Boy Ma Ayra Ma JAŊ Ɓiirimma 11:24 - Boy Lonana

²⁴ Marte hoŋom dira ana, «An wi ana nam hin hoŋ ay ki kolo iiriya, ni hu buu ma suu miɗina a paɗ ki kolo iirina, hu buu ma duliyara hin a daɓ ki na.»

Boy Ma Ayra Ma JAŊ Ɓiirimma 11:24 ပူးပေါင်းရင်းမြစ်များ

SUNDA 24:15

An hurun tini kay Lona ko asi tasira tini kamba na may, kay colla kolo iirira vi suu ɗegeena u suu ka ɗegeeɗina.

EZAYI 26:19

Suu maŋ suu miɗina hin hoŋ ki iiriya, tliwisi ma miɗina hin paɗ ki kolo iiriya. Asi sawalla furira ana dliɗigi kiyo, agi suu ay ga duk ndaŋgarana, kay mbaɗagi magira ni mbaɗagi kiɗikka. Suu may suu ay hu ndufundana hin wi kiɗikka.

Boy Ma Ayra Ma LUK Ɓiirimma 14:14

Ni aŋ hin fi furira kay asi ndak ka a hoŋoŋ tlegeyeŋ kiɗi. Lona hin hoŋoŋsina falira suu ɗegeena paɗ ki kolo iirira.»

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

Magaara Vi Sa Jok Vun Lona OZE 6:2

Tew buuna mba' ni nam hoŋoygi ki iiriya, hu buu ma hindina ni nam ka coloygi ki koloo, aygi hin kak iiri fokomu.

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

EZAYI 25:8

Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.

HEBRENA 11:35

U vira boyogina fi suu masi suu miɗina hoŋ ay ki kolo iiriya. Suu daŋŋa fi lassa ta ta miɗna, asi noy buɗta kira, ka min a col ay ki kolo hu miɗna a kal hu iirira jiviraɗi.

Boy Ma Ayra Ma JAŊ Ɓiirimma 6:39

Sa sunun ayna min ana suu nam ɦansina wanna, an viɗ maa ki dewɗi. Nam min ana an paɗasi ki kolo ŋgoo dagan hu buu ma kaɓakŋa halaŋ.

Boy Ma Ayra Ma JAŊ Ɓiirimma 6:40

Dlara Bun hurum miniɗta, ni ana suu wi Goŋ Sanana, tin hurusi kamma, fi iirira ka daɓ kiɗira. An hin paɗasi ki kolo iiri, ŋgoo dagan hu buu ma kaɓakŋa.»

Boy Ma Ayra Ma JAŊ Ɓiirimma 11:23

Yesu daɗ ana, «Wayakŋa hin hoŋ ay ki kolo iiriya.»