Boy Ma Ayra Ma JAŊ Ɓiirimma 10:14 - Boy Lonana

^14-15 An ni sa taa yoona jivina. Bun wan may, an wam may. Ni ko ndaɗta na, an wi timigii mansina asi wan may. An ba iiri manda ki kay timigii mansina.

Boy Ma Ayra Ma JAŊ Ɓiirimma 10:14 ပူးပေါင်းရင်းမြစ်များ

SOOLLA 1:6

Kay Yawe wi voɗta vi suu ɗegeena. Voɗta vi suu li dla cora, tuɗusi ni hu li ma baasi kina.

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

Boy Ma Ayra Ma JAŊ Ɓiirimma 10:11

«Anni sa ma taa yoona jivina, sa ma taa yoona jivina ba iiri mamba ki kay timigii mamsina.

Boy Ma Ayra Ma JAŊ Ɓiirimma 10:13

Nam pii ni kayme nam li sunda ni kay warakŋa, timigiina ni ka mamsinaɗi, hurum ka haɗ kasiɗi ni na.

Boy Ma Ayra Ma JAŊ Ɓiirimma 10:27

Timigii mansina humun delenu. An wasiya, asi tuɗ un may.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma JAŊ Ɓiirimma 17:8

Ni kayra an haɗasi boy ma aŋ danna ayna. Asi vamu. Asi wi gasi ana an col ay ni egeŋu, asi vi ana aŋ sunun ay ni aŋu.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

EFESNA 3:19

Ni agi ndak a wi min mamba ndaɗ ka vaɗ a sa waɗ uɗ ki gasiɗi lay, ni agi ndak waɗu agi mba oy u ndakka vi Lona.

FILIPINA 3:8

Cecemi an gol tle asina halaŋ ko tlesuu ba kina na, kay wira wi Yesu Kristu Bu Suuna manna, ndaɗta ni mayra ŋgolla, kam nammi an vi dla mayra ba tle asina kira kanu, an gol tle asina halaŋŋ ko tlesuu tokosi kina ɦawa na kay an a fi Kristu.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

WIRA ŊGAYRA 2:19

An wi tlesuu aŋ lasina halaŋ, an wi ana aŋ min suuna cocoo, an waŋ ɗegee maŋga, u ɦala ɦal taŋ ki kay sundara lay, u lalam maŋga lay. An wi ana sun maŋga cecemi mbuɗ ŋgol su jewra.

WIRA ŊGAYRA 2:2

An wi tlesuu aŋ lasina halaŋ, an wi dlara loɓma li egeŋga, ɗili maŋga aŋ takaɗ kira an waɗ lay, an wi ana aŋ ka ndak a siɓ dlara vi suu conaɗi, suu di kay tasi ana asi ni suu vovoɗta hin ka naɗina, aŋ tukusiya, hin wasi ana asi ni suu kaboyna.

WIRA ŊGAYRA 2:9

Wihaw maŋga an waɗu, haw maŋga an waɗ lay, u gasira ni aŋŋi sa ɦizina. An wi dla co mayra suu ana asi ni suu Juifna ni ka suu Juifnaɗi layna daŋga kaŋga, tok masira ni tokka vi Satanna.

WIRA ŊGAYRA 3:1

Ɓii Magaara maŋ sa sunda huulona vi suu vi Kristuna hu Sard. Humugi boyna vi sa ma Musuk Lonana kiɗisiya komu u ciciwra kiɗisiya mayna damma haa. An wi tlesuu aŋ lasina halaŋ, an wi saara suuna di kaŋga aŋ ka iiriya, doli aŋŋi miɗiya.

WIRA ŊGAYRA 3:15

An wi tlesuu aŋ lasina bel, an wi ana aŋ ka heɓbi lay ka kuɗi lay, an min ana aŋ li heɓ ɗowba kuwa.

WIRA ŊGAYRA 3:8

An wi tlesuu aŋ lasina halaŋ, an wi ana saɓak maŋŋa ka ŋgolɗi, na lay ni aŋ hum boy manna ha jiviya ni aŋ vanni vununu. An malaŋ vun zira ki maŋu, sa ka ndak a duguɗɗi.