Boy Ma Ayra Ma JAŊ Ɓiirimma 11:52 - Boy Lonana

⁵² ka kay njaf namma doy holɗi, ni kay tok goryoŋ Lona suu ki njayna halaŋ eg tasiya.)

Boy Ma Ayra Ma JAŊ Ɓiirimma 11:52 ပူးပေါင်းရင်းမြစ်များ

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

SOOLLA 22:15

Saɓak manna ni ko yona na daɓ ki wa, sokon paɗ ki hin liim ki lay. Mukulun mbuɗ ko do dabaŋga na, nam yoo ki hurunu.

SOOLLA 22:27

Suu hoŋ yasi gaana ka ti ki u mayasiya. Suu hal Yawena ka ŋgaamu. Suu agina ni suu kak iri u furira din dinna.

SOOLLA 72:19

Geleɗem sem ma bibiŋilna ni a fafaɗta. Ko duliyara halaŋ oy ki u bibiŋil mamba. Amin. Amin.

EZAYI 49:18

Gol li ma ŋguyuŋŋa halaŋ, asi tok tasiya ka mbay egeŋu, ko an Yawe, an ka iiri tew tew, an suu tan ki ana, asi hin lak egeŋŋi ko ndal baraw ma cuki taŋŋa na, ni ko gandi ma njuni huruŋŋa na.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 55:5

Gola njaf suu aŋ ka wasiɗina lay aŋ hin yasiya. Njaf suu waŋ ka dewɗina lay hin liŋ ay mbay egeŋu. Kay ana Yawe ni Looŋŋa. Na daŋ may ni kay ma teteɗ ma vi suu Israelna mbuɗuŋ a sa ma bibiŋilnara.

EZAYI 56:8

Bu Suuna Yawe ma taɓ yam suu Israelna kel tasina di ana, «Cemi an tok suuna ay ki kel tasi wa, suu hinna an hin taarasi ay ki hu olo.»

EZAYI 60:4

Tli iriŋ kolo, gol gige, suuna halaŋ tok tasiya, mbay ni egeŋu. Goryoŋ hin mbay ni, col ay ni hu mbassa dayra, gorɓii maŋsina hin col saɓak cocoo.

EZEKIYEL 34:12

Ko ndal sa ma taa yoorina gol yoori mamsina jivi hu li ma asi njay kina na hu li ma nam coli dukusina, an may ni hin gol yoori mansina, tokosi ay ki hu li ma asi ay ki njay huna duk li ma kuɗna gi lina ndufun cocona.

Boy Ma Ayra Ma LUK Ɓiirimma 15:8

«Ɗowba lini cara sili maɗta koɗ doogo lini ta dewra viɗ ki wa ni, ndaɗ ka do kura koɗ do ni, too hu ziiɗ ki halaɗ gak gak faɗɗi su?

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

Boy Ma Ayra Ma JAŊ Ɓiirimma 1:12

Suu ɦiw vi umu, tin hurusi kamu, nam ɦasi saɓakŋa a asi ndak mbuɗ ki goryoŋ Lonna.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 10:16

Yoori man suu daŋŋa kaa, asi ka duk ndarayasina tuɗi. An tuɗ halasi aya. Asi hin humun delen na ni, asi hin taɓ ki a yoo ma dewna, sa ma taarasina li dew may.

Boy Ma Ayra Ma JAŊ Ɓiirimma 12:32

Anu, hu li ma asi colon ki kolo kay ndaŋgara wani, an hin mbaa suuna ki egenu.»

SUNDA 18:10

An ka njun uŋu, sa ka ndak a laŋ va egeŋgi, hu ɦoŋzina tani suu mansina ka ŋgolo.»

ROMMA 3:29

Na ni Lona ni Lo vi suu Juifna dew su? Nammi ka Lona vi njaf suu daŋŋa layɗi su? Nammi Lona vi njaf suu daŋŋa lay.

ROMMA 4:17

Ko ɓiira dira naa, «An tiniŋŋi a njaf suuna ŋgolo mba li a goryoŋu,» fok Lona nammi buygi ma nam vi umma. Lona ma hal iirira maŋ suu miɗina, va ma ka li ginɗina nam lamu.

EFESNA 1:5

Lona saa ki fok jew ana nam min a mbuɗuygi ki a goryom hu Kristu, nam li na ni kay dla ndaɗta irim jiviya.

EFESNA 3:11

Lona li na ni u min mamba nam tiniɗ ay jewra, ka daɓ kiɗira, nam daɓ dla ndaɗta ki u Yesu Kristu Bu Suuna mayna.

Magaara JAK Ɓiiriɗta 1:1

Ni an, Jak, sa ma sun Lona u Bu Suuna Yesu Kristuna. An gi deɓpa maŋ njaf suu doogo yam mba suu vi Lona suu njay ki kay ndaŋgara bel belna.

1 PIYER 1:1

Ni an Piyer sa vovoɗta vi Yesu Kristu, ɓii maŋ suu ha ki njay ŋgayra hu mbassa daŋga, hu Pont, hu Galati, hu Kappados, hu Azi hu Bitini.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

1 JAŊ 3:10

Ni va ma tak goryoŋ Lonna ki jivi ɗal ɗal u suu vi Satannana, sa ka li dlara ɗegeeraɗi min wayammaɗi layna, ni ka goŋ Lonnaɗi.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.