Boy Ma Ayra Ma JAŊ Ɓiirimma 10:16 - Boy Lonana

¹⁶ Yoori man suu daŋŋa kaa, asi ka duk ndarayasina tuɗi. An tuɗ halasi aya. Asi hin humun delen na ni, asi hin taɓ ki a yoo ma dewna, sa ma taarasina li dew may.

Boy Ma Ayra Ma JAŊ Ɓiirimma 10:16 ပူးပေါင်းရင်းမြစ်များ

EZAYI 56:8

Bu Suuna Yawe ma taɓ yam suu Israelna kel tasina di ana, «Cemi an tok suuna ay ki kel tasi wa, suu hinna an hin taarasi ay ki hu olo.»

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

Boy Ma Ayra Ma JAŊ Ɓiirimma 11:52

ka kay njaf namma doy holɗi, ni kay tok goryoŋ Lona suu ki njayna halaŋ eg tasiya.)

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

EZEKIYEL 37:24

Saan ma sunda David hin ti mulla kasiya. Asi hin tuɗ ni u neey manda. Asi hum u gaɗ manda li uɗ lay.

Boy Ma Ayra Ma JAŊ Ɓiirimma 6:37

Suu Bun ɦansinana halaŋ mbay egenu. Sa mbay egenna, an ka noyom kiɗi.

Boy Ma Ayra Ma JAŊ Ɓiirimma 10:27

Timigii mansina humun delenu. An wasiya, asi tuɗ un may.

Boy Ma Ayra Ma JAŊ Ɓiirimma 10:11

«Anni sa ma taa yoona jivina, sa ma taa yoona jivina ba iiri mamba ki kay timigii mamsina.

WIRA ŊGAYRA 3:20

Huma, an ka coli a daɓ vun zira, lini sa humun delenu ni, mal vun zira kiyo an kal varamu, ti funa u namu, nam hin ti u an may.

1 PIYER 2:10

Ay jew ni agi ka suu vi Lonnaɗi, cecemmi agi mbuɗ suu vi Lonna. Jewni Lona ka wagi hahawagiɗi, cemmi agi mbuɗ ni suu nam wagi hahawagina.

2 TESALONIKŊA 2:13

Gorsenna, ami gideɓ Lona kagi tew tew agi suu Bu Suuna minigina. Lona managiya kay agi mba suɗ ki fok jew u saɓakŋa vi Musuk Lonara ta mbuɗugi maŋ Lona kay tin hurugi kay gasira.

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

SUNDA 22:14

Nam di ana, Lona vi somoyomi manaŋ ki fok jew a aŋ wam min mamba, a aŋ wi ma Ɗegeena, aŋ hum nam daŋ ay ni u vunum gaw.

SUNDA 18:10

An ka njun uŋu, sa ka ndak a laŋ va egeŋgi, hu ɦoŋzina tani suu mansina ka ŋgolo.»

SUNDA 15:14

Simon dagi jew ana Lona min njaf suu ka Juifnaɗina, nam man suu dukusi ɦiw mbuɗusi ki a suu mamsina.

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.

EZEKIYEL 37:22

An dlaɓasi ki ni a njaf sa ma dewna hu mbas magira kolo kay ɦinira vi suu Israelna. Mul ma hin kak kagi a ti mulla ni mul ma dewna. Irigi ka ɓorow ki mba' oloɗi. Ii mulla ka ɓorow ki mba' oloɗi lay.

EZAYI 52:10

Yawe tak kom ma teteɗna ki fok njaf suuna halaŋ. Suuna hu duliyara halaŋ wi ki ana Lona suɗ suu mamsina ki wa.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 43:6

An di mbayawra ana, «Ҥansina aya,» di dalira ana, «Vasi haɗi.» Goryon suu ay ki hu mbassa dayra hoŋonsina aya, u goryon suu tamagina suu ay hu vun ndaŋgara dodora bel bel.

DI BOLLA 12:11

Boy ma vi sa ma wi dlara ni ko ndal gu ma vunum feɗi ma dik u mbutlina na. Suu ɓii dla ndaɗtana ni ko ndal pondi ma ɓali eg tlenana na. Lona malay ma goloyna ɦal dla ndaɗta ay ni namu.

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

Boy Ma Ayra Ma JAŊ Ɓiirimma 10:2

Sa ma kal ha vun goŋga ni sa ma taa timigiina.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

1 PIYER 5:4

Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.

EZEKIYEL 34:6

Yoori mansina njay ha ki kolo kay ɦinira na dew dew, ha ki kolo kay lii mbuyna aragelay, yoori mansina njay ha ki hu mbassa daŋga na zeɗ zeɗ. Sa ma tuɗ a halasi ay kaɗi lay. Sa ma ɦal tam a halasi kaɗi.

EZEKIYEL 34:12

Ko ndal sa ma taa yoorina gol yoori mamsina jivi hu li ma asi njay kina na hu li ma nam coli dukusina, an may ni hin gol yoori mansina, tokosi ay ki hu li ma asi ay ki njay huna duk li ma kuɗna gi lina ndufun cocona.

Boy Ma Ayra Ma JAŊ Ɓiirimma 10:3

Sa ma golosi usina, malasi vunna kiyo, asi timigiina humum delemu. Nam yi timigii mamsina u sesiya, hin cukusi ay ki buruwa.

Boy Ma Ayra Ma JAŊ Ɓiirimma 10:4

Nam cukusi ay ki buruwa ni gi tam fokosiya asi hin tuɗ ha kay ceremu kay asi humum delemu.

Boy Ma Ayra Ma JAŊ Ɓiirimma 10:5

Timigiina ka tuɗ u sa ma daŋgi. Asi hin liŋ kommi liŋi na ɗow kay asi ka wambi.»

Boy Ma Ayra Ma JAŊ Ɓiirimma 17:20

«An ceneŋŋi ka kasi holɗi, ni kay suu hin tin hurusi kan u boy ma asi hin dasinana.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

Boy Ma Ayra Ma LUK Ɓiirimma 15:8

«Ɗowba lini cara sili maɗta koɗ doogo lini ta dewra viɗ ki wa ni, ndaɗ ka do kura koɗ do ni, too hu ziiɗ ki halaɗ gak gak faɗɗi su?