Boy Ma Ayra Ma JAŊ Ɓiirimma 11:19 - Boy Lonana

¹⁹ Suu Juifna bolow cocoo mbay eg Mari u wayaɗta Marte a yoorosi kay wayasina.

Boy Ma Ayra Ma JAŊ Ɓiirimma 11:19 ပူးပေါင်းရင်းမြစ်များ

URA TIN AYRA 37:35

Goryom suu njufiina u suu boyogina halaŋ mbay egem a ɗilim irimba ni nam ka minɗi. Nam di ana, «An tew eg goronna hu lina vi suu miɗina ni u tiina.» Nam tuɗ fok u tiina.

2 SAMUEL 10:2

David di ɗaŋŋi ana, «An hin li dlara u ɗegeera eg Hanum ma goŋ Nabasna ŋgol coco ko bum laɗ egenda na may.» David sun ha egem fun suu mam suu sunda u gaɗ mamba so huuna kay dlaŋ bumba. Asi suu sunda vi Davidna tew ha ki hu mbassa vi goryoŋ Amonda.

1 DLAŊ MULINARA 10:12

Suu duu suu saɓakŋa halaŋ yow kolo yow maɗ gi Sol u goryom tuɗusi maŋ Yabek. Asi tososi sokosi kaŋga u ŋgus cinda vi Yabesna. Asi hin li laara buuna kiɗisiyara olo.

JOB 2:11

Banayaŋ Job suu hindina hum dlara li egemba haa. Asi gegelay ni col ay hu mbas mamba mbay egemu. Elifaz ma Temanna, Bildad ma Kuhana, Sofar ma Naamana may. Asi mbay a yooromba may, a ɗilim irimba may.

JOB 42:11

Gorsemma, gorsem suu gorɓiina, u ndarayam suu wamma halaŋ mbay a golomba. Asi ti funa ay u nam vo hu ziimu. Asi ɗilim irim kay hahawra ŋgolla Yawe mbaramba ay kamba. Asi halaŋŋi suu ɦam gursura may, suu ɦam kaaɗum lorra may.

DI BOLLA 7:2

Tuɗta tuɗ hu li ma tii maɗna jivi suu mayra aŋ tuɗ kal hu zira tina huruɗ zeɗ zeɗta. Miɗna ni kay suu warna halaŋ, jivira ni sana haɗ tam ki u namu.

EZAYI 51:19

Dlara hahawra mbay kaŋ na mba'. Mbas maŋga ɓalak kiyo, may ŋgolla ndi kay suu maŋsina, duuna lay, sa ma hin mba egeŋ a ɗiliŋ iriŋŋa ni gege?

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

YOORA 1:21

Asi humun an yoora, sa heɓen hurun kaɗi. Suu babali mansina hum dla cora li egenda, asi li furira, aŋ li dla ndaɗta ni aŋu. Aŋ mba buu ma aŋ ŋgaam kina ay wa. Ko asi may ni li ni ko an na.

YOORA 1:9

Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

YOORA 2:13

Dlara hin a ɓakaɗ kakka ni tarage? Sa an hin ŋgaam u ndakŋa ni ge ɗaŋge Yerusalem ta jivira? Sa an hin ŋgaam u ndak a heɓek hurukŋa ni ge goo wayra, Siyon ta jivira? Kay ana tora took kira ŋgolla ni ko lum ma ŋgolna na. Sa hin suɗuk kina ni gege?

Boy Ma Ayra Ma LUK Ɓiirimma 10:39

Wayaɗta dew seɗ ana Mari kagi eg Yesu hum dlara nam haɗasira.

Boy Ma Ayra Ma LUK Ɓiirimma 10:42

Vana ka dew ni, va ma ŋgol cocona. Mari ŋgaɓmi va jivina. Sa ka tlaɗna ki koɗɗi.»

Boy Ma Ayra Ma JAŊ Ɓiirimma 1:19

Gola ni dikira vi Jaŋ ma mbus batemma hu li ma suu Juif suu Yerusalemma sun suu li ɓivunna, u suu Levina ay egemu joɓom ana, «Aŋŋi gege?»

Boy Ma Ayra Ma JAŊ Ɓiirimma 11:1

Sana sem ana Lazar, tuguɗira lamu. Nam hu zina yam ana Betani, ni zi ma Mari u wayaɗta Marte ka huna.

Boy Ma Ayra Ma JAŊ Ɓiirimma 11:31

Suu Juifna suu laki eg Mari a yooroɗna wi na ni, sel ay ki bunsu zak, cuk tasi ha uɗu. Asi saa ana ndaɗ tuɗ ni kay ussa a tiina.

Boy Ma Ayra Ma JAŊ Ɓiirimma 11:33

Yesu waɗ ndaɗ tiira, suu Juifna suu mbay uɗna tii may, irim mbuɗ ɗussa, nam mbuɗ hahaw coco lay.

Boy Ma Ayra Ma JAŊ Ɓiirimma 11:36

Suu Juifna di ɗaŋŋi ana, «Agi gola, nam minim cocoo.»

Boy Ma Ayra Ma JAŊ Ɓiirimma 11:45

Suu Juifna bolowo duk suu mbay eg Marina, wi dlara Yesu laɗta tin hurusi kamu.

Boy Ma Ayra Ma JAŊ Ɓiirimma 11:8

Suu mamsina ana, «Mala Haɗta, suu Juifna li halaŋ a caŋ kira may ni, aŋ ana hoŋoygi huwa ni nanage?»

ROMMA 12:15

Lagi furira u suu ka furina, tiirigi u suu ka tiina.

2 KORINTNA 1:4

Nam njun uygi hu wihaw maygira bel, kay agi mba njun u suu agi fasi hu wihawra halaŋ, kay a takasi njun mayra aygi faɗ ay ko Lona ndaɗta.

1 TESALONIKŊA 4:18

Ɗiligi irigi duk tagi u boy namma.

1 TESALONIKŊA 5:11

Kay ndaɗta gagi hum tagi tew tew, haɗagi tagiya tagiya ko agi kaa day lira na lay.

1 SAMUEL 31:13

Asi varasi sokosi hin tosom u ŋgus cinda Yabessa. Asi hin li laara kam buuna kiɗisiya olo.