Boy Ma Ayra Ma JAŊ Ɓiirimma 14:27 - Boy Lonana

²⁷ «Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

Boy Ma Ayra Ma JAŊ Ɓiirimma 14:27 ပူးပေါင်းရင်းမြစ်များ

FILIPINA 4:7

Heɓpa vi Lona ta su kay tlesuu sana wasina halaŋga, mba njun u hurugiya u ŋgus magira halaŋ hu Yesu Kristu.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

2 TESALONIKŊA 3:16

Ko Bu Suuna ma ɦal heɓpa ɦagira u tamba tew tew, hu lina halaŋ. Ko Bu Suuna li u agi halaŋ.

KOLOSNA 3:15

Ko heɓpa vi Kristu mba li hurugiya, Lona yagi ay u tagi halaŋŋi hu heɓ ndaɗta, lagi ko mbalatara dewra na u gi deɓpa.

2 TIMOTE 1:7

Kay Lona ɦay ni ka ŋgussa dawiraɗi, Musuk mamba oyoygi ni u saɓakŋa, u minda, u nera may.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

NDUMBA 6:26

Ko Yawe takagi jivi mamba, ko nam ɦagi heɓpa.

ROMMA 8:6

Kay a hum u va ma mbalatara damma ni tuɗuŋŋi hu miɗna, na may hum u va ma Musuk Lonara damma ni tuɗuŋŋi hu iirira u heɓpa.

JEREMI 1:8

Aŋ li ndaa saɗi. An ka u aŋ a buɗuŋ kira. Yawe di na.»

GALATENA 1:3

ko Lona Buy u Bu Suuna Yesu Kristu ɦagi oora u heɓpa.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

SOOLLA 29:11

Yawe ɦal saɓakŋa maŋ suu mamsina, Yawe paɗ vunum ki kasiya, ɦasi tara fanira lay.

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.

Boy Ma Ayra Ma JAŊ Ɓiirimma 14:1

Yesu dasi ana, «Li hurugi ndaaɗi. Tin hurugi kay Lona may, kan may.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

SOOLLA 112:7

Lini nam hum dla lay, hurum ka mbuɗ zakgi, kay viimba saɓaki, nam tin saa mamba ni kay Yawe dew.

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

Boy Ma Ayra Ma JAŊ Ɓiirimma 20:21

Yesu hoŋosi dira olo ana, «Heɓpa kak u agiya, ko Bun sunun ay na ni, an sunugi ni na may.»

SOOLLA 56:11

Kay Lona an ŋgaammi boy mamma, kay Yawe an ŋgaammi boy mamma,

SOOLLA 91:5

Aŋ ka li ndaa njeŋgera oloɗi, ka li ndaa mbuurura ka mun kolo faaliraɗi lay.

KOLOSNA 1:20

Ni na may nam min taɓ tlesuu hu duliyara halaŋ u nam hu goromma. Lona mba heɓpa kay duliyara u miɗna vi goromma hu gu garakŋa, ni nam taɓ dukum u tlena halaŋ u namu, hu ndaŋgara lay kolo huulona lay.

ROMMA 1:7

An ɓiirigi magaara ha magi agi suu Romma, agi halaŋ suu Lona minigina yagi ana agi li ni a suu mamma. Ko buy Lona u Bu Suuna Yesu Kristu ɦagi oora u heɓpa.

EZAYI 54:13

Goryoŋ halaŋ hin mbuɗ ki ni a suu haɗi mansina. Asi hin lak ka u heɓpa na gak gak.

SOOLLA 85:10

Suɗ mamba ka ni tok eg suu lam ndaaramma, bibiŋilla hin kak hu mbas maygira.

1 KORINTNA 1:3

Ko Lona Buya u Bu Suuna Yesu Kristu ɦagi oora u heɓpa.

SOOLLA 56:3

Suu cekeɗta ka cekeɗen hu buuna tew tew, na may ay kolo day ni suu duuna bolowo ka njun ay kanu.

Boy Ma Ayra Ma JAŊ Ɓiirimma 20:19

Fiɗigira Damas ndaɗta may ni, suu haɗina tok tasi hu zira, gi vun goŋga kasiya kayme asi li ndaana ko suu Juifna. Yesu mba col dukusi dasi ana, «Heɓpa ka u agiya.»

2 TESALONIKŊA 1:2

Ko Lona Buy ɦagi oora u heɓpa u Bu Suuna Yesu Kristu.

SUNDA 10:36

Lona sun boy mamma ay maŋ suu Israelna, nam dasi Boy ma Ayra ana heɓpa ni hu Yesu Kristu nam dew ni Bu Suuna vi suuna halaŋ.

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

Boy Ma Ayra Ma LUK Ɓiirimma 1:79

A gi u suu ay ki duk ndufundana kiyo, asi suu ay fun maɗnana. Kay tuɗuy hu voɗta heɓpa.»

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

SUNDA 18:9

Hu njeŋgera wanni vana tak tam ii Pol, Bu Suuna dam ana, «Li ndaaɗi, seŋ taŋgi, di ha ki na gak gak.

MATIYE 10:26

«Lagi ndaana ko suunaɗi. Va yam ki baarina suuna hin wam kiyo. Boy ma ki ŋgayna um hin gi ki lay, ɗowba tlesuu dluri kaŋgana halaŋ, usi hin wi ki lay.

EZAYI 55:12

Na daŋ may agi cuk ki ni u furira, agi hin tuɗ ni u heɓpa, ɦinira u li ma mbuy kolo dayna hin ko kosi li furira ha fokogiya, ŋgusugi suu bagina lay hin ko kasiya.

SOOLLA 27:1

Soolla vi David. Yawe ni kiɗik manda u suɗ manda, an li ndaana ni ko ge ologe? Yawe ni ɦoŋzi ma saɓakŋa vi iiri manda, an dlak ndaana ni ko ge ologe?

WIRA ŊGAYRA 2:10

Li ndaa ko wihawra aŋ tuɗ fatɗaɗi, aŋ huma Satan hin tukugiya, yow suuna ŋgolo cukusi hu daŋgayna, agi hin wagi hawra buuna doogo, kak ɗili na gak gak hu miɗna, an hin ɦaŋ jumba mulla vi iirira.

WIRA ŊGAYRA 1:4

Ni an Jaŋ maŋ suu vi Kristuna hu mbassa Azira kiɗisiya. Ko Lona ɦagi oora u heɓpa, namma ka cecemma ma li ay jewna ma hin ha fok a hin mbay tuna lay. Ko lini u minda vi Musuk Lonara kiɗisiyara fok dlam mamba mulla lay.

HEBRENA 7:2

Abraham ɦam yam tlesuu nam fasi ayna halaŋ. Sem Melkisedek ni di ana mul ma ɗegeena, nam lay ni mul ŋgol ma Salemma, ni di ana mul ma heɓpa.

Boy Ma Ayra Ma JAŊ Ɓiirimma 20:26

Li buuna dagan kiɗisiya ni, suu haɗi suu vi Yesuna tok hu zira olo, buu namma Tomas ay dukusiya. Vun goŋga dugi kasiya. Yesu kal ay mba col dukusiya, dasi ana, «Heɓpa li u agiya.»

EZEKIYEL 2:6

Aŋ hum haa, goŋ sanna, li ndaa kosiɗi. Li ndaa ko boy masinaɗi lay. Aŋŋi ɦeɓi duk dlara ci wayra, duk tlesuu siina lay. Aŋŋi kaki kay huɗura, li ndaa ko boy masinaɗi. Dlak ndaa ko irisiɗi lay kay asi ni suu gonokka.

SOOLLA 28:3

Taɓan ɓak manna u suu li dla coraɗi, u suu ci maɗnaɗi lay. Hu vunusiya asi ɓak dla heɓpa, hurusi kurufu ni saara ci maɗna may.

DANYEL 4:1

An Nabukodonosor ay kaki hu ziin na en, furi hu ziin lay.

VUN ŊGOLNA 3:25

Li ndaa ko dlara kafaŋ ay kolo na zakkaɗi, ko ɓalakka mba kay suu conara aŋ laɗ ndaaraɗi lay.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

GALATENA 6:16

Kay suu li u gaɗ ndaɗta hu iiri masira halaŋ an di kasi ana heɓpa u jivira halaŋ li u asiya li u suu vina vi Lona halaŋ.

Boy Ma Ayra Ma LUK Ɓiirimma 10:5

Agi selegi hu zi taa wani, di ana heɓpa li ha kay zi ndaɗta.

ZAKARI 6:13

Sa ma min Ziŋ Yawera ni namu. Nammi sa mulla hin kak u namma, nam hin kak kay dlam mamba a ti mulla. Mul ma li ɓivunna hin kak kay dlam mamba may, asi u dlasi jak vunusi hin li ni dew kay dlara asi daɗta.

EZAYI 57:19

An hin kalasi soolla geleɗta ay ki funusiya, ana heɓpa, heɓpa kaa, kay suu ha ki dadayna u suu totokŋa lay, di na ni Yawe, an hin garaɗasi kiyo.

SOOLLA 72:7

Hu li ma nam ka ti mulla, ni suu ɗegeena tuɗ ha fok na ɗow ɗow, begera zul ha fok na ɗow ɗow may.

KOLOSNA 1:2

Maŋ suu vina vi Lona suu ka hu Kolosna asi ni gorseygi suu ɗegeena hu Kristu. Ko Buygi Lona ɦagi oora u heɓpa.

Boy Ma Ayra Ma LUK Ɓiirimma 12:4

«An dagi ni magi agi banayanna, lagi ndaana ko suu ci mbalatara ɦawa hol ka a li va daŋ ginaɗi.

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

DANYEL 6:25

Mulna ɦal voɗta ana yowom suu li yara u Danyelna aya. Asi cukusi hu zul dlona, goryosi lay, boyogosi lay. Asi bay tew kaŋga hu zulla may ni, dlona yowosi palawasi ki ni na gaw.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

SOOLLA 11:1

Soolla vi sa ma fok suu gi soollana, soolla vi David. Liin ma ŋgayra ni eg Yawe. Agi hin dan ana pii liŋŋa kolo kay ɦinira ko laygina na ni amege?

JOB 34:29

Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.

YOORA 3:17

Aŋ dikin ki day eg li ma heɓma an maa jivira ki wa.

SOOLLA 72:2

Ko asi ti kay suu maŋsina u ɗegeera, suu hoŋ yasi gaa u jivi maŋgana.

2 DLAŊ MULINARA 20:30

Mulla vi Josafatta ti ni u heɓpa. Loomma ɦam koɗ tara ni keŋ lina zeɗ zeɗ bel.