Boy Ma Ayra Ma JAŊ Ɓiirimma 14:26 - Boy Lonana

²⁶ Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

Boy Ma Ayra Ma JAŊ Ɓiirimma 14:26 ပူးပေါင်းရင်းမြစ်များ

SOOLLA 51:11

Pereɗ iriŋ kiyo, golon coondaɗi, coonda halaŋ aŋ bulumunda kiyo.

EZAYI 54:13

Goryoŋ halaŋ hin mbuɗ ki ni a suu haɗi mansina. Asi hin lak ka u heɓpa na gak gak.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

MATIYE 1:18

Ni vuɗta vi Yesura. Yosef gi ɗum Mari, bay vaɗ tuwa. Ndaɗ vi wiina u Musuk Lonara.

MATIYE 1:20

Nam ka saa kay boy namma may ni, sa sunda huulona mba dam doyra ana, «Yosef, goŋ Davidna, li ndaa a vi caaŋga Mari varaŋgaɗi, vaɗ wiina huruɗ ni Musuk Lonara.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

MATIYE 3:11

An mbusugi batemma duk yona a tak ana hurugi mbuɗ ki zeɗ. Sa ma mbay ŋgoron daganna, hin mbusugi batemma u Musuk Lonara, u kura may, kay dlam ŋgol suunu. An ndak ka a ziirim tuɓuru mammaɗi lay.

MARK 12:36

David u tamba di ki u saɓakŋa vi Musuk Lonara ana, Bu Suuna di maŋ Bu Suuna manna ana, Kak kay bikin ma njufna, gak gak an cukuŋ babali maŋsina ki kaŋga u seŋ tuwa.

MARK 13:11

Falira asi vagira, ɓigigi vun dikigi kay va ma agi dammaɗi. Fali ndaɗta boy ma agi damma ka dam agiɗi, dagina ay funugi ni Musuk Lonara.

Boy Ma Ayra Ma LUK Ɓiirimma 1:15

Nam hin mbuɗ sa ŋgolna ii Lona. Nam hin ka ci summaɗi lay. Hu buu ma nam vuɗ kina, Musuk Lonara hoɓom ay ki hu sum day.

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

Boy Ma Ayra Ma LUK Ɓiirimma 1:41

Ndaɗ Elisabet hum deɓpa vi Mari na ni, goona gijaŋ ŋgen tam huruɗ gaw. Musuk Lonara oy ki hu Elisabet.

Boy Ma Ayra Ma LUK Ɓiirimma 1:67

Bum Zakari Musuk Lonara mbay egem day ni nam gijaŋ di boy ma vi Lonna ana,

Boy Ma Ayra Ma LUK Ɓiirimma 11:13

Agi suu cona wi a ɦal tlesuu jivina maŋ goryogiya. Bugi ma kolo huulona ɦal Musuk mamba maŋ suu joɓomma ni nam ɗow.»

Boy Ma Ayra Ma LUK Ɓiirimma 2:25

Sa Yerusalemma dew yam ana Simeon, nammi sa ɗegeena, hum u Lona ɦay, ka juɓ sa ma suɗ suu Israelna kina. Musuk Lonara ka u namu,

Boy Ma Ayra Ma LUK Ɓiirimma 24:49

An hin sunugi va Bun a ɦaginana ay u tanda, agi kakagi hu zin tani gak gak juɓugi saɓak ma kolo huulona mbay kagi tuwa.»

Boy Ma Ayra Ma LUK Ɓiirimma 3:22

Musuk Lonara sii ay kam ko gugukka na, della ɓak ay kolo huulona ana, «Aŋŋi goron ma an minim ɦayna. Aŋ irin jivi ɦay.»

Boy Ma Ayra Ma JAŊ Ɓiirimma 1:33

Fok jew ni an ka wam ana ni sa hiŋŋa naɗi. Sa ma sunun ay ana an mbus batemma u yonana dan ana, Sa aŋ hin wam Musuk Lonara sii ay kamma hin mbusugi batemma u Musuk Lonara.»

Boy Ma Ayra Ma JAŊ Ɓiirimma 12:16

Suu haɗi mamsina ka hum u boy namma ki tuɗi. Hu mayra Yesu fi ŋgol mamba wa ni, asi humusi gasi ana ɓiira di ki fok jew ni kamu. Asi hin faɗ vun dla ndaɗta ki u namu.

Boy Ma Ayra Ma JAŊ Ɓiirimma 14:16

An hin joɓ Bun nam sunugi sa ma daŋ ma njun ugina aya, ni Musukka Gasira a ndaɗ mba kak u agi gak gak.

Boy Ma Ayra Ma JAŊ Ɓiirimma 14:25

«An dagi boy namma na ni, kay an ka u agi tura.

Boy Ma Ayra Ma JAŊ Ɓiirimma 15:26

«Sa may ma a njun ugina hin mbaya. Ni Musukka gasira col ay ko Bun Lonara. An hin sunugira ay u sem Bunu. Ndaɗ hin ɓakagi kanu.

Boy Ma Ayra Ma JAŊ Ɓiirimma 16:7

Na may an dagi ni gasira a agi fi jivira ni an tuɗ kiyo, lini an tuɗ ka kiɗi ni, sa njunugina ka mba egegiɗi. An tuɗ wa ni, hin sunugina aya.

Boy Ma Ayra Ma JAŊ Ɓiirimma 2:22

Faɗta Yesu paɗ ay ki kolo duk suu miɗinara, suu haɗi mamsina humusi gasi kay dlara nam daɗta, asi tin hurusi kay boy ma ɓiiri hu magaarana u boy ma Yesu damma may.

Boy Ma Ayra Ma JAŊ Ɓiirimma 20:22

Ŋgoo dagan boy namma nam fo musuk mamma ha kasiya, dasi ana, «Fagi Musuk Lonara.

Boy Ma Ayra Ma JAŊ Ɓiirimma 6:45

Suu jok vun Lona ɓii boy namma ana, Lona hin haɗasi halaŋ. Sa ma hum vun Buna, vi u haɗ mamba mayna, hin mbay egenu.

Boy Ma Ayra Ma JAŊ Ɓiirimma 7:39

Yesu ɓak kay Musukka suu tin hurusi kamma a faɗna. Musuk ndaɗta mba ka tuɗi kayme Yesu ka bay fi bibiŋil mamba tuwa.

SUNDA 1:2

Gak gak tew hu buu ma nam kal kolo huulona. Nam hin tok a kal kolo huulonara ni nam haɗ suu mam suu nam manasina u saɓakŋa vi Musuk Lonara.

SUNDA 1:4

Fali taa dew ni nam ti funa u asiya, gaɗasi anaba, «Tuɗugi ki eg Yerusalem dayɗi, juɓugi va ma Bun di kam a ɦamma, ni ɦala an dagi ki kaɗ fok jewra.

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

SUNDA 11:16

Ni an humun gan kay boy ma Bu Suuna di ana, Jaŋ mbus suuna batemma ni u yona, agi hin mbus suuna batemma ni u Musuk Lonara.

SUNDA 13:2

Fali taa dew asi tok tasi a cen Bu Suuna wanni, asi ci yoɗi lay ti vaɗi lay. Musuk Lonara dasi ki ana, «Man gi Barnabas u Sol ki kay sunda an yasi kaɗta.»

SUNDA 13:4

Barnabas u Sol, Musuk Lonara sunusiya, asi tew ki Seleusi, hu li namma asi ful ki hu lum kawina a tuɗ kay daara Siprera.

SUNDA 15:28

Kay Musuk Lonara u ami tamira lay saa ka a tinigi va ma nek kagi ma su wannaɗi.

SUNDA 15:8

Lona ma wi huu suuna halaŋŋa tak ki ana nam vasiya, sunusi Musuk mamba kasi ko sunuɗ ay kaygira na may.

SUNDA 16:6

Musuk Lonara doorosi ana asi di Boy Lonana hu ndaŋgara Aziraɗi, ni asi hin tuɗ ni hu Frigi u Galati.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

SUNDA 2:4

Asi halaŋ hurusi oy ki u Musuk Lonara, gijaŋ ɓak u vun ma daŋŋa daŋŋa zeɗ zeɗ ko va ma Musuk Lonara ɦasina a asi dira na.

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

SUNDA 20:35

An takagi ki halaŋ halaŋ ana li sunda, kay a njun u suu hawra, saaragi kay boy ma vi Bu Suuna Yesu u tamba damma, jivira ka ŋgol suwa kay sa ma ɦal vama kina, su ma fina.»

SUNDA 28:25

Asi cuk tasi ɦawa bay vunusi taɓ duk tasiya. Pol dasi ɦawa ana, «Musuk Lonara di gasini u voɗoɗu, hu li ma ndaɗ di somoyogi u vun sa ma jok vun Lona Ezayi.

SUNDA 5:3

Piyer joɓom ana, «Ana nias aŋ hin Satanna a kal huruŋ a ganaŋ yaŋ a kaboyna eg Musuk Lonara ni nanage? Gursura aŋ gus senena ay kira aŋ hiniɗ ki koŋ amege?

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

SUNDA 7:55

Nam hurum oyra u Musuk Lonara gol irim kolo huulona wi ŋgolla vi Lonara u Yesu coli bik ko Lona ma njufna.

ROMMA 14:17

Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

1 KORINTNA 12:3

Ni kay ndaɗta an min ana agi wagi u boy namma kiyo, sa ma ana nam u Musuk Lonara hurumuna ka di ana, «Yesu ni ma ki baayna,» naɗi, sa ma di ana, «Yesu ni Bu Suuna,» bay Musuk Lonara hurumbi.

1 KORINTNA 6:19

Agi ka wi ana mbalatagi ni zina vi Musuk Lonara naɗi su? Musukka hurugi wanda Lona ɦagira ni namu. Mbalatagi ka ni magira kay tagiɗi.

2 KORINTNA 6:6

Ami takami ni sunda vi Lona u ɗegee mamira, hu viimira hu lalam mamira, hu jivi mamira u Musukka vi Lona, u min mamira gasira.

EFESNA 1:13

Agi tagira hu li ma agi humugi boy ma gasina ni Boy ma Ayra ma ɦagi suɗta agi hin vagi u Kristu. Lona ɓii sem ay kagi u ɦala nam ɦagi Musuk mamba nam di kaɗta.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

1 TESALONIKŊA 4:8

Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.

2 TIMOTE 1:14

Vi u tlesuu aŋ haɗasina jiviya u ɦala vi Musuk Lonara ka huruygira.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

HEBRENA 10:15

Musuk Lonara daygi olo, ndaɗ di ɗaŋi anaba,

HEBRENA 2:4

Hu li namma Lona di ki kay boy masina u takka, u dlara ndandalla u dlara mbuɗta zeɗ zeɗta. Nam ɓorow ɦala vi Musuk Lonara u min mamba.

HEBRENA 3:7

Ni kay ndaɗta Musuk Lonara di anaba, «Lini agi hum del Lona karam wani,

HEBRENA 9:8

Musuk Lonara tak ki ana voɗta kay Li ma Saɓaki Teteɗna bay mal ki tuwa, ni ay hu li ma mbutluɓma jewna ka tuna.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

2 PIYER 1:21

Boy ma suu jok vun Lona damma halaŋŋi ka u minda vi sana kay tambi, ni Musuk Lonara njun usiya kay ndaɗta asi ɓak kay Lona ni na.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 JAŊ 5:7

Suu dikina ni hindi.

Magaara JUD Ɓiiriɗta 1:20

Agi banayanna tuɗugi fok u viigi ta teteɗta, cenegi u saɓakŋa vi Musuk Lonara.

WIRA ŊGAYRA 2:11

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓakŋa na gak gak su kay ndaŋgarana, miɗ ma mbana hin ka fasiɗi.