Boy Ma Ayra Ma JAŊ Ɓiirimma 13:8 - Boy Lonana

⁸ Piyer dam ana, «An ka min ana aŋ mbusun senu naɗi.» Yesu hoŋom dira ana, «An mbusuŋ seŋ kaɗi ni, aŋ ka fi va konɗi.»

Boy Ma Ayra Ma JAŊ Ɓiirimma 13:8 ပူးပေါင်းရင်းမြစ်များ

URA TIN AYRA 42:38

Yakob di ana, «Goonna ka tuɗ ugiɗi. Kay wayamma ki miɗiya, nam hin dew ni namu, lini va lam ay ugi hu tuɗ magira wani, an miɗni u wihawra hu maa manda.»

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

SOOLLA 51:2

Hu li ma sa jok vun Lona, Natan, tuɗ egem ŋgoo li ma nam taɓ u Batsebana.

SOOLLA 51:7

An vuɗ ni hu dla cora, sun van wiirinni hu dla cora lay.

EZAYI 4:4

Ni ŋgoo dagan hu li ma Bu Suuna mbus zozoɗta delbuɗna vi gorɓii suu hu Siyonna kina. Tok busu ma vo hu Yerusalemma ki may. Ni hu li ma nam fo lina ki u semeɗ mam ma ɗegeena, mbuɗum ki teteɗ u jivi mambana.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

MATIYE 16:22

Piyer vi bik Yesu, tayam ay ki keŋe, yalam ana, «Ka naɗi, Bu Suuna dla ndaɗta ka mba kaŋ na ndeɗi.»

MATIYE 21:29

Nam hoŋom dira ana, An minɗi. Ŋgoo daganda nam saa hurum na ni, hin tuɗ hu senena.

MATIYE 26:33

Piyer kaam vunum ana, «Suu hiŋŋa halaŋ li noyoŋ kiyo ni, an na ɗow ni, ka noyoŋ kiɗi.»

MATIYE 26:35

Piyer dam ana, «Lini an miɗ u aŋ lay ni, an ka di ana, An ka waŋgira naɗi.» Ndarayam suu haɗina halaŋ di na lay.

Boy Ma Ayra Ma JAŊ Ɓiirimma 13:6

Nam tew kay Simon Piyer wanni, Simon dam ana, «Bu Suuna aŋ u taŋga a mbusun sen su?»

Boy Ma Ayra Ma JAŊ Ɓiirimma 13:9

Simon Piyer ana, «Bu Suuna lini na ni, mbusun sen doy holɗi, mbusun kon u yan may halaŋ.»

Boy Ma Ayra Ma JAŊ Ɓiirimma 3:5

Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

SUNDA 22:16

Cecemi aŋ juɓmi me ologe, col kolo mbus ki batemma, a cooŋga mbus ki u yira yam semba.»

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

GA 8ATAMBARA 12:12

Agi hin lak u furira fok Yawe Loogina, agi tagira, goryogi suu njufiina u gorɓiina, suu magi suu sunugina, njufiina u boyogina, u njaf suu vi Levi suu ka dukugina halaŋ, kay asi dukugi ni joosi maa kaɗi.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

KOLOSNA 2:23

Gaɗ masira gol ko va ma tak nera, u goɓ masira mbay hu minda vi sana, u hoŋ yamba gara, u lassa asi las tasira lay, na may ni kay doo minda vi sana, gaɗ ndaɗta ka li vaɗi.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.