋŋa ɗaŋi ana, «Sa ma dew tulumma duk sene mamma, nam mba a halam vuɗumu, ka fam vuɗum huɗi.

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

Boy Ma Ayra Ma JAŊ Ɓiirimma 1:9

Boy namma ni kiɗikka gasira, mbay hu duliyara a li kiɗikka kay suuna bel.

Boy Ma Ayra Ma JAŊ Ɓiirimma 15:2

Koma egen ka vuɗɗi na, nam kaam kiyo. Nam carak kom ma hiŋŋa ki lay a nam dla gorgora vuɗ vuɗta jivira may.

Boy Ma Ayra Ma JAŊ Ɓiirimma 6:32

Yesu hoŋosi dira ana, «An dagi ni u voɗoɗu, Moiz ɦagi funa ni ka nambi. Bun Lona ɦagi fu ma gasi ma col ay kolo huulona, ni namu.

Boy Ma Ayra Ma JAŊ Ɓiirimma 6:55

Tliw tan ni fu ma ti ma gasina, busuun ni va ci ma gasina may.

ROMMA 11:17

Suu Israelna ni ko gu conora sana zumuɗ uɗta na, gorgor koɗ ma ɦiw ay ki kaaya, aŋ sa ma ka hu njafna vi suu Juifnaɗina aŋŋi gorgor cono mayra daŋga paɗ fun ndarayaɗnara, aŋ ki cecemi taɓi u ndaɗ cono mayra sana zumuɗ uɗta dew.

1 KORINTNA 3:9

Ami ni suu li sunda ko tami u Lona, agi ni senena vi Lona. Zii minina vi Lona may.

1 JAŊ 2:8

Na ni an ɓiirigi ni gaɗta wilira, gaɗ ndaɗta tak gasi maɗta ki ni eg Kristu egegi may, lii ndufunna jak ki wa kiɗikka hin ni ndaɗu.