Boy Ma Ayra Ma JAŊ Ɓiirimma 14:6 - Boy Lonana

⁶ Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 14:6 ပူးပေါင်းရင်းမြစ်များ

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

Boy Ma Ayra Ma JAŊ Ɓiirimma 1:4

Iirira col ay ni hu Boy namma, iirira ɦal kiɗikka maŋ suuna.

Boy Ma Ayra Ma JAŊ Ɓiirimma 10:28

An ɦasi iirira ka daɓ kiɗira, asi ka miɗ oloɗi lay. Sa ma ɓaɗansina ki kon kaɗi lay.

Boy Ma Ayra Ma JAŊ Ɓiirimma 10:7

Yesu di ana, «An dagi ha ni gasira, anni vun goŋga vi timigiinara.

Boy Ma Ayra Ma JAŊ Ɓiirimma 10:9

An ni vun goŋga. Sa kal ha hurunna hin suɗ kiyo. Nam ndak a kal huwa, hin hoŋ kiyo, fi tina funum lay.

Boy Ma Ayra Ma JAŊ Ɓiirimma 14:19

Hin a kak hu njokŋi, suu hu duliyara ka wan oloɗi. Lini agiya ni, agi hin wanu, kayme an ka iiriya, agi hin li iiri may.

Boy Ma Ayra Ma JAŊ Ɓiirimma 15:1

«Anni gugutlura gasira. Bun ni sa may ma horokoɗna.

Boy Ma Ayra Ma JAŊ Ɓiirimma 18:37

Pilat hin dam ana, «Na ɗaŋŋi, aŋŋi mulna su?» Yesu hoŋom dira ana «Aŋ di ana anni mulna. An vuɗ hu duliyara ni a ɓakŋi dlara gasira. Sa min gasira hum dlara an daɗta.»

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

Boy Ma Ayra Ma JAŊ Ɓiirimma 6:33

Fu ma Lona ɦagina col ay ni kolo huulona ɦal iirira maŋ suuna ni namu.»

Boy Ma Ayra Ma JAŊ Ɓiirimma 6:51

An ni fu ma iiri ma col ay kolo huulona, sa ma ti fu nammana, kak iiri ni a fafatɗa. Fu ma an hin ɦammana ni tliw tanu, tliw tan ma an ɦagina a tirana ni ana suuna kak iiriya.»

Boy Ma Ayra Ma JAŊ Ɓiirimma 6:57

Bun ma sunun ayna ka iiriya, an kaki iiri ni umu, sa ma tan tliwinna kak iiri ni un may.

Boy Ma Ayra Ma JAŊ Ɓiirimma 6:68

Simon Piyer hoŋom dira ana, «Bu Suuna, ami tuɗ ni eg gege? Boy ma ɦal iirira ka daɓ kiɗira ni koŋgi su?

Boy Ma Ayra Ma JAŊ Ɓiirimma 8:32

Agi hin wi gasira, gasi ndaɗta hin mbuɗugi ki suu vuɗina.»

Boy Ma Ayra Ma JAŊ Ɓiirimma 8:51

An dagi ni gasira, sa humun boy manna na hin ka miɗɗi.»

SUNDA 3:15

Ni agi cagi ki ni mala iirira. Lona paɗam ki kolo hu miɗna iiriya, ami ni suu diki kamma.

SUNDA 4:12

Nam dew daŋŋi Sa ma Suɗta, hu duliyara halaŋŋi Lona ɦal sem sa ma daŋ ma suɗuygi kaɗi.»

SUNDA 9:2

joɓom kay magaara a tuɗ hu Zira Tokka vi suu Juif suu Damasna, kay lini nam fi suuna njufina u boyogina suu vi u voɗta vi Bu Suuna na, nam njunusi ay mbaarasi hu Yerusalem.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

ROMMA 5:21

Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

1 KORINTNA 15:45

Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira.

EFESNA 2:18

Ni hu Kristu aygi halaŋ suu Juifna u suu ka Juifnaɗina lay ndak tak taygi fok Lona u njunda vi Musuk Lonara.

KOLOSNA 2:17

Asina halaŋŋi ŋgus tlesuu jivi suu hin a mbara, gasira ni ta Kristu.

KOLOSNA 2:9

Hu li ma Lona gi Kristu ki a sana ni kay nam tamba ka hurum hu gaw may.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

HEBRENA 9:8

Musuk Lonara tak ki ana voɗta kay Li ma Saɓaki Teteɗna bay mal ki tuwa, ni ay hu li ma mbutluɓma jewna ka tuna.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 PIYER 2:4

Ҥuɗugi ay tok eg Bu Suuna, ɦini ma iiri ma suu min zina noyom kina, Lona manam a ma jivi cocona.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 JAŊ 1:8

Lini aygi di ana cora ka huruygiɗi ni, aygi viɗ ii taygi ni viɗiya, gasira ka huruygiɗi lay.

1 JAŊ 2:23

Gasi sa noy Goona kina noyom ki ni Bum may, sa wi Goonana wammi Bum may.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

1 JAŊ 5:6

Yesu Kristu ni sa mbayna nam mba ni u yo ma batem mamma komu u busu ma miɗ mamma may. Nam mba ni ka u yona doy holɗi yona may busuna may. Musukka ana dla ndaɗta ni gasiya kay me Musukka ni gasira.

2 JAŊ 1:9

Lini gegelay ka tuɗ kay cee haɗta vi Kristuraɗi, li zaŋ irim ki na ɗow ni Lona ka hurumbi. Sa tuɗ kay cee haɗ ndaɗtana Goona u Buna ka hurum jak.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 19:11

An gol irin ha kolo ni wi huulona ki maliya, kulum haɓma kal ki kiɗiki, sa ma fuli kamma sem ana ɗegeena, gasina, ma kaɓakŋa, ma duu duu ma ɗegeena.

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.

WIRA ŊGAYRA 3:14

Ɓii magaara maŋ sa sunda huulona vi suu vi Kristuna hu Laodise. Gola ni boyna vi sa ma diki ma ɗegeena, ma gasina sem ana, Amin. Sa ma u tlesuu Lona lasi halaŋŋa ay komma.

WIRA ŊGAYRA 3:7

Ɓii magaara maŋ sa sunda huulona vi suu vi Kristuna hu Filadelfi. Humugi boy ma sa ma coli ɗegee, bay cora egemma damma. Vun zira vi mul ŋgolna Davidta ni komu, nam mal vun zira kiwani sa ma daŋ ka ndak a duguɗɗi, nam duguɗ wa ni sa ma daŋ ka ndak a malaɗ kiɗi may.