Boy Ma Ayra Ma JAŊ Ɓiirimma 12:26 - Boy Lonana

²⁶ Sa li a lan sun manda ni sa namma tuɗ ay kay cerenu, na may ni, saan ma sunda hin tuɗ ni hu li ma an huna may. Bun hin geleɗ sa ma sununna.»

Boy Ma Ayra Ma JAŊ Ɓiirimma 12:26 ပူးပေါင်းရင်းမြစ်များ

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

VUN ŊGOLNA 27:18

Sa ma gol gu tulum mamma jivina hin tam vuɗumu. Sa ma saa kay sa haɗamma jivina ni suuna ŋgaamu.

NDUMBA 14:24

Na may saan ma sunda Kaleb ma fi saara daŋga, tuɗ u gaɗ manda mbuɗ ndaa kaɗi, an hin tinim hu mbassa nam goloɗ ay ndaɗta. Njaf mamma halaŋ hin cuk ziisi huwa.

NDUMBA 32:11

Suu asina halaŋ suu cuk ay ki hu mbassa Egiptera, col ha kay suu basaɗasi dok-mbana tuɗ ha fok na ni, lini nanagelay asi ka wi mbassa an vi vunun kaɗ a ɦaɗ maŋ Abraham, Isaak u Yakobpaɗi, kay asi min ka a li u boy mannaɗi.

MATIYE 16:24

Nam hin di suu haɗi mamsina ana, «Lini sana min a tuɗ kay cerenu ni, maa dla tam kiyo, tli garak mamma, tuɗ ay unu.

MATIYE 25:21

Mulna dam ana, Ni jiviya, sa li sunda jivina. Aŋ li sunda jivi u tlesuu gorina ni, an tiniŋ a mulna kay tlesuu ŋgolona may. Mbay li furira u anu.

MARK 8:34

Ŋgoo daganda Yesu yi suuna ay u suu haɗi mamsina, dasi ana, «Lini sana min a tuɗ kay cerenu ni, saa kay tambi, nam tli guum ma garakŋa, tuɗ ay unu.

Boy Ma Ayra Ma LUK Ɓiirimma 12:37

Furira kay suu asina kay mul masina mba fasi iiriya. An dagi ha ni gasira nam u tamba hin min tamu ɦasi li kakŋa, tuɗ yow funa aya, cukusina fokosiya.

Boy Ma Ayra Ma LUK Ɓiirimma 6:46

«Agi yan u vunugi ana, Bu Suuna, Bu Suuna, ka li dlara an dagiraɗi may ni nanage?

Boy Ma Ayra Ma LUK Ɓiirimma 9:23

Yesu di maŋ suuna halaŋ ana, «Lini sana min a tuɗ kay cerenu ni, maa dla tam kiyo, tli gu garak mamma hu buuna tew tew.

Boy Ma Ayra Ma JAŊ Ɓiirimma 10:27

Timigii mansina humun delenu. An wasiya, asi tuɗ un may.

Boy Ma Ayra Ma JAŊ Ɓiirimma 13:16

An dagi ni gasagi ana sa li sunda ka ŋgol su malammaɗi, sa ay sunnina ka ŋgol su sa sunum aynaɗi.

Boy Ma Ayra Ma JAŊ Ɓiirimma 14:15

«Agi li mininu ni, agi hin vagi vun gaɗ manda.

Boy Ma Ayra Ma JAŊ Ɓiirimma 14:3

An min li namma ha ki wa ni, an hin hoŋ aya mba yowogi ha ki egen tok, a agi li laki hu lii an huna may.

Boy Ma Ayra Ma JAŊ Ɓiirimma 15:20

Gagi humugi kay va ma an dagina na, sa ma li sun ma su malamma kaɗi. Asi lasan wa ni, hin lasagi may. Asi vi u haɗ manda wa ni, hin vi u magira na may.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

Boy Ma Ayra Ma JAŊ Ɓiirimma 21:22

Yesu hoŋom dira ana, «Lini an min ana nam kak iiri na gak gak an holoŋ ay tuwa ni, va ndoloŋŋa ni mege? Aŋu, tuɗ ay kay cerenu.»

ROMMA 1:1

Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

ROMMA 14:18

Sa ma sun Kristu ko ndaɗta nana nam ii Lona jiviya. Suuna saa kam jivi lay.

2 KORINTNA 4:5

Ami ka ɓak boyna ni kay tamira gawɗi, ami di boyna ni kay Yesu Kristu Bu Suuna, ami di kay tami ana ami ni suu sun masira kay sem Yesu.

2 KORINTNA 5:8

Ami ka u ɦiŋga hurumiya, min a hin mbalatamira ndaɗta kiyo, tuɗ kak eg Bu Suuna.

GALATENA 1:10

Ni di ana an hal a li jivira ni ii suuna su? Ka naɗi, an hal a li jivira ni ii Lona na ni an li na a suuna golon jivira na su? Lini an hal a li jivira ni ii suuna ɦawaa ni an ka sa sunda vi Kristu oloɗi.

FILIPINA 1:23

An gol tan ko irin ɓorowi duk mba' na, an saa kay a hin iirira wanda kay a tuɗ kak eg Kristu ni mayra an hin miniɗta.

KOLOSNA 3:24

Humugi gagi kay Bu Suuna hin warakagiya, agi hin fagi va ma nam hinim maŋ suu mamma a jonana, kay mege saagi ma agi sunum gasina ni Kristu.

KOLOSNA 4:12

Epafras ni wayagina lay gagi deɓpa nammi sa sunda vi Yesu Kristu ma cen Lona kagi tew tewna, kay agi mba kak saɓak hu ŋgussa ko suu ŋgolona na, kay min tagi a li sunda jivira ɗegee ta Lona miniɗta.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

1 JAŊ 5:3

Gola minda aygi min Lonara ni ana aygi vam vun gaɗ mamba, gaɗ mamba ka kaygi loɓbi.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.

1 SAMUEL 2:30

Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.