Boy Ma Ayra Ma JAŊ Ɓiirimma 11:55 - Boy Lonana

⁵⁵ Ni Pakŋa, luu ma vi suu Juifna hin tok a lira. Suu hu mbassa daŋgana mbay ki jew hu Yerusalem a min tasi kay luu namma.

Boy Ma Ayra Ma JAŊ Ɓiirimma 11:55 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 12:1

Buuna hin karkiya a luu ma Pakŋa lira ni, Yesu tuɗ Betani hu li ma Lazar ka huna. Ni sa ma nam colom ay ki kolo iiri duk suu miɗina na.

Boy Ma Ayra Ma JAŊ Ɓiirimma 6:4

Luu ma Pakŋa vi suu Juifna hin tok.

Boy Ma Ayra Ma JAŊ Ɓiirimma 2:13

Suu Juifna luu masi ma Pakŋa ndak ndakŋi, Yesu tuɗ Yerusalem.

KALKIRA 19:10

Yawe di Moiz ana, «Tuɗ eg suu Israelna asi li tasi ki teteɗ karami, vinni asi mbus barawi masisina ki may.

URA TIN AYRA 35:2

Yakob di suu vo varamma u suu tuɗ ay umma lay ana, «Cukugi loogi suu vi suu daŋŋana suu ay kogina kiyo. Lagi tagi ki teteɗ, cukugi baraw ma wilina tagiya.

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.

1 KORINTNA 11:28

Sana gol tam kay tamu ni nam hin ti funa u va cira.

SUNDA 24:18

Na ɗaŋŋi va ma asi fan an lam hu Ziŋ Lonara ni mege? An ay ni duk tokka a dan tara ki jivi teteɗta. Suuna ay ka un hu bolowɗi lay, ni boy ma dadam ay kaɗi lay.

Boy Ma Ayra Ma JAŊ Ɓiirimma 18:28

Asi mbaa Yesu ay vi Kaif a tuɗum fok mul ŋgolna vi suu Romma. Ni maɗii feɗet. Hu ziŋ mul nammana, suu Juifna ka kal hu a mbuɗ tasi coɗi, kay asi mbuɗ co wa ni ndak a ti fu ma Pakŋaɗi.

Boy Ma Ayra Ma JAŊ Ɓiirimma 13:1

Hu buu namma ni jew luu ma Pakŋa. Yesu wi ana fat mayra nam hin suu hu duliyarana ka ta, tuɗ kolo eg Bum Lonara, ndakiya. Nam min suu mam suu hu duliyara cocoo. Nam minisi na gak gak tew ki u ndaɗta.

Boy Ma Ayra Ma JAŊ Ɓiirimma 5:1

Fali ndaɗta suu Juifna tok a li luuna, ni Yesu tuɗ hu Yerusalem.

Boy Ma Ayra Ma JAŊ Ɓiirimma 2:6

Hu li namma doygi ɦinira ka hu karkiya, doygi asina asi vo yona hu a mbus tasi ni u gaɗ masira. Doy ma dewna hurum vo yona u gegelina hindi, fiɗi kala.

MARK 14:1

Luu ma asi ti fu ma bay kuffa umma, yam ana Pakŋa hin buuna mba' a lira. muli suu li ɓivunna u suu wi magaara hal yalna a vi Yesu u mbeleŋŋa, a cam kiyo.

MATIYE 26:1

Yesu daɓ njaɗ mamba daɓmi, hin di maŋ suu haɗina ana,

SOOLLA 26:6

Yawe, an mbus kon ki wa, kay tak ki ana an li co kaɗi. An ŋguy kay givin ma togolla maŋŋa a ŋgaaŋŋi aŋu.

JOB 1:5

Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

1 SAMUEL 16:5

Nam hoŋ dira ana, «Gasi an mbay ni kay a li ɓivunna maŋ Yawe. Mbuɗugi tagi ki teteɗ, agi hin mbay u an hu li ma ɓivunna.» Nam mbuɗ Jese u goryom ki teteɗ yasi hu li ma ɓivunna.

NDUMBA 9:6

Na may suu dukusi ɦiw ni tin kosi ay eg maɗna, asi mbuɗ ki njenjee, asi ka ndak a li luu ma Pakŋa hu buu nammaɗi, hu buu namma gaw ni asi di gi Moiz u Aaron ana,

NDUMBA 9:10

«Aŋ di suu Israelna ana, hu li ma sana kal tam ay hu dlara njenjera wa ŋgen tam ay eg sa ma miɗi wa, ɗowba nam ki hu koyra dayra, dla ndaɗta ni magi lay maŋ goryogi suu ka ŋgorogi daganna lay, nam ndak li luu ma Pakŋa a ŋga Bu Suuna.

MATIYE 26:2

«Agi wi ana luu Pakŋa hin buuna mba'. Goŋ Sanna asi hin ɦam ki a ɓalam ki hu gu ma garakŋa.»

Boy Ma Ayra Ma LUK Ɓiirimma 22:1

Luu ma asi ti fu ma bay kuffa umma, yam ana Pakŋa, ndak ndakŋi,

SUNDA 21:24

Aŋ dlaɓ u asi dlaɓmi danagi tagi ki jivi teteɗ, aŋ warak va ma asi basamma kiyo, a asi hin wel yasi kira may. Aŋ li wa na ni suuna halaŋ hin wi ana boy ma asi humum kaŋŋa ka gasiɗi, kay aŋ taŋga lay ni ka hum u gaɗta vi Moizza.

SUNDA 21:26

Vin maɗiira ni Pol yow suu fiɗi asina um yowni tuɗ a dan tasi ki jivi teteɗta. Nam kal hu Ziŋ Lonara kalni dasi ana buu ma dan tara ki jivi teteɗna daɓmi saɓage, ni di ana a li ɓivunna ki kasi dew dew halaŋŋi saɓage?