Boy Ma Ayra Ma JAŊ Ɓiirimma 13:5 - Boy Lonana

⁵ Nam go yona kom hu ŋgotna go ni, gijaŋ mbus sem suu haɗi mamsina, saɗasi sesi ki u baraw ma njuni hurumma lay.

Boy Ma Ayra Ma JAŊ Ɓiirimma 13:5 ပူးပေါင်းရင်းမြစ်များ

Boy Ma Ayra Ma LUK Ɓiirimma 7:44

Yesu pereɗ irim eg cara di Simon ana, «Cara wanni aŋ waɗ su? An mba ni varaŋu aŋ ɦan yo mbus sen kaɗi, ndaɗ hin mbusun sen ki u simiyiɗu, saɗan sen ki u tlimiɗ yaɗ lay.

SOOLLA 51:2

Hu li ma sa jok vun Lona, Natan, tuɗ egem ŋgoo li ma nam taɓ u Batsebana.

URA TIN AYRA 19:2

Nam dasi ana, «Suu ŋgolo mansina an cenegiya selegi ay vo varanu. Mbusugi segi kiyo buurugi vo varanu. Maɗii feɗet ni agi hin yow kolo a tuɗ koy magira tuwa.» Asi hoŋom dira ana, «Ҥawaa, ami buu ni kay tuɗta.»

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

URA TIN AYRA 18:4

Hin asi halagi yo ay mbusugi segiya, lakagi kaŋga u ŋgusna koɗogi tagi nde.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

SUNDA 22:16

Cecemi aŋ juɓmi me ologe, col kolo mbus ki batemma, a cooŋga mbus ki u yira yam semba.»

2 MULINA 3:11

Josafat di ana, «Sa ma jok vun Lona ma vi Yawe maa ka tani a ay ndak a joɓoygi Yaweɗi su?» Sa maa dew duk suu sun suu vi mul ma Israelna hin di ana, «Elize ma, goŋ Safatna ma li ay poy u tasi ha sa ma jok vun Lona, Elina, ka dukuygi tani.»

1 SAMUEL 25:41

Ndaɗ col kolo goɓ kaŋga vogoɗ duk ndaŋgara di ana, «Caaŋga sunda ni mbaɓura ka tok a mbus sem suu sun suu vi malaɗnana.»

DLAŊ LEVIRA 14:8

Sa ma min mbuɗ ki teteɗna, mbus barawi mamsina kiyo, wel tlimiɗta egemba ki halaŋ, mbus tam ki may ni nam mbuɗ ki ni teteɗ. Ŋgoo dagan nam kal vo hu zina, li buuna ki kiɗisiya bay kal hu ziim tu wa.

1 JAŊ 5:6

Yesu Kristu ni sa mbayna nam mba ni u yo ma batem mamma komu u busu ma miɗ mamma may. Nam mba ni ka u yona doy holɗi yona may busuna may. Musukka ana dla ndaɗta ni gasiya kay me Musukka ni gasira.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

Boy Ma Ayra Ma JAŊ Ɓiirimma 19:34

Sa asgaa maa dew kusum payam u saɓpa. Busuna u yona ɓaɗ ay ki ni na gaw.

Boy Ma Ayra Ma LUK Ɓiirimma 7:38

Ndaɗ kak ay kaŋga ŋgoo Yesu u semu, gijaŋ tiina mbus sem Yesu ki u simina. Ndaɗ hin va simi ma kay sem Yesuna ki u tlimiɗ yaɗu. Ndaɗ furiyum furi ni, hin yamam mbul ma hisna kay semu.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

EZAYI 1:16

Mbusugi tagi kiyo, mbuɗugi tagi ki teteɗ, sun magira cora agi laɗta hiniɗ kiyo, lagi dla co oloɗi.

KALKIRA 29:4

Aŋ ɦuɗ Aaron u goryom ha fun mbutluɓma na tok, aŋ mbususi ki u mbona.

Boy Ma Ayra Ma JAŊ Ɓiirimma 13:10

Yesu dam ana, «Sa ki mbusina ka mbus mbussa daŋga oloɗi, hin ni sem hol kay tam halaŋ ki mbusiya. Agi tagi ki mbusiya ni ka agi halaŋgi.»

Boy Ma Ayra Ma JAŊ Ɓiirimma 13:8

Piyer dam ana, «An ka min ana aŋ mbusun senu naɗi.» Yesu hoŋom dira ana, «An mbusuŋ seŋ kaɗi ni, aŋ ka fi va konɗi.»

URA TIN AYRA 43:24

Sa namma cukusi ha vo vi Yosef ɦasi yona asi mbus sesi kiyo, ɦal haɗna maŋ kor masisina may.

SUU KAƁAKŊA 19:21

Nam cukusi vo varamu, cuk haɗna fun korra may. Koyogina mbus sesi kiyo, ti lay, ci lay.

Boy Ma Ayra Ma JAŊ Ɓiirimma 13:6

Nam tew kay Simon Piyer wanni, Simon dam ana, «Bu Suuna aŋ u taŋga a mbusun sen su?»